ད་བར་མཆིན་ཚིལ་ནད་དེའང་རྒྱུན་མཐོང་གི་ནད་རིགས་ཤིག་ཏུ་གྱུར་ཡོད་མོད། ཡིན་ནའང་མཆིན་ཚིལ་ནད་ཕོག་མཁན་མང་ཆེ་བས་རང་ཉིད་ལ་ན་ཚ་འདི་ཕོག་པ་ཤེས་ཀྱི་མེད། སྤྱིར་ན་ནད་རིགས་འདིར་མངོན་གསལ་དོད་པའི་ནད་རྟགས་ཅི་ཡང་ཐོན་མི་སྲིད་ཀྱང་། གཟུགས་པོའི་བདེ་ཐང་ལ་གནོད་ངེས་རེད།

མི་མང་པོ་ཞིག་གིས་མཆིན་ཚིལ་ནད་འདི་ན་ཚ་ཆུང་ཆུང་ཞིག་རེད་བསམས་ནས་སྣང་བ་དེ་ཙམ་བཞག་གི་མེད། དོན་དངོས་ཐོག་དེར་སྣང་ཆུང་མི་བྱེད་པར་ཡིན་གཅིག་དོ་སྣང་བྱེད་དགོས།

མཆིན་ཚིལ་ནད་ཀྱི་སློང་རྐྱེན་གང་ཡིན་ནམ།

དུས་རྒྱུན་དུ་བཟའ་བཏུང་ཚོད་མི་བྱེད་པ་དང་འཚོ་བཅུད་ལ་དོ་སྣང་མི་བྱེད་པར། ཤ་རིགས་ཟས་དྲགས་པ་མ་ཟད། སྔོ་ཚལ་དང་ཤིང་ཏོག་མི་ཟ་བའི་གོམས་གཤིས་ངན་པ་ལས། ལུས་པོའི་ལྗིད་ཚད་ཚད་ལས་བརྒལ་ན། མཆིན་ཚིལ་ནད་ཕོག་གི་ཡོད།

བཏུང་བྱ་མང་ཆེ་བར་མངར་ཆ་མང་པོ་འདུས་ཡོད། མངར་ཆ་མང་པོ་བསྟེན་པ་ནི་བྱིས་པ་དང་དར་མར་མཆིན་ཚིལ་ནད་ཕོག་པའི་སློང་རྐྱེན་གཙོ་བོ་རེད།

རྒྱུན་དུ་ནས་ཐཱན་ཆུ་འདྲེས་འགྱུར་གྱི་ཟས་རིགས་མང་པོ་བཟས་ན། མཆིན་ཚིལ་ནད་ཕོག་སླ་པོ་ཡོད།

མཆིན་ཚིལ་ནད་ཇི་ལྟར་བཅོས་དགོས་སམ།

ཤ་རྒྱགས་པ་ནི་མཆིན་ཚིལ་ནད་སློང་བའི་རྒྱུ་རྐྱེན་གཙོ་བོ་རེད། ཤ་རྒྱགས་པ་མང་ཆེ་བར་མཆིན་ཚིལ་ནད་ཕོག་ཡོད། དེ་ཕྱིར་མཆིན་ཚིལ་ནད་བཅོས་དགོས་ན། ངེས་པར་དུ་ལུས་ཤ་སྐེམ་དུ་གཏོང་དགོས།

ཉིན་ལྟར་ལུས་སྦྱོང་བྱེད་དགོས་ཤིང་། ཐེངས་རེར་ལུས་རྩལ་སྐར་མ་30ཡན་རྩེད་ན་ལུས་པོ་སྐེམ་རྒྱུར་ཕན་ཐོགས་ཡོད།

གཞན་ཡང་། མཆིན་ཚིལ་ནད་འདི་སྤྱིར་ན་ཆང་རག་དང་འབྲེལ་བ་ཆེན་པོ་ཡོད། མཆིན་ཚིལ་ནད་ཡོད་ཚེ་རབ་བྱུང་ན་རང་ཉིད་ཀྱི་གཟུགས་པོའི་བདེ་ཐང་ཆེད་ཆང་རག་སྤོངས་དགོས།

དགོས་པ་ཡོད་ཚེ། མཆིན་ཚད་ཀ་པ་དང་། མཆིན་ཚད་ཁ་པ། ཆམ་རིམས། དེ་བཞིན་གློ་བའི་གཉན་རིམས་སོགས་ཀྱི་རིམས་འགོག་སྨན་ཁབ་བརྒྱབ་ནས། མཆིན་པར་སྲུང་སྐྱོང་ཡག་པོ་བྱེད་དགོས།

རྣམ་ཀུན་འཚོ་བའི་ཁྲོད་དུས་ཡུན་རིང་པོར་ཐཱན་ཆུ་འདྲེས་འགྱུར་གྱི་ཟས་རིགས་མང་པོ་ཟ་བ་དང་། ལུས་སྦྱོང་བྱེད་པར་དགའ་པོ་མེད་པ། ཤ་རྒྱགས་པ་ཆགས་པ་བཅས་ཡིན་ཕྱིན། མཆིན་ཚིལ་ནད་ཕོག་ཉེན་ཆེ་བས། ངེས་པར་དུ་རང་ཉིད་ཀྱི་གཟུགས་གཞིའི་བདེ་ཐང་ལ་དོ་སྣང་མང་ཙམ་བྱེད་དགོས།