ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཚོགས་འདུར་ཞུགས་པ་དང་འབྲེལ་གསུང་བཤད་གནང་བ། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་གིས་ཚོགས་འདུར་གཙོ་སྐྱོང་གནང་། ཁུལ་ཨུའི་ཧྲུའུ་ཅི་གཞོན་པ་ཞུས་སི་སི། ཀྲུའུ་པའོ་ཧྥུའུ་ཚོགས་འདུར་ཕེབས་པ།

    བརྟག་ཞིབ་གནང་རིང་། ལུའོ་ཁྲའོ་ཧྥེང་དང་ཀྲང་ཝེ་ཏུང་གིས་རུ་སྣེ་ཁྲིད་དེ་སྔ་རྗེས་སུ་ཏན་སྤྲེའུ་སྤུ་སེར་རྒྱལ་ཁབ་སྤྱི་གླིང་དང་། ཨ་སན་ཏུའོ་ཆུ་མཛོད་ལས་གྲྭའི་རྣམ་གྲངས་འཛུགས་སྐྲུན་བྱ་ཡུལ་དང་།འབའ་ལུང་པའེ་ཞིན་སྨན་རྫས་ཚད་ཡོད་འགན་འཁྲི་ཀུང་སི། ཐུའོ་པ་ཆུ་ཤུགས་གློག་ཁང་གི་མཛོད་ངོགས་བརྟན་ཤོར་ལྟ་ཞིབ་ཚད་ལེན་ས་ཚིགས་དང་།པའོ་ཀྲུང་གཞུང་ལམ་རྣམ་གྲངས།འབའ་ལུང་ལུའོ་ཀུང་གངས་རི་ཞིང་ནགས་ཚན་རྩལ་ཚད་ཡོད་འགན་འཁྲི་ཀུང་སི་བཅས་ཀྱི་རྟེན་གཞིར་བསྐྱོད་ནས་འབའ་ལུང་རྫོང་གི་རིག་གནས་ཡུལ་སྐོར་དང་།ཀྲུང་ལུགས་སྨན་རྫས།བཟའ་བྱའི་ཤ་མོ། ནགས་གསེབ་དཔལ་འབྱོར་སོགས་ཐོན་ལས་འཕེལ་རྒྱས་འགྲོ་ཚུལ་ལ་བརྟག་ཞིབ་གཏིང་ཟབ་བྱས་པ་མ་ཟད། གཙོ་གནད་རྣམ་གྲངས་འཆར་འགོད་དང་།འཛུགས་སྐྲུན།སྐུལ་འདེད་བཅས་ཀྱི་གནས་ཚུལ་དང་དེ་བཞིན་ཐུའོ་པ་ཆུ་ཤུགས་གློག་ཁང་གི་མཛོད་ངོགས་བརྟན་ཤོར་ཐག་གཅོད་གནས་ཚུལ་ལའང་བརྟག་ཞིབ་གནང་།

