ཟླ་3ཚེས་8ཉིན་ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་འབའ་ལུང་རྫོང་དུ་ཡིག་བསྐུར་ངོ་བཅར་སྣེ་ལེན་ཞུ་བར་ཡོང་སྐབས།ཁོང་གིས་མི་དམངས་མང་ཚོགས་ཀྱི་ཡིག་བསྐུར་ངོ་བཅར་ལས་དོན་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་ཐོག་མཐའ་བར་གསུམ་དུ་མི་དམངས་ལྟེ་བར་འཛིན་པའི་འཕེལ་རྒྱས་ཀྱི་དགོངས་པ་མཐའ་འཁྱོངས་དང་།ཡང་དག་པའི་སྲིད་སྐྱོང་བྱས་རྗེས་ཀྱི་ལྟ་བ་བརྟན་པོ་འཛུགས་པ་དང་ལག་བསྟར།སེམས་རྣལ་དུ་ཕབ་ནས་ནུས་ཤུགས་ཡོད་རྒུས་ཡིག་བསྐུར་ངོ་བཅར་གྱི་ལས་དོན་ཡག་པོ་སྒྲུབ་པ།བཅའ་ཁྲིམས་དང་ཁྲིམས་སྲོལ་གཞིར་བཟུང་མང་ཚོགས་ཀྱི་ལུགས་མཐུན་རེ་འབོད་དུས་ཐོག་ཏུ་ཐག་གཅོད་བཅས་བྱས་ཏེ། མི་དམངས་མང་ཚོགས་ཀྱི་ཁྲིམས་མཐུན་ཁེ་དབང་དང་སྤྱི་ཚོགས་ཁྱོན་ཡོངས་ཞི་མཐུན་བརྟན་ལྷིང་སྲུང་སྐྱོང་ཏན་ཏིག་བྱེད་དགོས་པའི་ནན་བཤད་གནང་བ་རེད།

འབའ་ལུང་རྫོང་ཡིག་བསྐུར་ངོ་བཅར་སྣེ་ལེན་ཁང་དུ།ལུའོ་ཁྲའོ་ཧྥེང་གིས་ངོ་བཅར་ཡོང་བའི་མང་ཚོགས་ཀྱིས་ཡར་ཞུ་བྱས་པའི་གནད་དོན་དང་རེ་ཞུ་ལ་རྒྱུས་ལོན་ཞིབ་ཕྲ་བྱས་པ་དང་།འབྲེལ་ཡོད་སྡེ་ཁག་གི་འགན་ཁུར་བློ་མཐུན་དང་མཉམ་དུ་གནད་དོན་གྱི་འབྱུང་རྐྱེན་ལ་དབྱེ་ཞིབ་ཟབ་མོ་དང་།ཡུལ་དངོས་ནས་ཐག་གཅོད་བྱེད་ཐབས་ལ་ཞིབ་འཇུག་བྱས་ཡོད།ཁོང་གིས་ཁོངས་གཏོགས་ཁུལ་དང་འབྲེལ་ཡོད་ལས་ཁུངས་ལ་ལས་ཀ་བྱེད་ཤུགས་ཆེ་རུ་གཏོང་བ་དང་།དུས་ཚོད་ཁ་གསལ་བཟོ་བ།རྗེས་སྙེག་ལྟ་སྐུལ་དོན་འཁྱོལ་བཅས་བྱས་ཏེ།གནད་དོན་ཐག་གཅོད་ནུས་ལྡན་བྱེད་དགོས་པའི་བླང་བྱ་བཏོན།ངོ་བཅར་ཡོང་བའི་མང་ཚོགས་ཀྱིས་གནད་དོན་ལ་དུས་ཐོག་ཏུ་ལན་བཏབ་པ་དང་ཐག་གཅོད་འོས་འཚམ་བྱུང་།

ལུའོ་ཁྲའོ་ཧྥེང་གིས་ཡིག་བསྐུར་ངོ་བཅར་ལས་དོན་ནི་ཏང་དང་སྲིད་གཞུང་གིས་མང་ཚོགས་དང་འབྲེལ་གཏུག་བྱེད་པའི་འབྲེལ་ཟམ་དང་སྤྱི་ཚོགས་ཀྱི་གནས་ཚུལ་དང་མི་དམངས་ཀྱི་གནས་ཚུལ་ཤེས་རྟོགས་བྱེད་པའི་སྐར་ཁུང་གལ་ཆེན་ཞིག་རེད།རིམ་ཁག་སྡེ་ཚན་ཁག་གིས་དུས་རབས་གསར་པའི་ཡིག་བསྐུར་ངོ་བཅར་ལས་དོན་ཡག་པོ་སྒྲུབ་པའི་ཆབ་སྲིད་ཀྱི་འགན་འཁྲི་འཁུར་སེམས་དང་ལས་འགན་སྒྲུབ་སེམས་ཆེ་རུ་ཏན་ཏིག་བཏང་ནས་ཐོག་མཐའ་བར་གསུམ་དུ་མི་དམངས་མང་ཚོགས་ཀྱི་ཁེ་ཕན་ཨང་དང་པོར་འཇོག་པ་དང་།ཡང་དག་པའི་སྲིད་སྐྱོང་བྱས་རྗེས་ཀྱི་ལྟ་བ་བརྟན་པོ་འཛུགས་པ་དང་ལག་ལེན་བསྟར་བ།“གནད་ལ་འཁེལ་བ་གསུམ་དང་ཐག་གཅོད་གཅིག”གི་ལས་ཀའི་བླང་བྱ་མཐའ་འཁྱོངས་བྱེད་པ།མང་ཚོགས་ཀྱི་ལངས་ཕྱོགས་སུ་ལངས་ནས་གནད་དོན་ལ་བསམ་བློ་གཏོང་བ་དང་ལས་དོན་སྒྲུབ་པ་བཅས་བྱས་ཏེ་ཡིག་བསྐུར་ངོ་བཅར་ལས་དོན་དེ་མང་ཚོགས་ཀྱི་སེམས་ནང་ཟུག་པ་བྱས་ནས་དངོས་གནས་དྲང་གནས་ཀྱི་ལས་ཀའི་ཕན་འབྲས་ལ་བརྟེན་ནས་མང་ཚོགས་ཀྱི་ཡིད་ཆེས་དང་རྒྱབ་སྐྱོར་ཐོབ་པ་བྱེད་དགོས།

