ཞིང་ཨུ་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དགུ་པ་འཚོགས་པ་ནས་བཟུང་། ཛ་དྲག་དང་རྙོག་འཛིང་ཆེ་བའི་ཕྱི་རོལ་གྱི་ཁོར་ཡུག་འཕྲད་དུས། བློ་མཐུན་ཞི་ཅིན་ཕིང་སྲོག་ཤིང་དུ་གནང་བའི་ཏང་ཀྲུང་དབྱང་གི་འགོ་ཁྲིད་བརྟན་པོའི་འོག  ཞིང་ཨུ་ཡིས་ཞིང་ཆེན་ཡོངས་ཀྱི་མི་རིགས་ཁག་གི་ལས་བྱེད་པ་དང་མང་ཚོགས་མཐུན་སྒྲིལ་སྣེ་ཁྲིད་བྱས་ནས་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་ནན་ཏན་བྱས་ཏེ། བསམ་བློ་བཅིངས་འགྲོལ་དང་སྒྱུར་བཅོས་གསར་གཏོད། སྙིང་སྟོབས་ཆེན་པོས་ཡར་རྒྱས་བརྩོན་པ། དམ་འཛིན་དངོས་སྒྲུབ་བཅས་བྱས་ནས། ཀྲུང་གོ་གུང་ཁྲན་ཏང་དབུ་བརྙེས་ནས་ལོ་105འཁོར་བར་རྟེན་འབྲེལ་གཟབ་རྒྱས་ངང་ཞུས་པ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི“བདུན་གཅིག”གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་པ། ཡང་དག་པའི་སྲིད་དོན་ལས་རྗེས་ལྟ་བ་འཛུགས་པ་དང་ལག་ལེན་བསྟར་བའི་སློབ་སྦྱོང་སློབ་གསོ་གཏིང་ཟབ་སྤེལ་ནས།  ཀྲུང་དབྱང་གི་སྐོར་ཞིབ་དག་ཐེར་ཡོ་བསྲང་དམ་འཛིན་ནན་ཏན་བྱས་པ། སྐབས་བརྗེའི་ལས་དོན་སྒྲིག་འཛུགས་དང་ལག་བསྟར་ཞིབ་ཚགས་བྱས་ཏེ། “ངེས་གནས་གསུམ་”འཛུགས་སྐྱོང་རྒྱུན་ཆད་མེད་པར་གཏིང་ཟབ་ཏུ་སྤེལ་བ་དང་དབུལ་སྒྲོལ་འགག་སྒྲོལ་གྱི་གྲུབ་འབྲས་རྒྱུན་མཐུད་ངང་སྲ་བརྟན་དང་རྒྱ་སྐྱེད་བཏང་བ། དཔལ་འབྱོར་རིགས་སྒྱུར་རིམ་སྤོར་ལ་སྐུལ་འདེད་ཏན་ཏིག་གཏོང་བ། ནུས་ཤུགས་ཡོད་རྒུས་འབྲུབ་འགོག་གེགས་སེལ་ལས་དོན་ལེགས་བསྒྲུབ་བྱས། སྤྱི་ཚོགས་དམངས་འཚོ་འཛུགས་སྐྱོང་དམ་འཛིན་ཤུགས་ཆེར་གཏོང་བ། ཏང་གི་འགོ་ཁྲིད་དང་ཏང་གི་འཛུགས་སྐྱོང་ལ་ཁྱོན་ཡོངས་ནས་ཤུགས་བསྣན་པ།  ལོ་སྟོད་དུ་ཞིང་ཆེན་ཡོངས་ཀྱི་དཔལ་འབྱོར་འཁོར་སྐྱོད་སྤྱིའི་ཆ་ནས་བརྟན་པོ་བྱུང་བ་དང་དམངས་འཚོའི་འགན་ལེན་ཏན་ཏིག་ནུས་ལྡན་བྱུང་བ། སྤྱི་ཚོགས་ཁྱོན་ཡོངས་སུ་ཞི་མཐུན་བརྟན་ལྷིང་དང་ཏང་གི་འཛུགས་སྐྱོང་ལ་ཕན་འབྲས་གསར་པ་ཐོབ་ཡོད། 

ཚོགས་འདུའི་ཐོག《ཀྲུང་གུང་ཡུན་ནན་ཞིང་ཨུའི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་105འཁོར་བའི་རྟེན་འབྲེལ་ཚོགས་ཆེན་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ནས་ཡིད་ཆེས་སྲ་བརྟན་དང་མུ་མཐུད་འབད་འཐབ་བྱས་ཏེ་ཡུན་ནན་གྱི་འཕེལ་རྒྱས་རྣམ་པ་གསར་པ་གཏོད་རྒྱུ་སྐོར་གྱི་བསམ་འཆར》ལ་གྲོས་ཞིབ་བྱས་ནས་གྲོས་འཆམ་བྱུང