ཟླ་3པའི་ཚེས་4ཉིན་ཁུལ་གྱི་འགོ་ཁྲིད་ལས་བྱེད་པ་ཚོས་ཡང་དག་པའི་སྲིད་དོན་ལས་རྗེས་ལྟ་བ་འཛུགས་པ་དང་ལག་བསྟར་གྱི་སློབ་སྦྱོང་སློབ་གསོའི་འཛིན་གྲྭ་དང་ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གིས་གཅིག་སྡུད་ཐོག་སློབ་སྦྱོང་བྱས་ཏེ་ཏང་ཡོངས་སུ་ཡང་དག་པའི་སྲིད་དོན་ལས་རྗེས་ལྟ་བ་འཛུགས་པ་དང་ལག་བསྟར་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་དང་དེ་བཞིན་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཆེན་ཨུ་ལྷན་གྱི་ལས་ཀའི་བླང་བྱ་སློབ་སྦྱོང་དང་ལག་བསྟར་གཏིང་ཟབ་བྱས་ཏེ“འགག་རྩའི་ཉུང་ཤས”ཀྱི་དཔེ་སྟོན་སྣེ་ཁྲིད་ནུས་པ་འདོན་སྤེལ་བྱས་པ་དང་།གོང་གིས་འོག་གི་སྣེ་ཁྲིད་དེ་སློབ་སྦྱོང་དང་། ཞིབ་བཤེར། སྒྱུར་བཅོས། ཁུལ་ཡོངས་ཀྱི་སློབ་སྦྱོང་སློབ་གསོ་ཏན་ཏིག་ངང་གཏིང་ཟབ་སྤེལ་རྒྱུར་སྣེ་ཁྲིད་བྱས་ཏེ“ལོ་ལྔ་ཚན་བཅོ་ལྔ་པའི”རིང་འགོ་ཡག་པོ་འཛུགས་པ་དང་ཀྲུང་གོའི་རྣམ་པ་ལྡན་པའི་དེང་རབས་ཅན་གྱི་བདེ་ཆེན་གྱི་ལག་ལེན་དངོས་ལ་ནུས་ཤུགས་ཡོད་རྒུས་སྐུལ་འདེད་གཏོང་ཆེད་བསམ་བློའི་རྨང་གཞི་བརྟན་དུ་བཏང་བ་རེད།

ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་སློབ་འགོ་ཚུགས་པའི་སྐུལ་སློང་གནང་བ་རེད།

