ཟླ4པའི་ཚེས18ཉིན་གྱི་ཕྱི་དྲོར། ཡུན་ནན་ཚད་བརྒལ་རྐང་རྩེད་སྤོ་ལོའི་མཉམ་འགྲན་གྱི་འགྲན་བསྡུར་ཐེངས་10པ་དེ་པའོ་ཧྲན་ཨོ་ལིམ་ཕིག་ལུས་རྩལ་ལྟེ་གནས་སུ་འགོ་ཚུགས་པ་དང་། བདེ་ཆེན་རུ་ཁག་གིས་པའོ་ཧྲན་རུ་ཁག་དང་འགྲན་བསྡུར་བྱས་པ་རེད། ཕྱོགས་གཉིས་པོ་རྒྱུན་གཏན་གྱི་དུས་ཚོད་ནང་1:1གི་སྐར་འབྲས་བླངས་པ་དང་། དེ་རྗེས་བདེ་ཆེན་རུ་ཁག་གིས་ཆད་གྲུག་རྒྱག་གནས་ཀྱི་འགྲན་བསྡུར་ཁྲོད་4:1གི་སྐར་འབྲས་ཐོག་ནས་པའོ་ཧྲན་རུ་ཁག་ཕམ་པར་བརྒྱབ་ནས་གཞན་ཡུལ་འགྲན་ར་རུ་སྐར་མ་གཉིས་བླངས་པ་རེད།

འགྲན་སྟོད་དུ། ཕྱོགས་གཉིས་པོས་མགྱོགས་མྱུར་ངང་འགྲན་རྩོད་དྲག་པོ་བྱས་མཐར།  སྐར་མ་22ལ་སླེབས་སྐབས་བདེ་ཆེན་རུ་ཁག་གིས་སྤོ་ལོ་གཅིག་འཕངས་ནས་པའོ་ཧྲན་རུ་ཁག་ལས་1：0གི་སྐར་གྲངས་ཀྱིས་སྔོན་ལ་སླེབས་ཡོད། པའོ་ཧྲན་རུ་ཁག་གིས་ཕར་རྒོལ་བྱེད་འདོད་ཀྱང་བདེ་ཆེན་རུ་ཁག་གི་འགོག་སྲུང་འཛིང་རགས་བརྟན་པོ་ཡིན་པས་ཕ་རོལ་པར་རྒྱལ་ཁ་ཐོབ་པའི་གོ་སྐབས་མ་བྱུང་།

འགྲན་བསྡུར་ཁྲོད། རང་ཡུའི་ཚོགས་ར་ནས་འགྲན་བསྡུར་དུ་ཞུགས་པའི་པའོ་ཧྲན་རུ་ཁག་གིས་ཕར་རྒོལ་བྱེད་ཤུགས་མངོན་གསལ་དོད་པོས་ཆེ་རུ་བཏང་ཡང་། བདེ་ཆེན་རུ་ཁག་གི་འགོག་སྲུང་བློ་བརྟན་འགྱུར་མེད་ཡིན་པས་ཉེན་ཁ་ཐེངས་མང་སེལ་ཡོད། དུས་གསབ་ཀྱི་སྐབས་སུ། པའོ་ཧྲན་རུ་ཁག་གིས་ཆེས་མཐའ་མཇུག་གི་ཚུར་རྒོལ་གོ་སྐབས་དམ་འཛིན་བྱས་པ་དང་། འཐབ་འཛིང་ཁྲོད་སྒོ་བརྟོལ་ནས་སྐར་གྲངས1:1ལ་བཏང་། རྒྱུན་གཏན་གྱི་དུས་ཚོད་མཇུག་འགྲིལ་རྗེས་འགྲན་བསྡུར་དེ་ཆད་གྲུག་རྒྱག་གནས་ཀྱི་འགྲན་བསྡུར་ཆེན་པོར་སླེབས་པ་དང་བདེ་ཆེན་རུ་ཁག་གིས་སྤོ་ལོ་བཞི་བརྒྱབ་པ་དང་།4：1གི་སྐར་འབྲས་ཀྱིས་པའོ་ཧྲན་རུ་ཁག་ཕམ་པར་བརྒྱབ་པས་བདེ་ཆེན་རུ་ཁག་ལ་རྒྱལ་ཁ་ཐོབ་ཡོད།