བདུན་བདར་དངོས་རིགས་ལ་དམིགས་ནས་ཚན་ཞིབ་ལྟ་ཞིབ་ཚད་ལེན་གྱི་རྨང་གཞི་རྒྱུན་ཆད་མེད་པར་བརྟན་དུ་བཏང་ཡོད། སྲོག་ཆགས་ཀྱི་དཔེ་མཚོན་26དང་རྩི་ཤིང་གི་དཔེ་མཚོན་20 གསའ་དང་གཟིག་སོགས་རྩ་ཆེའི་བདག་ཏུ་མ་བཟུང་བའི་སྲོག་ཆགས་གསར་དུ་ཐོ་འགོད་བྱས་པ་དང་2025ལོར་རེས་སྐོར་གསར་པའི་ཕྱོགས་བསྡུས་ཚན་རིག་རྟོག་ཞིབ་བྱེད་འགོ་ཚུགས་པ་རེད། ཏན་སྤྲེའུ་སྤུ་སེར་སྲུང་སྐྱོང་ལ་ཚད་བརྒལ་རང་བཞིན་གྱི་འཕེལ་རྒྱས་བྱུང་བ་དང་།ཁྱུ་ཚོགས་ཀྱི་གྲངས་འབོར་1985ལོའི་540ལྷག་ཙམ་ནས་མིག་སྔའི་2500ལྷག་ཙམ་བར་འཕར་ནས་གོ་ལ་ཧྲིལ་པོའི་བསྡོམས་འབོར་གྱི་65%ཟིན་ཡོད།

ཚན་རྩལ་དང་ཏང་འཛུགས་སྐྱོང་གི་འཁོར་ལོ་གཉིས་ཀྱི་སྒུལ་ཤུགས་ཆེ་རུ་བཏང་ནས་བློ་གྲོས་ཀྱི་དོ་དམ་སྲུང་སྐྱོང་ཆུ་ཚད་མཐོ་རུ་བཏང་བ། དམར་ཕྱིའི་པར་ཆས་དང་བརྙན་ལམ་ལྟ་སྐུལ་ཚོད་འཛིན། སྐོར་ཞིབ་བཅས་ཀྱི་མཐའ་སྣེའི་གྲངས་གཞི་སྡེབ་སྒྲིག་བྱས་ཏེ། རང་བྱུང་ཐོན་ཁུངས་དང་སྐྱེ་དངོས་རིགས་ཀྱི་གྲངས་གཞིའི་མཛོད་བཙུགས་ནས་ས་གནས་དེ་གའི་ལག་རྩལ་རྐང་འཛིན་པ་30གསོ་སྐྱོང་བྱས་ཡོད།ཏང་འཛུགས་སྐྱོང་གི་སྤུས་རྟགས་བཏོད་དེ་ཏང་འཛུགས་སྐྱོང་དེ་ཚན་རིག་ཞིབ་འཇུག་དང་།སྐོར་གཡེང་།སྡེ་ཁུལ་དོ་དམ་མཉམ་འཛིན་བཅས་དང་མཉམ་འདྲེས་གཏིང་ཟབ་བྱ་རྒྱུར་སྐུལ་འདེད་བཏང་བ། 

སྐྱེ་ཁམས་སློབ་གསོའི་རྟེན་གཞི་ཟམ་མི་ཆད་པར་འཐུས་ཚང་དུ་བཏང་བ་དང་།ཚན་རིག་ཁྱབ་གདལ་དང་དྲིལ་བསྒྲགས་སློབ་གསོ་སྤེལ་སྟངས་རྣམ་པ་སྣ་ཚོགས་ཡོད།འབའ་ལུང་རྫོང་མཐའ་ཆུ་གྲོང་རྡལ། ཁང་ཕུའུ་ཤང་། འཇོལ་རྫོང་ཀོང་རྩེད་ར་གྲོང་རྡལ། བྲག་ཞབས་ཤང་གི་ཚན་རིག་ཁྱབ་གདལ་སློབ་གསོའི་རྨང་གཞིའི་སྒྲིག་བཀོད་འཛུགས་སྐྲུན་ལ་ཤུགས་སྣོན་རྒྱག་པ། དུས་མཚུངས་སུ། འཕྲིན་ཕྲན་སྤྱི་རྟགས་དང་བརྙན་སྟེགས་ཨང་རྟགས་སོགས་སྨྱན་སྦྱོར་གསར་པའི་ཨང་རྟགས་གཉེར་སྐྱོང་བྱས་ཏེ“པར་རིས་དང་།བརྙན་ཐུང་།ཐད་གཏོང་བཅས་ཟུང་དུ་འབྲེལ་བའི”དྲིལ་བསྒྲགས་ཀྱི་རྣམ་པ་ཞིག་ཆགས་པ་བྱས་ཡོད།“འདབ་ཆགས་ལ་གཅེས་སྤྲས་བྱེད་པའི་གཟའ་འཁོར”དང“སའི་གོ་ལའི་ཉིན་མོ”སོགས་དང་ཟུང་འབྲེལ་བྱས་ཏེ་སྤྱི་ཚོགས་ཀྱི་སྤྱི་དམངས་ལ་སྲུང་སྐྱོང་ཁུལ་གྱི་སྐྱེ་དངོས་སྣ་མང་རང་བཞིན་སྲུང་སྐྱོང་གི་ཕན་འབྲས་ཁྱོན་ཡོངས་ནས་མངོན་པར་བྱས་ཡོད། སྲུང་སྐྱོང་ཁུལ་གྱི་དྲིལ་བསྒྲགས་པར་གཞི་10ལྷག་ཙམ་བཟོས་པའི་ནང་བརྩམས་ཆོས་2ལ་ཞིང་ཆེན་རིམ་པ་ཡན་གྱི་བྱ་དགའ་ཐོབ།བརྙན་ཐུང་《གངས་རིའི་སྤྲེའུ་ཆུང》ལ་COP15གོ་ལ་ཧྲིལ་པོའི་བརྙན་ཐུང་འཚོལ་བསྡུ་འགྲན་བསྡུར་གྱི་མི་རྣམས་ཀྱི་དགའ་མོས་བྱེད་ཚད་ཆེས་མཐོ་བའི་བྱ་དགའ་བླངས། བརྙན་ཐུང་《སྐྱེ་འགྲོའི་སྦས་ལུང་》ཞེས་པར་2021ལོའི་ཀྲུང་གོའི་བདག་ཏུ་མ་བཟུང་བའི་སྐྱེ་དངོས་བརྙན་པར་གྱི་ལོ་རེའི་འགྲན་བསྡུར་དཔྱད་འདེམས་ཨུ་ལྷན་གྱི་བྱ་དགའ་ཆེན་པོ་དང་བརྙན་ཐུང་ཚོགས་ཆུང་གི་པར་རིས་བྱ་དགའ་ཡག་ཤོས་ཐོབ་ཡོད།