བརྟག་ཞིབ་གནང་རིང་། ལི་ཡན་ལན་དང་བཅས་པས་སྔ་རྗེས་སུ་ཀླུ་ཆུ་སྤྱི་གླིང་དང་། ཉི་མ་རྫོང་བཙོག་ཆུ་གཙང་གསིང་བཟོ་གྲྭ ནགས་ཕག་མཚོ་ཨང་དང་པོ་རྟགས་ཅན་གྱི་ཆུ་སིམ་གས་སྲུབས་ཞིང་ཆེན་ཚོད་འཛིན་ལྟ་ཞིབ་ཚད་ལེན་ས་ཚིགས། ནགས་ཕག་མཚོ་ཨང་7པ་རྟགས་ཅན་དང་ཨང་8པ་རྟགས་ཅན་གྱི་ཆུ་ཟགས་དོང་། ནགས་ཕག་མཚོ་ནགས་ཕ་རྟ་ར་བ་སོགས་སུ་བསྐྱོད་དེ་ས་གནས་ས་ཐོག་ཏུ་ལྟ་ཞིབ་དང་། སྙན་ཞུ་ཉན་པ ས་གནས་ས་ཐོག་ཏུ་སྤེལ་རེས་སོགས་ཀྱི་བྱེད་ཐབས་བརྒྱུད།ཀླུ་ཆུའི་བཙོག་ཆུ་ཕྱིར་འབུད་དང་། བཙོག་ཆུ་གཙང་གསིང་བཟོ་གྲྭ་འཁོར་སྐྱོད། ཞིང་ཆེན་ཚོད་འཛིན་ས་ཚིགས་ཀྱི་ཆུ་སྤུས། ཆུ་བཤང་དང་ཆུ་ལོག་སྔོན་འགོག་ཕུག་ལམ་འཛུགས་སྐྲུན། རྟ་རའི་བཙོག་གཅིན་གཙང་སེལ་དང་ཕྱུགས་རིགས་ཀྱི་ཕྱིའི་སྦགས་བཙོག་སྔོན་འགོག་ཚོད་འཛིན། རང་བྱུང་སྲུང་སྐྱོང་ཁུལ་ནང་གི་ཁྲིམས་འགལ་སྒྲིག་འགལ་གྱི་འཛུགས་སྐྲུན་བྱ་སྤྱོད་བཅོས་སྒྲིག་སོགས་ཀྱི་གནས་ཚུལ་ཤེས་རྟོགས་ཞིབ་ཕྲ་བྱས་ནས། མིག་སྔའི་ཆུའི་སྤུས་ཚད་མཐོ་རུ་གཏོང་བའི་ལས་དོན་ལ་སྐུལ་འདེད་གཏོང་བའི་ཁྲོད་ཀྱི་དཀའ་གནད་ཁོང་དུ་ཆུད་པ།

ལི་ཡན་ལན་གྱིས་བླང་བྱ་བཏོན་དོན། ཞིང་ལས་ཀྱི་ཕྱའི་སྦགས་བཙོག་སྔོན་འགོག་ཚོད་འཛིན་ལ་དམ་འཛིན་ནན་པོ་བྱེད་པ། ཕྱུགས་རིགས་ཤོང་ཚད་ལ་དོ་དམ་ཚོད་འཛིན་དང་རྟ་རའི་དོ་དམ་ཚད་ལྡན་དུ་གཏོང་རྒྱུར་ཤུགས་སྣོན་རྒྱག་པ།སྐྱག་གཅིན་བཙོག་ཆུ་བསྡུ་རུབ་དང་གཙང་གསིང་མ་ལག་འཐུས་སྒོ་ཚང་དུ་གཏོང་བ། འབྱུང་རྩ་ནས་མཚེའུ་ཡི་སྦགས་བཙོག་ཉུང་དུ་གཏོང་དགོས། རྒྱུན་རྣམ་ཅན་གྱིས་རང་བྱུང་སྲུང་སྐྱོང་ཁུལ་དུ་སྐོར་ཞིབ་བཅོས་སྒྲིག་བྱེད་པ། ཁྲིམས་འགལ་སྒྲིག་འགལ་གྱི་འཛུགས་སྐྲུན་དང་འདམ་རར་གཏོར་བརླག་གཏོང་བའི་བྱ་སྤྱོད་ལ་རྡུང་རྡེག་དྲག་པོ་གཏོང་བ། དམངས་སྲོལ་གནས་ཚང་དང་བཟའ་བཏུང་སོགས་ཀྱི་ཁྲོམ་རའི་ཞུགས་འཐུས་འགག་སྒོ་ནན་པོ་སྲུང་བ་བཅས་བྱེད་དགོས།  ཆུ་ལམ་གཤོང་བ་དང་བཀག་པ་ཟུང་འབྲེལ་བྱ་རྒྱུ་མཐའ་འཁྱོངས་བྱེད། དྲིལ་བསྒྲགས་ཁྲིད་སྟོན་ལ་ཤུགས་སྣོན་བརྒྱབ་པ། མང་ཚོགས་དང་གཉེར་སྐྱོང་དུད་ཚང་གིས་ནགས་ཕག་མཚོའི་སྐྱེ་ཁམས་སྲུང་སྐྱོང་བཅོས་སྐྱོང་ནང་རང་འགུལ་ངང་ཞུགས་པ་དང་། མཉམ་སྐྲུན་མཉམ་བཅོས་མཉམ་སྤྱོད་ཀྱི་རྣམ་པ་བཟང་པོ་ཞིག་ཆགས་པ་བྱེད་དགོས།