འོན་ཀྱང་མིག་སྔའི་ལག་རྩལ་གྱི་ཆུ་ཚད་དེ་ལྟར་ལ་སླེབས་མེད། རིམས་འགོག་སྨན་ཁབ་ཀྱིས་ཟླ་བ་6ནས་8ཙམ་ལས་སྲུང་སྐྱོབ་བྱེད་མི་ཐུབ། དགུན་ཁ་དང་ཆམ་རིམས་དུས་ཚིགས་རྗེས་མར་སྲུང་སྐྱོབ་ཐུབ་ཀྱི་མེད་པས། ང་ཚོས་ལོ་ལྟར་སྨན་ཁབ་རྒྱག་རྒྱུ་དེ་ནི་གལ་འགངས་ཆེན་པོ་ཡིན་ཞེས་གསུངས་པ་རེད།   

ཆམ་རིམས་ནད་དུག་གཞན་འགྱུར་སླ་བས།ལོ་ལྟར་ཁྱབ་པའི་དུག་སྡོང་ནི་ལོ་གོང་མ་དང་འདྲ་ཡི་མེད། 

ལོ་ལྟར་དགུན་ཁར་ཁྱབ་པའི་དུག་སྡོང་ལ་སྔོན་དཔག་བྱེད་དགོས། འཛམ་གླིང་འཕྲོད་བསྟེན་སྒྲིག་འཛུགས་ཀྱིས་ལོ་ལྟར་ཟླ་2པ་དང་ཟླ་3པའི་ནང་། གོ་ལའི་ཕྱེད་བྱང་མའི་རིམས་འགོག་སྨན་ཁབ་ཁེ་ལས་ལ་དཔྱད་གཞི་འདོན་སྤྲོད་བྱས་ཏེ། ད་ལོར་དུག་སྡོང་རྐང་གང་ཞིག་ཁྱབ་སྲིད་པར་བལྟས་ནས་འཛམ་གླིང་འཕྲོད་བསྟེན་སྒྲིག་འཛུགས་ཀྱི་གྲོས་འགོ་ལྟར་རིམས་འགོག་སྨན་ཁབ་ཐོན་སྐྱེད་བྱ་དགོས།

རིམས་འགོག་སྨན་ཁབ་ཐོན་སྐྱེད་ཚར་རྗེས། ཟླ་7པ་དང་ཟླ་8པ་ནས་མཁོ་སྤྲོད་བྱེད་འགོ་འཛུགས་དགོས་པ་དང་། ཟླ་9པ་དང་ཟླ་10པའི་ནང་སྨན་ཁབ་རྒྱག་དགོས། རིམས་འགོག་སྨན་ཁབ་ནི་སྔོན་དཔག་བྱས་པ་ཞིག་ཡིན་པས། གལ་ཏེ་སྔོན་དཔག་ཅུང་ཡང་དག་བྱུང་ཚེ། ད་ལོར་ཁྱབ་པའི་དུག་སྡོང་དང་མཐུན་པས། དེའི་སྲུང་སྐྱོབ་ཐུབ་ཚད་བརྒྱ་ཆ་60ཡན་ལ་སླེབས་སྲིད། གལ་ཏེ་སྔོན་དཔག་བྱས་ཚད་ནོར་ཚེ། བརྒྱ་ཆ་50ཡང་སླེབས་མི་སྲིད་པས། རིམས་འགོག་སྨན་ཁབ་བརྒྱབ་རྗེས། དགུན་ཁ་འདིར་ཆམ་རིམས་ཕོག་བཟོ་ཡོད།

རིགས་གཅིག་མཁས་པས། རིམས་འགོག་སྨན་ཁབ་ཀྱི་སྲུང་སྐྱོབ་ཐུབ་ཚད་མཐོ་པོ་དེ་འདྲ་མིན་ཡང་ཆམ་རིམས་ཀ་རིགས་H3N2མཆེད་མང་བའི་གནས་བབས་འོག རིམས་འགོག་སྨན་ཁབ་རྒྱག་རྒྱུ་ནི་སྔར་བཞིན་ཆམ་རིམས་སྔོན་འགོག་ཐུབ་པའི་ཚན་རིག་མཐུན་པའི་ཆེས་ནུས་ལྡན་གྱི་བྱ་ཐབས་ཤིག་ཡིན་པ་དང་། དེའི་དོན་སྙིང་ནི་རེད་ཕྱོད་ཇེ་དམར་གཏོང་རྒྱུ་ཙམ་མ་ཟད། ནད་རྟགས་ཇེ་ཆུང་དང་། འགོས་ཁྱབ་བཀག་འགོག ནད་གཞི་ལྕི་བ་དང་གྲོང་པའི་ཉེན་ཁ་ཇེ་ཆུང་དུ་གཏོང་ཐུབ་པ་བཅས་ཡིན་ཞེས་གསུངས་པ་རེད།