ཟླ་8པའི་ཚེས་5ཉིན། སྐབས་དགུ་པའི་ཁུལ་ཨུའི་རྒྱུན་ལས་ཨུ་ཡོན་ལྷན་ཁང་གིས་(རྒྱས་འཛོམས)གྲོས་ཚོགས་ཐེངས་163པ་འཚོགས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་གྱི་དགོངས་དོན་དང་། ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་བཅུ་པའི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས། རང་ཁུལ་གྱི་ལག་བསྟར་ལས་དོན་ལ་ཞིབ་འཇུག་བྱས།

ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་གྲོས་ཚོགས་གཙོ་སྐྱོང་གནང་།

གྲོས་ཚོགས་ཐོག་ནན་བཤད་གནང་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཟླ་7ཚེས་30ཉིན་གྱི་ཀྲུང་དབྱང་ཆབ་སྲིད་ཅུས་ཀྱི་ཚོགས་འདུ་དང་ཏང་ཕྱིའི་མི་སྣའི་བཞུགས་མོལ་ཚོགས་འདུའི་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ཏེ། ནུས་ཤུགས་ཡོད་རྒུས་འཕེལ་རྒྱས་ལ་དམ་འཛིན་དང་དམངས་འཚོར་ཕན་པ། བརྟན་ལྷིང་ལ་འགན་ལེན་བཅས་བྱེད་པ། ཐོན་ལས་དང་རྣམ་གྲངས། ཚོང་འགུགས། ཁྲོམ་ར་བྱེད་པོའི་སྐྱེད་སྲིང་བཅས་ལ་དམ་འཛིན་ཤུགས་ཆེན་བྱེད། གཙོ་གནད་ལས་རིགས་ཁྱབ་ཁོངས་དང་གལ་ཆེའི་རྨང་གཞིའི་དམིགས་ཚད་འཁོར་སྐྱོད་གནས་ཚུལ་ལ་དབྱེ་ཞིབ་དང་ཞིབ་འཇུག་བྱེད་ཤུགས་སྣོན་པ། ལོ་སྨད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལས་དོན་ཁག་ནུས་ཤུགས་ཡོད་རྒུས་དམ་འཛིན་ཡག་པོ་བྱེད་དགོས། ཞི་ཅིན་ཕིང་གི་ཏང་འཛུགས་སྐྱོང་གི་དགོངས་པ་ལག་བསྟར་དོན་འཁྱོལ་གཏིང་ཟབ་བྱེད་པ་དང་། ཕྱོགས་ཡོངས་ནས་ཏང་ནན་སྐྱོང་ལ་སྐུལ་འདེད་གཏིང་ཟབ་གཏོང་བ། ཏང་ལ་དོ་དམ་དང་ཏང་སྐྱོང་བའི་ཆབ་སྲིད་ཀྱི་འགན་འཁྲི་ནན་དུ་གཏོང་བ། སྤྱོད་གཙང་གཞུང་དྲང་གི་ཆབ་སྲིད་ཀྱི་སྣང་ཚུལ་རྒྱུན་ཆད་མེད་པར་སྲ་བརྟན་དང་འཕེལ་རྒྱས་གཏོང་དགོས།

གྲོས་ཚོགས་ཐོག་བླང་བྱ་བཏོན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་ཆབ་སྲིད་ཅུས་ཀྱི་མཉམ་སྡེབ་སློབ་སྦྱོང་ཐེངས་ཉེར་བདུན་པའི་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་ལག་བསྟར་ནན་ཏན་བྱས་ཏེ་ཏང་གིས་དྲག་ཆས་ལ་དོ་དམ་བྱེད་པའི་ཆབ་སྲིད་ཀྱི་འགན་འཁྲི་མཐའ་གཅིག་ཏུ་ཁུར་ནས།  རྒྱལ་སྲུང་སྐུལ་སློང་དང་རྗེས་གྲབས་སྟོབས་ཤུགས་ཀྱི་འཛུགས་སྐྱོང་ལ་ཤུགས་སྣོན་རྒྱག་དགོས།