ལུའོ་ཁྲའོ་ཧྥེང་གིས་གཅིག་ཤེས་ཀུན་གྲོལ་མཐའ་འཁྱོངས་བྱས་ཏེ་གྱོད་དཔེ་སྒྲུབ་རིང་ཉམས་མྱོང་དང་བསླབ་བྱ་ཕྱོགས་སྡོམ་བྱེད་མཁས་པོ་དང་།ལས་ཀའི་ཁྲོད་ཀྱི་ཞན་ཆ་དང་ཞན་ཆ་བཙལ་འཚོལ་གཏིང་ཟབ་བྱེད་པ།ལོ་རྒྱུས་ཀྱི་ཤུལ་བཞག་གནད་དོན་ལ་བརྒྱུད་རིམ་ལྡན་པའི་ངང་གྲལ་བཤེར།ལས་ཀའི་བྱ་ཐབས་ལེགས་སུ་གཏོང་བ།ལས་ཀའི་ལམ་སྲོལ་འཐུས་ཚང་དུ་གཏོང་བ།མང་ཚོགས་ཀྱི“དོན་དག་ཡོད་ན་གོང་ལ་ཞུ་བ”དེ་ལས་བྱེད་པར་འགྱུར་བ་གཏོང་བ།ཡིག་བསྐུར་ངོ་བཅར་ལས་དོན་དེ“དོན་དག་རིགས་གཅིག་ཐག་གཅོད་བྱེད་པ”ནས“དོན་དག་གཅིག་ཐག་གཅོད་བྱེད་པའི”བར་འགྱུར་ལྡོག་འགྲོ་རྒྱུར་སྐུལ་འདེད་གཏོང་བ།ལས་ཀའི་འགན་འཁྲི་ནན་དུ་གཏོང་བ།ཡིག་བསྐུར་ངོ་བཅར་གྱི་དོན་དག་སྒྲུབ་གཉེར་གྱི་ཕན་འབྲས་ཆེ་རུ་གཏོང་བ།རིམ་ཁག་ཡིག་བསྐུར་ངོ་བཅར་སྡེ་ཚན་གྱིས་མཐུན་སྦྱོར་མཛུབ་ཁྲིད་དང་ལྟ་སྐུལ་ཞིབ་བཤེར་གྱི་ནུས་པ་འདོན་སྤེལ་གང་ལེགས་བྱེད་པ།ངོ་བོ་གསལ་འབྱེད་དང་དོ་དམ་ཁ་གསལ་བཟོ་བ་བཅས་བྱས་ཏེ་གཞན་ལ་སྒྲུབ་རྒྱུར་འགན་ལེན་བྱེད་དགོས།འགན་ནུས་སྡེ་ཚན་གྱིས་བཅའ་ཁྲིམས་ཀྱི་གཏན་འབེབས་དང་གོ་རིམ་ལྟར་འགན་འཁྲིའི་ཁྱབ་ཁོངས་ནང་གི་ཡིག་བསྐུར་ངོ་བཅར་གྱི་དོན་དག་དུས་ཐོག་ཏུ་ཐག་གཅོད་ཡག་པོ་བྱེད་པ་དང་།དུས་རབས་གསར་པའི་ཉམས་མྱོང་ལ་གཞིགས་ནས་གནད་དོན་གྲལ་བཤེར་དང་ཐག་གཅོད་ཡག་པོ་བྱེད་པ།

ཞུང་ཝུན་པིན་དང་འབའ་ལུང་རྫོང་ཨུ་ལྷན་གྱི་འགོ་ཁྲིད་གཙོ་བོ་དང་རྫོང་གི་འབྲེལ་ཡོད་སྡེ་ཁག་གི་འགན་འཁུར་པ་ཐེངས་འདིའི་ངོ་བཅར་སྣེ་ལེན་བྱེད་པར་ཞུགས་ཡོད།