ལུའོ་ཁྲའོ་ཧྥེང་གིས་ཁུལ་ཡོངས་ཀྱི་སློབ་སྦྱོང་སློབ་གསོ་གཏིང་ཟབ་དང་ཏན་ཏིག་ངང་སྤེལ་རྒྱུར་སྐུལ་འདེད་ཏན་ཏིག་བཏང་སྟེ“སྤྱི་དོན་དུ་ཏང་འཛུགས་པ་དང་། དམངས་ལ་བདེ་སྐྱིད་སྐྲུན་པ། ཚན་རིག་དང་མཐུན་པའི་ཐབས་ཇུས་འགོད་པ། དངོས་འཛིན་དངོས་སྒྲུབ”བཅས་ཀྱི་སྤྱིའི་བླང་བྱ་གཞིར་བཟུང་། སློབ་སྦྱོང་དང་། ཞིབ་བཤེར། བཅོས་སྒྲིག་བཅས་ལ་ཐུན་མོང་ཐོག་སྐུལ་འདེད་བཏང་ནས་སློབ་སྦྱོང་སློབ་གསོ་ཕན་འབྲས་དངོས་ཐོན་པའི་འགན་ལེན་བྱེད་དགོས། སློབ་སྦྱོང་དང་ཞིབ་བསྡུར་གྱི་བླང་བྱ་སློབ་སྦྱོང་གཏིང་ཟབ་བྱེད་པ་དང་གཅིག་སྡུད་སློབ་སྦྱོང་དང་མི་སྒེར་གྱི་རང་སྦྱོང་ཟུང་འབྲེལ་དང་། རིགས་པའི་གཞུང་ལུགས་དང་ལག་ལེན་ཟུང་འབྲེལ། སློབ་སྦྱོང་འཛིན་གྲྭ་དང་། རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་སློབ་སྦྱོང་། “ཚོགས་འདུ་གསུམ་སློབ་ཁྲིད་གཅིག”སོགས་ཀྱི་བྱེད་ཐབས་སྣ་མང་བརྒྱུད་ཆེད་དོན་ཞིབ་བསྡུར་བྱེད་དགོས།གནད་དོན་འཚོལ་འདོན་བྱེད་པར་དངོས་གནས་ནན་པོ་བྱེད་པ་དང་། དགོས་གཏུག་ཆེ་བའི་ཕྱོགས་སུ་སྐྱོད་རྒྱུ་རྒྱུན་འཁྱོངས་བྱས་ཏེ། གནད་དོན་གནས་པ་དང་དེའི་འབྱུང་རྩར་འཚོལ་ཞིབ་དང་དབྱེ་ཞིབ་གཏིང་ཟབ་བྱ་དགོས། དག་ཐེར་ཡོ་བསྲང་དང་བཅོས་སྐྱོང་དམ་འཛིན་བྱེད་པར་ཕན་འབྲས་དངོས་ཐོན་པར་བྱེད་པ་དང་། གནད་དོན་ཕྱོགས་སྟོན་དུ་འཛིན་རྒྱུ་རྒྱུན་འཁྱོངས་བྱེད་པ། གཅིག་གྱུར་གྱིས་སྐུལ་འདེད་གཏོང་བར་དོ་སྣང་བྱེད་པ། གདེང་འཇོག་དང་ཕན་འབྲས་འདྲི་རྩད་ལེགས་པོ་བྱེད་པ་བཅས་བྱ་དགོས། ཕུགས་ཕན་སྒྲིག་སྲོལ་དང་ལམ་ལུགས་འཛུགས་པར་མཐོང་ཆེན་བྱས་ཏེ། རྩ་བར་དོ་དམ་དང་ཕུགས་རིང་ལ་དོ་དམ་བྱེད་པའི་ལམ་ལུགས་དང་ལམ་སྲོལ་ཆགས་པ་དང་། ལམ་ལུགས་ལག་བསྟར་བྱེད་ཤུགས་ཆེ་རུ་གཏོང་བ། དབང་ཆ་འཁོར་སྐྱོད་ཚད་ལྡན་དུ་གཏོང་བ་བཅས་བྱ་དགོས། སྒོ་དབྱེ་ནས་མང་ཚོགས་ཀྱི་དཀའ་གནད་སེལ་བ་དང་། “བདེ་ཆེན་དཔྱད་མོལ”སོགས་ལས་སྟེགས་ཡག་པོ་སྤྱད་དེ་དམངས་འདོད་ཀྱི་ཐབས་ལམ་རྒྱ་སྐྱེད་གཏོང་བ་དང་། མང་ཚོགས་ཀྱི་ཡོང་སྒོ་འཕར་སྣོན་དང་། ལས་ཞུགས། སྨན་བཅོས་སོགས་དམངས་འཚོའི་ཁྱབ་ཁོངས་ལ་དམིགས་ཏེ་དོན་དངོས་ཡག་པོ་བསྒྲུབས་ཏེ། མང་ཚོགས་ལ་སློབ་སྦྱོང་སློབ་གསོའི་ཕན་འབྲས་དངོས་སུ་མྱོང་དུ་འཇུག་དགོས་པའི་ནན་བཤད་གནང་བ་རེད།