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་བྱ་རྒྱུའི་ཐད་ཁྱོན་ཡོངས་ནས་བཀོད་སྒྲིག་བྱས་པ། གཙོ་གནད་ལས་འགན་དང་ལས་ཀའི་བྱ་ཐབས་རབ་དང་རིམ་པ་ཁ་གསལ་བཟོས་ཡོད། ང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཏང་འཛུགས་སྐྱོང་གི་དགོངས་པ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་“བདུན་གཅིག”གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་བྱ་རྒྱུ་དེ་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་རྟོག་ཞིབ་གནང་སྐབས་གསུང་བཤད་གལ་ཆེན་གྱི་དགོངས་དོན་དོན་འཁྱོལ་གཏིང་ཟབ་བྱ་རྒྱུར་ཟུང་འབྲེལ་བྱས་ཏེ།  གཞི་གཅིག་ཏུ་རྟོགས་པ་དང་གཞི་གཅིག་ཏུ་ཁོང་དུ་ཆུད་པ། གཞི་གཅིག་ཏུ་ལག་བསྟར་བཅས་བྱས་ནས། བློ་བརྟན་འགྱུར་མེད་ངང་བསམ་བློ་གཅིག་གྱུར་དང་འཕེལ་རྒྱས་སྤྱི་འདོམས་བྱེད་པ། ལས་དོན་གཅིག་གྱུར་བྱེད་པ།   དངོས་སྒྲུབ་ཀྱི་གྲུབ་འབྲས་དངོས་ལ་བརྟེན་ནས་“གཏན་འཁེལ་གཉིས་”ལ་བརྩི་བཀུར་མཐའ་གཅིག་ཏུ་བྱེད་པ་དང་“སྲུང་སྐྱོང་གཉིས་”ལ་མཐའ་གཅིག་ཏུ་བསྒྲུབ་དགོས།

ཀྲུང་གོ་གུང་ཁྲན་ཏང་དབུ་བརྙེས་ནས་ལོ་105འཁོར་བའི་རྟེན་འབྲེལ་ཚོགས་ཆེན་ཐོག  སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཏང་ཡོངས་དང་རྒྱལ་ཡོངས་མི་རིགས་ཁག་གི་མི་དམངས་ལ་ཡིད་ཆེས་བརྟན་པོ་དང་མུ་མཐུད་འབད་འཐབ་བྱེད་པའི་རླབས་ཆེན་འབོད་སྐུལ་གནང་བ། རང་ཞིང་ཆེན་ནི་རྗེས་ཐོན་ས་ཁུལ་ཞིག་ཡིན་པའི་ཆ་ནས། རྒྱལ་ཡོངས་དང་དུས་མཉམ་དུ་སྤྱི་ཚོགས་རིང་ལུགས་ཀྱི་དེང་རབས་ཅན་གཞི་རྩའི་ཆ་ནས་མངོན་འགྱུར་བྱེད་ཐུབ་པ། དུས་ཚོད་ཀྱིས་མི་ལ་མི་སྒུག གནས་བབ་ཀྱིས་མི་ལ་མི་སྒུག ང་ཚོས་ལྷོད་གཡེང་ཅུང་ཙམ་བྱེད་མི་རུང་། ལོ་སྨད་ཀྱི་ལས་ཀ་ལེགས་བསྒྲུབ་གཏོང་རྒྱུ་དེ་ལོ་འཁོར་གྱི་འཕེལ་རྒྱས་དམིགས་འབེན་མངོན་འགྱུར་བྱ་རྒྱུ་དང་འབྲེལ་ཡོད། “ལོ་ལྔ་ཚན་བཅོ་ལྔ་པའི་”འགོ་ཚུགས་ཡག་པོ་བྱ་རྒྱུ་དང་འབྲེལ་ཡོད། “མཆོང་སྐྱོད་གཅིག”དང་“ངེས་གནས་གསུམ”“འཕེལ་རྒྱས་ཀྱི་རྣམ་པ་གསར་པ་གཏོད་པའི”སྤྱིའི་རྩ་འཛིན་ལ་དམ་པོར་དམིགས་ནས། “3815”འཐབ་ཇུས་འཕེལ་རྒྱས་ཀྱི་དམིགས་ཚད་གཏན་འཁེལ་བྱས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་ཡག་པོ་བྱས་ཏེ། ཞིང་ཆེན་ཡོངས་ཀྱི་རྒྱ་ཆེའི་ཏང་ཡོན་ལས་བྱེད་པར་ཡིད་ཆེས་སྲ་བརྟན་དང་མུ་མཐུད་འབད་འཐབ་བྱ་རྒྱུར་སྐུལ་མ་གཏོང་དགོས། ནུས་ཤུགས་ཡོད་རྒུས་འཕར་སྣོན་བརྟན་པོ་ཡོང་བ་དང་དཔལ་འབྱོར་བསྐྱར་འཕར་ལེགས་སུ་འགྲོ་བར་སྐུལ་འདེད་གཏོང་། དམངས་འཚོར་ཕན་པ་དང་བདེ་འཇགས་འགན་སྲུང་། བརྟན་ལྷིང་སྲུང་སྐྱོང་བཅས་ཀྱི་ལས་དོན་གཅིག་གྱུར་འཆར་འགོད་ངང་ཡག་པོ་བསྒྲུབས་ནས།  