    ཚོགས་འདུའི་ཐོག་ནན་གྱིས་བསྟན་དོན།འབའ་ལུང་རྫོང་ལ་སྲིད་ཇུས་དང་།ས་གནས།གནམ་གཤིས།མི་ཆོས་རིག་གནས་སོགས་ཐུན་མོང་མ་ཡིན་པའི་དགེ་མཚན་ལྡན་པས།ངེས་པར་དུ་ཡིད་ཆེས་བརྟན་པོ་དང་།རང་འགུལ་ངང་འགྱུར་ལྡོག་དོན་གཉེར།དཀའ་ངལ་ལ་མི་འཛེམ་པར་མདུན་དུ་སྐྱོད་པ་བཅས་བྱས་ཏེ།སེམས་རྣལ་དུ་ཕབ་ནས་དཔལ་འབྱོར་དང་སྤྱི་ཚོགས་འཕེལ་རྒྱས་ཁྲོད་གནས་པའི་གནད་དོན་ལ་དབྱེ་ཞིབ་ནན་ཏན་དང་།སེལ་ཐབས་འཚོལ་དགོས།རྫོང་ཨུའི་ཚང་འཛོམས་ཚོགས་འདུ་ཐོག་གཏན་ལ་ཕབ་པའི་འཕེལ་རྒྱས་གཏོང་རྒྱུའི་གནས་ངེས་ལ་དམིགས་ནས་ལས་ཀའི་བྱེད་ཐབས་ཞིབ་ཕྲ་བཟོ་བ་དང་།“ལོ་ལྔ་ཚན་བཅོ་ལྔ་པའི་”རིང་གི་འཆར་འགོད་དེ་བདེ་སྐྱིད་ལྡན་པའི་དངོས་ལྗོངས་སུ་འགྱུར་བ་བྱེད་དགོས།“རྣམ་གྲངས་དམ་འཛིན་བྱེད་པ་ནི་འཕེལ་རྒྱས་དམ་འཛིན་བྱེད་པ་དང་།འཕེལ་རྒྱས་དམ་འཛིན་བྱེད་པར་རྣམ་གྲངས་དམ་འཛིན་བྱེད་དགོས”པའི་འདུ་ཤེས་བརྟན་པོ་བཙུགས་ཏེ།ད་ཡོད་རྣམ་གྲངས་འཛུགས་སྐྲུན་ལ་སྐུལ་འདེད་ཇེ་མགྱོགས་སུ་གཏོང་བ་དང་།རྣམ་གྲངས་ཡག་པོ་ཁག་ཅིག་ཇུས་འགོད་ཞིབ་ཚགས་བྱས་ཏེ།རྣམ་གྲངས་དམ་འཛིན་དང་མ་དངུལ་འཇོག་གྲངས་མང་དུ་གཏོང་དགོས། ཐོན་ཁུངས་དཔལ་འབྱོར་འཕེལ་རྒྱས་ཤུགས་ཆེན་གཏོང་བ་དང་།ཐོན་ཁུངས་ཀྱི་ཁྱད་ཆོས་ལ་གཞི་ཚུགས་ཤིང་།བསྡུར་གཞི་ཡོད་པའི་དགེ་མཚན་འདོན་སྤེལ་བྱས་ཏེ། ཐོན་ལས་འཕེལ་རྒྱས་གཏོང་བའི་ཐད་ལ་ཐབས་ཤེས་འདོན་པ་དང་།བྱེད་ཐབས་དངོས་འདོན་པ།འགག་གནད་ལས་སྒྲོལ་ཐབས་བཅས་བྱས་ནས།འབའ་ལུང་གི་ཁྱད་ཆོས་ལྡན་པའི་ཁྱད་པར་རང་བཞིན་དང་།སྐྱེ་ཁམས་རང་བཞིན་གྱི་ཡུལ་སྐོར་འཕེལ་རྒྱས་ཀྱི་བགྲོད་ལམ་དུ་སྐྱོད་པ་དང་།ཁུལ་ཡོངས་ཀྱི་ཀྲུང་ལུགས་སྨན་རྒྱུ་ཐོན་ལས་འཕེལ་རྒྱས་གཏོང་བའི་ཚད་ཤིང་ཧུར་ཐག་གིས་བཏོད་དེ།བརྩེ་སེམས་ལ་བརྟེན་ནས་“ཡུལ་སྐོར་”དང་།“ཞིང་ལས”“ནགས་ལས།”“ཆུ།”“གཏེར་ཁ་”སོགས་ཐོན་ཁུངས་དཔལ་འབྱོར་གྱི་ལས་དོན་ཡག་པོ་བསྒྲུབས་ཏེ།རྫོང་ཁོངས་དཔལ་འབྱོར་གྱི་གསོན་ཤུགས་སྐུལ་སློང་གང་ཐུབ་བྱ་དགོས།དམངས་འཚོ་འགན་སྲུང་དང་ལེགས་བཅོས་བྱེད་པ་དང་།གཞི་ཁྱོན་རང་བཞིན་གྱི་དབུལ་པོ་བསྐྱར་ལོག་དང་དབུལ་པོར་འགྱུར་བའི་གཞི་ཐིག་དང་།སྲིད་གཞུང་གི་བུ་ལོན་ཉེན་ཁའི་གཞི་ཐིག སྐྱེ་ཁམས་གཞི་ཐིག བདེ་འཇགས་བརྟན་ལྷིང་གི་གཞི་ཐིག་བཅས་བརྟན་པོར་སྲུང་བ། ཐོན་ཁུངས་འདོན་པ་དང་གྲོན་ཆུང་བྱེད་པ་རྒྱུན་འཁྱོངས་དང་། ནོར་སྲིད་ཀྱི་གཏོང་སྒོའི་གྲུབ་ཚུལ་ལེགས་སུ་བཏང་ནས་དངུལ་སྐར་མ་རེ་རེ་དགོས་གཏུག་ཆེ་སར་སྤྱད་དེ་མང་ཚོགས་ཀྱི་ཐོབ་སྣང་དང་བདེ་སྐྱིད་ཚོར་སེམས་རྒྱུན་མི་འཆད་པར་ཆེ་རུ་གཏོང་དགོས།

    ཚོགས་འདུའི་ཐོག་ནན་གྱིས་བསྟན་དོན། རིམ་པ་ཁག་གི་འགོ་ཁྲིད་ལས་བྱེད་པས་གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་བྱས་ནས།དཀའ་སྡུག་གི་ཁུར་པོ་ཁུར་བ་དང་།སྙིང་སྟོབས་ཆེར་བསྐྱེད།ལས་ཀར་ཞིབ་འཇུག་དང་དོན་འཁྱོལ་ལྟ་སྐུལ།སྤྱོད་ཚུལ་ལེགས་སྒྱུར་དང་ལས་ཕྱོད་མཐོར་འདེགས་བཅས་ལ་སྣེ་ཁྲིད་དེ།མཉམ་འགུལ་ཤུགས་འདོན་གྱིས་ཚོགས་འདུའི་བླང་བྱ་དོན་འཁྱོལ་དང་ཕན་འབྲས་ཐོན་རྒྱུར་སྐུལ་འདེད་བཏང་ནས་འབའ་ལུང་རྫོང་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཀྱི་རྣམ་པ་གསར་པ་གཏོད་གང་ཐུབ་བྱེད་དགོས།

    ཁུལ་གྱི་འགོ་ཁྲིད་ཞུས་ཀོང་ཏེ་དང་།ཞུང་ཝུན་པིན།ཧུའུ་ཧྥེ་ཞུང་།ཡུས་ཀུའེ་ཧྥུན།ལི་ཐའོ།ཀྲོང་ཞའོ་ཕིན།འབའ་ལུང་རྫོང་གི་འབྲེལ་ཡོད་འགོ་ཁྲིད་དང་དེ་བཞིན་ཁུལ་དང་རྫོང་གི་འབྲེལ་ཡོད་སྡེ་ཁག་གི་འགན་ཁུར་བློ་མཐུན་བཅས་ཞུགས་ཡོད་པ་རེད།