ས་བབ་མཐོ་ཚད་སྨི་3300ཡོད་པའི་བདེ་ཆེན་མཐོ་སྒང་དུ་གྲུམ་ནད་ཀྱིས་ནད་པ་མང་པོ་ཞིག་ལ་སྨན་བཅོས་བྱེད་པར་མི་འགྲོ་ཐབས་མེད་བྱུང་ཡོད།བདེ་ཆེན་ཁུལ་བོད་སྨན་ཁང་གི་སྨན་པ་ཨ་ཧྲའོ་ཡིས།ལོ་ངོ་23རིང་གི་དུས་ཚོད་ནང་བོད་ལུགས་གསོ་རིག་དང་བོད་སྨན་རྨང་གཞིར་བྱས་པའི་ཆེད་ནད་ཆེད་བཅོས་ཀྱི་ལམ་བུ་ཞིག་འཚོལ་ཞིབ་བྱས་ཏེ། ཆེད་ལས་ཀྱི་ནད་བརྟག་སྨན་བཅོས་དེ་མཐོ་སྒང་གི་ནད་པའི་སྒོ་འགྲམ་དུ་བསྐྱལ་བ་རེད།

ཉིན་གུང་གི་སྐབས་སུ། སྨན་པ་ཨ་ཧྲའོ་ནི་རྒྱུན་ལྡན་ལྟར་སྨན་རྫས་འཁྱེར་ནས་གྲོང་མི་ཁང་སེ་ཚང་གི་སྒོ་དལ་གྱིས་ཕྱེས། ཁང་བའི་ནང་ལོ་60ལྷག་ཙམ་ལ་སླེབས་པའི་རྨོ་བོ་བློ་བཟང་ནད་ཀྱིས་མནར་ནས་མལ་སར་ལྷུང་ཡོད་པ་དང་། ལོ་30ཡི་རིང་གི་གྲུམ་བུའི་ནད་ཀྱིས་མོའི་རུས་ཚིགས་གཟུགས་འགྱུར་ཚབས་ཆེ་བས་ཉལ་ཁྲིའི་ཐོག་ནས་འབབ་ཐབས་བྲལ། སྒོ་རྩར་སྨན་བཅོས་བྱེད་པའི་གནས་ཚུལ་འདི་ལྟ་བུ་སྨན་པ་ཨ་ཧྲོའུ་ཡིས་ལོ་ལྔ་ཙམ་རྒྱུན་མཐུད་ངང་སྒྲུབ་ཡོད།

2014ལོར། བདེ་ཆེན་ཁུལ་བོད་སྨན་ཁང་གི་གྲུམ་ནད་ཚན་ཁག་དངོས་སུ་བཙུགས་པ་དང་སྨན་པ་ཨ་ཧྲའོ་ལགས་ཀྱིས་རུ་ཁག་གི་སྣེ་ཁྲིད་དེ་བོད་ལུགས་གསོ་རིག་དང་བོད་སྨན་གྱི་གསོ་ཐབས་སྔོག་འདོན་གཏིང་ཟབ་བྱས་ཏེ་ས་མཐོའི་གྲུམ་ནད་སྨན་བཅོས་བྱས་པས་ནད་པར་རེ་བའི་འོད་སྣང་སྦྱིན།

ནད་པ་སྔར་ལས་མང་བ་སྨན་བཅོས་བྱས་ནས་སླར་ཡང་བདེ་ཐང་ཐོབ་པ་མཐོང་རུང་སྨན་པ་ཨ་ཧྲའོ་ཡིས་མདུན་སྐྱོད་ཀྱི་གོམ་པ་སྤོ་མཚམས་བཞག་མེད། ཁོང་གིས་མང་ཚོགས་དེ་བས་མང་བར་ཕན་པ་ཐོབ་པ་བྱེད་པར་ངེས་པར་དུ་སྨན་བཅོས་ཐོན་ཁུངས་ཁ་ཐོར་དུ་གནས་པའི་འཇུར་མིག་སེལ་ནས།མ་ལག་ཅན་དང་ཆེད་ལས་ཅན་གྱི་སྨན་བཅོས་སྟེགས་བུ་བཙུགས་ཏེ་ནད་རིགས་ལྟར་སྨན་བཅོས་བྱེད་པའི་འདུ་ཤེས་དོན་དངོས་ཐོག་དོན་འཁྱོལ་ཐུབ་པ་བྱེད་དགོས་པ་འདུ་ཤེས་སྐྱེས་བྱུང་།

ལོ་ངོ་23རིང་། མི་གཅིག་ནས་ཚོགས་པ་གཅིག་དང་།ཚན་ཁག་གཅིག་ནས་ཆེད་ཚན་ལས་སྟེགས་གཅིག་བར་སྨན་པ་ཨ་ཧྲའོ་ཡིས་གོམ་པ་རེ་རེ་ས་མཐོའི་མང་ཚོགས་ལ་མཁོ་ཆེ་ཤོས་ཀྱི་ལམ་བུའི་ཐོག་སྤོས་ཡོད་པ་དང་།ལམ་བུ་དེའི་ཐོག་ཁོང་ད་དུང་མུ་མཐུད་མདུན་སྐྱོད་བྱེད་བཞིན་ཡོད།