མི་རིགས་ཁག་གི་མང་ཚོགས་ཀྱི་འཚོ་བ་སྔར་བས་བདེ་སྐྱིད་དང་མཛེས་སྡུག་ལྡན་པ་ཡོང་པར་བྱེད་དགོས། བསྒྱུར་བཅོས་སྒོ་འབྱེད་གསར་གཏོད་རྒྱུན་མཐུད་ངང་ཟབ་སྤེལ་གཏོང་ནས། སྤུས་ཚད་མཐོ་བའི་འཕེལ་རྒྱས་ལ་སྒུལ་ཤུགས་གསར་པ་དང་གསོན་ཤུགས་གསར་པ་སྣོན་དགོས། སྐྱེ་ཁམས་ཁོར་ཡུག་སྲུང་སྐྱོང་དམ་འཛིན་ལྷོད་གཡེང་སྤུ་ཙམ་ཡང་མི་བྱེད་པ། ལྗང་མདོག་ཐཱན་ཉུང་འཕེལ་རྒྱས་ལ་སྐུལ་འདེད་ཏན་ཏིག་བཏང་ནས། ལག་ལེན་དང་མི་དམངས། ལོ་རྒྱུས་བཅས་ཀྱི་ཞིབ་བཤེར་ཐེག་ཐུབ་པའི་བྱས་རྗེས་གཏོད་དགོས།

ཏང་གི་འགོ་ཁྲིད་དང་ཏང་གི་འཛུགས་སྐྱོང་བྱེད་ཤུགས་ཆེ་རུ་གཏོང་རྒྱུ་ནི་ལས་དོན་མཐའ་དག་ལེགས་པར་བསྒྲུབ་པའི་རྩ་བའི་འགན་ལེན་ཡིན། ཞིང་ཆེན་ཡོངས་ཀྱི་རིམ་ཁག་ཏང་རྩ་འཛུགས་ཀྱིས་ཞི་ཅིན་ཕིང་གི་ཏང་འཛུགས་སྐྱོང་གི་དགོངས་པ་ལ་བརྟེན་ནས་ཏང་འཛུགས་སྐྱོང་གི་ལས་དོན་ཁག་ཇུས་འགོད་དང་སྐུལ་འདེད་གཏོང་རྒྱུ་མཐའ་འཁྱོངས་བྱེད།  དུས་རབས་གསར་པའི་ཏང་གི་འཛུགས་སྐྱོང་སྤྱིའི་བླང་བྱ་དོན་འཁྱོལ་བྱེད་པ། ཕྱོགས་ཡོངས་ནས་ཏང་ནན་སྐྱོང་གི་བྱེད་ཕྱོགས་ལག་བསྟར་གཏིང་ཟབ་བྱེད་པ། ཚན་ཁག་དམ་འཛིན་དང་དཔུང་ཁག་སྣེ་ཁྲིད། སྤྱོད་བཟང་འཛུགས་པ་བཅས་བྱས་ཏེ། སྤྱོད་གཙང་སྤྱོད་བཟང་གི་ཆབ་སྲིད་ཀྱི་སྣང་ཚུལ་དང་ལས་སྒྲུབ་ལས་གཏོད་ཀྱི་ཁོར་ཡུག་བཟང་པོ་རྒྱུན་ཆད་མེད་པར་སྲ་བརྟན་དང་འཕེལ་རྒྱས་གཏོང་དགོས། 

སྟོབས་ཤུགས་ནི་ཡིད་ཆེས་བརྟན་པོའི་ཁྲོད་དུ་གཅིག་སྡུད་བྱེད་པ་དང་དམིགས་འབེན་ནི་སེམས་ཤུགས་གཅིག་སྡུད་ཁྲོད་དུ་མངོན་འགྱུར་བྱེད། “ལོ་ལྔ་ཚན་བཅོ་ལྔ་པའི”རྒྱང་སྐྱོད་ཀྱི་ལམ་བུ་གསར་པར་དཔལ་མཛངས་རྟུལ་ཕོད་ཀྱིས་མདུན་དུ་སྐྱོད་པར་རིམ་པ་རེ་རེའི་ཏང་རྩ་འཛུགས་ཀྱིས་སྟོབས་ཤུགས་ཆེན་པོ་དང་ཏང་ཡོན་ཚང་མས་འབད་བརྩོན་བྱེད་དགོས།  ང་ཚོས་བློ་མཐུན་ཞི་ཅིན་ཕིང་སྲོག་ཤིང་དུ་གནང་བའི་ཏང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་སྔར་ལས་དམ་ཟབ་བྱས་ཏེ། སྙིང་སྟོབས་ཆེར་སྐྱེད་དང་དཀའ་ངལ་མདུན་དུ་བསྐྱོད་པ། དམ་འཛིན་དངོས་སྒྲུབ་བཅས་བྱས་ཏེ། ཀྲུང་གོའི་རྣམ་པ་དེང་རབས་ཅན་དུ་འགྱུར་བའི་འཕེལ་རིམ་ཁྲོད་དུ་ཡུན་ནན་འཕེལ་རྒྱས་ཀྱི་རྣམ་པ་གསར་པ་གཏོད་གང་ཐུབ་བྱ་དགོས།