གྲོས་ཚོགས་ཐོག་ནན་བཤད་གནང་དོན། ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་བཅུ་པ་ནི་འགོ་རྩོམ་ལོའི་“ལམ་ཕྱེད”ཀྱི་མཚམས་ཚིགས་སུ་འཚོགས་པའི་གྲོས་ཚོགས་གལ་ཆེན་ཞིག་ཡིན། ཚང་འཛོམས་གྲོས་ཚོགས་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་“བདུན་གཅིག”གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་ལ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་དོན་འཁྱོལ་གཏིང་ཟབ་བྱས། ཁུལ་ཡོངས་ཀྱི་རིམ་པ་སོ་སོ་དང་སྡེ་ཁག་སོ་སོས་བྱ་བའི་དོན་དངོས་དང་ལོ་འཁོར་གྱི་དམིགས་འབེན་ལས་འགན་དང་ཟུང་འབྲེལ་བྱས་ཏེ། ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་བཅུ་པའི་དགོངས་དོན་ཕྱོགས་ཡོངས་ནས་སློབ་སྦྱོང་དང་ལག་བསྟར་གཏིང་ཟབ་བྱེད་དགོས། བརྟན་ལྷིང་ལ་བརྟེན་ནས་འཕེལ་རྒྱས་འགན་ལེན་བྱས་ཏེ་ནུས་ཤུགས་ཡོད་རྒུས་“སྔོན་འགོག”གི་རང་འགུལ་དམག་འཐབ་དང་“ཐག་གཅོད”ཀྱི་གྲ་སྒྲིག་དམག་འཐབ་ཡག་པོ་བརྒྱབ་ནས་ཁུལ་ཡོངས་ཀྱི་ཆབ་སྲིད་བརྟན་ལྷིང་དང་སྤྱི་ཚོགས་བརྟན་ལྷིང་། མི་རིགས་མཐུན་སྒྲིལ། ཆོས་ལུགས་འཆམ་མཐུན་བཅས་ཀྱི་རྣམ་པ་བཟང་པོ་མུ་མཐུད་དུ་སྲུང་སྐྱོང་དང་སྲ་བརྟན་དུ་གཏོང་དགོས། འཕེལ་རྒྱས་ལ་བརྟེན་ནས་བརྟན་ལྷིང་ལ་སྐུལ་འདེད་དང་། གསོག་འབོར་གསོག་ཉར་དང་འཕར་ཚད་ལ་དམ་འཛིན་བཅས་བྱས་ཏེ་“ཡུལ་སྐོར”“ཞིང་ལས” “ནགས་ལས” “ཆུ” “གཏེར་ཁ”སོགས་ཐོན་ཁུངས་ཀྱི་ལས་དོན་ཡག་པོ་བསྒྲུབས་ནས་“4+2+N”བཅས་ཀྱི་དེང་རབས་ཅན་གྱི་ཐོན་ལས་མ་ལག་གཏོད་རྒྱུར་སྐུལ་འདེད་གཏོང་དགོས། སྐྱེ་ཁམས་སྔོན་ལ་འཇོག་པ་དང་ལྗང་མདོག་འཕེལ་རྒྱས་མཐའ་འཁྱོངས་བྱེད་པ། གནམ་སྔོན་པོ། ཆུ་དྭངས་མ། ས་དག་པ། རི་སྔོན་པོ་བཅས་ཀྱི་སྲུང་སྐྱོང་དམག་འཐབ་ཡག་པོ་བརྒྱབ་ནས་སྐྱེ་ཁམས་ཀྱི་ལེགས་ཆ་དེ་འཕེལ་རྒྱས་ཀྱི་ལེགས་ཆར་རྒྱུན་ཆད་མེད་པར་འགྱུར་དགོས། ཏང་ལ་དོ་དམ་དང་ནན་སྐྱོང་བར་ནན་པོ་བྱེད། ཞི་ཅིན་ཕིང་གི་ཏང་འཛུགས་སྐྱོང་དགོངས་པར་བརྟེན་ནས་ཏང་འཛུགས་སྐྱོང་ལ་སྐུལ་འདེད་གཏོང་རྒྱུར་ཇུས་འགོད་བྱས་ཏེ། ཡང་དག་པའི་སྲིད་དོན་ལས་རྗེས་ལྟ་བ་འཛུགས་པ་དང་ལག་ལེན་བསྟར་བའི་སློབ་སྦྱོང་སློབ་གསོའི་གྲུབ་འབྲས་སྲ་བརྟན་དང་རྒྱ་ཆེར་གཏོང་དགོས།

