སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ12པའི་ཚེས12ཉིན།སྐབས་དགུ་པའི་ཁུལ་ཨུའི་རྒྱུན་ཨུས་ཚོགས་འདུ་ཐེངས་143འཚོགས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་གྱི་དགོངས་དོན་དང་ཀྲུང་དབྱང་གི་དཔལ་འབྱོར་ལས་དོན་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་ནས་རང་ཁུལ་གྱི་ལག་བསྟར་ལས་དོན་ལ་ཞིབ་འཇུག་བྱས་པ་དང་། ཁུལ་ཨུའི་རྒྱུན་ཨུ་ཚན་ཁག་གི་ཁོངས་མིས་ཕྱོགས་ཡོངས་ནས་ཏང་ནན་སྐྱོང་གི་ལས་གནས་གཅིག་དང་འགན་འཁྲི་གཉིས་ཞེས་པ་ལག་བསྟར་བྱས་ཚུལ་དང་འོག་རིམ་གྱི་འགན་འཁུར་བ་གཙོ་བོའི་འགན་འཁྲི་དང་སྤྱོད་གཙང་རྩད་གཅོད་དང་སྤྱོད་གཙང་དམ་འཛིན་བྱས་ཚུལ་སྙན་སེང་ཞུས་པའི་སྙན་ཞུ་གསན་པ་རེད། 

ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཚོགས་འདུ་གཙོ་སྐྱོང་གནང་བ།

ཚོགས་འདུའི་ཐོག་ཁུལ་ཨུའི་རྒྱུན་ཨུ་ཚན་པའི་ཁོངས་མིས་ཕྱོགས་ཡོངས་ནས་ཏང་ནན་པོས་སྐྱོང་བའི“ལས་གནས་གཅིག་ལ་འགན་འཁྲི་གཉིས”ཀྱི་གནས་ཚུལ་སྙན་ཞུ་གསན་པ་དང་།ཁུལ་ཨུའི་རྒྱུན་ཨུ་ཚན་ཁག་གིས་ཕྱོགས་ཡོངས་ནས་ཏང་ནན་པོས་སྐྱོང་བའི་བྱེད་པོའི་འགན་འཁྲི་ནན་པོ་འཁུར་བ་དང་།སྒྲིག་ཁྲིམས་དང་སྒྲིག་ལམ་གྱི་འདུ་ཤེས་འཛིན་ཤུགས་ཆེ་རུ་གཏོང་བ།སྤྱོད་ཚུལ་ལེགས་སྐྱོང་མུ་མཐུད་དམ་འཛིན་བྱས་ཏེ་ཁྱོན་ཡོངས་ནས་ཏང་ནན་སྐྱོང་གི་ཕན་འབྲས་ལ་བརྟེན་ནས་བདེ་ཆེན་གྱི་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཡོང་བར་སྐུལ་འདེད་གཏོང་དགོས་ཞེས་ནན་གྱིས་བསྟན།

ཚོགས་འདུའི་ཐོག་རྫོང（གྲོང་ཁྱེར）ཁག་གི་ཏང་ཨུའི་ཧྲུའུ་ཅི་དང་དེ་བཞིན་ཁུལ་ཐད་གཏོགས་སྡེ་ཚན་གྱི་ཏང་ཨུའི（ཏང་ཙུའུ）ཧྲུའུ་ཅིས་ལས་འགན་བསྒྲུབས་ཚུལ་དང་སྤྱོད་གཙང་བསྐྱངས་ཚུལ་དང་།སྤྱོད་གཙང་ཡུན་ནན་བདེ་ཆེན་འཛུགས་སྐྲུན་ལ་དམ་འཛིན་བྱས་ཚུལ་གྱི་སྙན་ཞུར་གསན།རིམ་པ་ཁག་གི་“འགན་འཁུར་བ་གཙོ་བོས”་ཏང་དོ་དམ་དང་ཏང་བཅོས་སྐྱོང་བྱེད་པའི་ཆབ་སྲིད་འགན་འཁྲི་དང་། འགན་འཁྲི་འཁུར་མཁན་དང་པོའི་འགན་འཁྲི་དོན་འཁྱོལ་བྱེད་དགོས་པ་དང་། རིམ་པ་ཁག་གི་སྒྲིག་བཤེར་ལྟ་ཞིབ་ལས་ཁུངས་ཀྱིས་ལྟ་སྐུལ་གྱི་འགན་འཁྲི་ལག་བསྟར་ཡག་པོ་བྱས་ཏེ།སྤྱོད་གཙང་ཡུན་ནན་བདེ་ཆེན་འཛུགས་སྐྲུན་ལ་ཁྱོན་ཡོངས་ནས་སྐུལ་འདེད་གཏོང་དགོས་ཞེས་ནན་གྱིས་བསྟན།

ཚོགས་འདུའི་ཐོག《ཞིང་ཨུའི་སྐོར་གཟིགས་ཚོགས་ཆུང་བརྒྱད་པའི་ཚུར་ལན་བསམ་འཆར་དོན་འཁྱོལ་བྱས་པའི་རྗེས་མཐུད་དག་ཐེར་འཕེལ་རིམ་སྐོར་གྱི་ཀྲུང་གུང་བདེ་ཆེན་ཁུལ་ཨུའི་སྙན་ཞུར》གྲོས་ཞིབ་བྱས་ནས། དག་ཐེར་ཡོ་བསྲང་གི་འགན་འཁྲི་འཁུར་རྒྱུར་དམ་འཛིན་ནན་པོ་བྱས་ཏེ་ལྷོད་གཡེང་མི་གཏོང་བ་དང་། གནད་དོན་དག་ཐེར་ཡོ་བསྲང་གཏིང་ཟབ་བྱ་རྒྱུར་སྐུལ་འདེད་གཏོང་དགོས་ཞེས་ནན་གྱིས་བསྟན།

ཚོགས་འདུའི་ཐོག་ཁུལ་ཡོངས་ཀྱི་སྤྱི་ཚོགས་ལས་དོན་གནས་ཚུལ་གྱི་སྙན་ཞུ་གསན་ནས།གསར་དར་ཁྱབ་ཁོངས་ཀྱི་ཏང་རྩ་འཛུགས་འཛུགས་སྐྱོང་བྱེད་མགྱོགས་སུ་བཏང་ནས་གཞི་རིམ་གྱི་སྤྱི་ཚོགས་བཅོས་སྐྱོང་ལ་སྐུལ་འདེད་ཏན་ཏིག་གཏོང་དགོས་ཞེས་ནན་གྱིས་བསྟན།