ལུའོ་ཁྲའོ་ཧྥེང་གིས་“སྲིད་སྐྱོང་བྱས་རྗེས་སུ་ཡི་ཆེད་དུ་ཤིང་འཛུགས་པའི”གནད་དོན་ཐག་གཅོད་ཡག་པོ་བྱེད་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ནན་བཤད་གནང་བའི“གུང་ཁྲན་ཏང་མིས་བྱ་གཞག་སྒྲུབ་པ་དང་སྲིད་སྐྱོང་བྱས་རྗེས་གཏོད་དོན་ནི་མི་དམངས་ལ་བདེ་སྐྱིད་བསྐྲུན་ཆེད་ཡིན”ཞེས་པའི་ཆོད་གཏམ་དེ་ཁོང་དུ་གཏིང་ཟབ་ཆུད་པ་བྱེད་པ། “མང་ཚོགས་ཀྱི་རེ་འབོད་བརྡ་རྟགས་ཨང་དང་པོར་བརྩི་བ་དང་། མང་ཚོགས་བློ་ཡིད་ཚིམ་རྒྱུ་ཚད་གཞི་ཨང་དང་པོར་བྱེད་པ། མང་ཚོགས་ཕྱུག་པོ་ཆགས་པ་བརྩོན་ལེན་ཨང་དང་པོར་བྱེད་པའི”འདུ་ཤེས་བརྟན་པོ་འཛུགས་པ་བཅས་བྱས་ཏེ་སྲིད་སྐྱོང་བྱས་རྗེས་ཀྱི་ལྟ་བའི“གློག་སྒོ་ལྟེ་བ”དམ་འཛིན་བྱེད་དགོས། “སྲིད་སྐྱོང་བྱས་རྗེས་གང་འདྲ་ཞིག་འཛུགས་རྒྱུའི་”འགག་རྩའི་གནད་དོན་ཐག་གཅོད་ཡག་པོ་བྱེད་པ་དང་། བརྟན་པོར་གནས་པ་དང་ཡར་རྒྱས་བརྩོན་ལེན་དང་། རྫུན་མ་དང་ངོ་མར་འགྱུར་བ། མཚོན་རྟགས་དང་རྩ་བ། ཉེ་བ་དང་རིང་བ། མངོན་གསལ་དང་མངོན་མེད་དུ་གནས་པའི་འབྲེལ་བ་བཅས་ཐག་གཅོད་ཡང་དག་བྱས་ཏེ་སྲིད་དོན་བྱས་རྗེས་ཀྱི་ལྟ་བ་ཡང་དག་དེ་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་བརྒྱུད་རིམ་ཧྲིལ་པོར་རང་རྟོགས་ངང་ཁྱབ་པར་བྱ་དགོས།“ཅི་ཞིག་ལ་བརྟེན་ནས་སྲིད་སྐྱོང་གི་བྱས་རྗེས་འཇོག་པའི་”ལག་ལེན་གྱི་གནད་དོན་ཐག་གཅོད་ཡག་པོ་བྱེད་པ་དང་། “རང་འགུལ་ངང་བསམ་བློ་གཏོང་བ་དང་། ཏན་ཏིག་ངང་སྒྲུབ་པ། ཕན་འབྲས་ཐོན་པ་”བཅས་ཀྱི་བླང་བྱ་དང་བསྟུན་ནས་གདེང་ཚོད་ཡོད་པ་དང་།“ཨར་ལས་རུ་ཁག་གི་འགོ་འཛིན་”ཡག་པོ་བྱེད་པ། བརྟན་ལྷིང་གི་རྨང་གཞི་བརྟན་དུ་གཏོང་བ། འཕེལ་རྒྱས་ཀྱི་རྣམ་པ་ལེགས་སུ་གཏོང་བ། མང་ཚོགས་ཀྱི་བློ་ཡིད་ཚིམ་ཚད་མཐོ་རུ་གཏོང་བ། ལས་བྱེད་པའི་དཔུང་ཁག་གི་སྙིང་སྟོབས་འཕེལ་བ་བཅས་བྱེད་དགོས་པའི་ནན་བཤད་གནང་བ།

ལུའོ་ཁྲའོ་ཧྥེང་གིས་སློབ་ཞུགས་མི་སྣ་ཡོངས་ཀྱིས་སློབ་སྦྱོང་གི་སྒྲིག་ཁྲིམས་ལ་བརྩི་སྲུང་ནན་པོ་ཞུས་ནས་སློབ་སྦྱོང་དང་བགྲོ་གླེང་ནན་ཏན་ཞུགས་པ་དང་སློབ་སྦྱོང་དང་བཀོལ་སྤྱོད་ཟུང་འབྲེལ་བྱ་རྒྱུར་སྣང་ཆེན་བྱས་ཏེ་སློབ་སྦྱོང་དང་སློབ་གསོའི་གྲུབ་འབྲས་དེ་བདེ་ཆེན་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་སྒུལ་ཤུགས་དང་ཕན་འབྲས་ལ་ཏན་ཏིག་འགྱུར་བ་བྱེད་དགོས་པའི་བླང་བྱ་བཏོན་པ་རེད།

ད་ཐེངས་ཀྱི་དཔེ་ཀློག་འཛིན་གྲྭ་དུས་ཡུན་ཉིན་2ཡིན་པ་དང་། མི་སྒེར་གྱི་རང་སྦྱོང་དང་། ཐུན་མོང་གི་སློབ་སྦྱོང་། སྤེལ་རེས་དང་ཞིབ་བསྡུར་སོགས་ཀྱི་རྣམ་པའི་ཐོག་ནས་གཉེར་རྒྱུ་རེད།

ཁུལ་ཨུའི་རྒྱུན་ཨུ། ཁུལ་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་དང་། ཁུལ་སྲིད་གཞུང་། ཁུལ་སྲིད་གྲོས་བཅས་ཀྱི་འགོ་ཁྲིད་ཚན་ཁག་གི་ཁོངས་མི། ཁུལ་མི་དམངས་ཞིབ་དཔྱོད་ཁང་གི་ཏང་ཙུའི་ཧྲུའུ་ཅི་དང་། ཁུལ་མི་དམངས་ཁྲིམས་ཁང་གི་ཏང་ཙུའི་ཧྲུའུ་ཅི། ཁུལ་རྒྱལ་ཁབ་བདེ་འཇགས་ཅུས་ཀྱི་ཏང་ཨུ་ཧྲུའུ་ཅི་བཅས་དང་། ཁུལ་ཐད་གཏོགས་ལས་ཁུངས་ཀྱི་ཏང་ཙུའུ（ཏང་ཨུ）ཡི་འགན་འཁུར་བློ་མཐུན་གཙོ་བོ་བཅས་སྦྱོང་འཛིན་གྲྭར་ཞུགས་ཡོད་པ་རེད།