གྲོས་ཚོགས་ཐོག་བླང་བྱ་བཏོན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྒྱུན་རྣམ་ཅན་གྱི་ནག་སེལ་གཤེད་བཅོམ་འཐབ་རྩོད་སྤེལ་རྒྱུ་སྐོར་གྱི་རྣམ་བཤད་གལ་ཆེན་སློབ་སྦྱོང་ལག་བསྟར་གཏིང་ཟབ་བྱེད་པ་དང་། དུས་བབ་གསར་པ་དང་བླང་བྱ་གསར་པ་ཁོང་དུ་ཡང་དག་ཆུད་པ། ནག་སེལ་གཤེད་བཅོམ་དེ་“གདུགས་རྒྱ་གཉིས་གཏོར་”དང་ཟུང་འབྲེལ་བྱེད་པ། གཞི་རིམ་ཏང་རྩ་འཛུགས་འཛུགས་སྐྱོང་དང་སྤྱི་ཚོགས་བཅོས་སྐྱོང་ལ་ཤུགས་སྣོན་རྒྱག་པ་དང་ཟུང་འབྲེལ་བྱེད། ལས་ཀའི་འགན་འཁྲི་ནན་དུ་གཏོང་བ། གཙོ་གནད་ལས་འགན་དམ་འཛིན་ཏན་ཏིག་བྱེད། ལས་ཀའི་མཉམ་ཤུགས་ཆགས་པ་བཅས་བྱེད་དགོས།

གྲོས་ཚོགས་ཐོག་ནན་བཤད་གནང་དོན། དུས་དང་རྣམ་པ་ཀུན་ཏུ་སློབ་མ་ཆུར་ལྷུང་བའི་སྔོན་འགོག་བདེ་འཇགས་ལ་དམ་པོར་བཟུང་ནས། དྲིལ་བསྒྲགས་སློབ་གསོར་ཤུགས་སྣོན་རྒྱག་པ་དང་། ཁོངས་གཏོགས་ས་ཆ་དང་ལས་རིགས། སློབ་གྲྭ ཁྱིམ་ཚང་བཅས་ཕྱོགས་བཞིའི་འགན་འཁྲི་ནན་དུ་གཏོང་བ། སློབ་གྲྭའི་ཕྱི་ནང་དང་ཁྱིམ་ཚང་། སློབ་གྲྭ སྤྱི་ཚོགས། ཁུལ་དང་རྫོང་། གྲོང་གསེབ་བཅས་མཉམ་འགུལ་ལ་དམ་འཛིན་ཡག་པོ་བྱེད་པ། གཙོ་གནད་མི་ཚོགས་དང་གཙོ་གནད་ཆུ་ཁོངས། གཙོ་གནད་ས་ཁོངས། གཙོ་གནད་དུས་མཚམས་བཅས་གཙོར་བཟུང་། ཕྱོགས་ཡོངས་དང་རིམ་པ་མང་པོ། ལངས་གཟུགས་ཅན་བཅས་ཀྱི་སློབ་མ་ཆུར་ལྷུང་བའི་སྔོན་འགོག་བདེ་འཇགས་ཀྱི་འགོག་སྲུང་འཛིང་རགས་བརྟན་པོ་བསྐྲུན་དགོས།

ཚོགས་འདུའི་ཐོག་《ཡུན་ནན་ཧ་པ་གངས་རི་ཞིང་ཆེན་རིམ་པའི་རང་བྱུང་སྲུང་སྐྱོང་ཁུལ་སེམས་ཀྱི་ཉི་ཟླ་སྟག་མཆོང་གྲོག་རོང་ས་ཁུལ་གྱི་སྐྱེ་ཁམས་ཡུལ་སྐོར་ཇུས་གཞི》དང་། 《བདེ་ཆེན་ཁུལ་དུག་འགོག་མི་དམངས་དམག་འཁྲུག་རེས་སྐོར་དྲུག་པའི་ལག་བསྟར་ཇུས་གཞི》 《བདེ་ཆེན་ཁུལ་གྱི་ཡང་དག་པའི་སྲིད་དོན་ལས་རྗེས་ལྟ་བ་འཛུགས་པ་དང་ལག་ལེན་བསྟར་བའི་སློབ་སྦྱོང་སློབ་གསོའི་ལས་དོན་གྱི་ཕྱོགས་སྡོམ་སྙན་ཞུ》བཅས་ལ་གྲོས་ཞིབ་བྱས་པ་རེད།