སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་12ཚེས་15ཉིན། ཁུལ་ཨུའི་ཧྲུའུ་ཅི་གཞོན་པ་ཁུལ་དཔོན་ཀྲང་ཝེ་ཏུང་གིས་སེམས་ཀྱི་ཉི་ཟླ་གྲོང་ཁྱེར་དུ《ཀྲུང་གུང་བདེ་ཆེན་ཁུལ་ཨུའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔ་ཚན་བཅོ་ལྔ་པའི་འཆར་འགོད་བཟོ་རྒྱུའི་སྐོར་གྱི་གྲོས་འགོ》བསམ་འཆར་བསྡུ་ལེན་བྱེད་པའི་བཞུགས་མོལ་ཚོགས་འདུ་འཚོགས་ནས་གྲོང་ཁྱེར་དེའི་འབྲེལ་ཡོད་སྡེ་ཚན་དང་ཤང་གྲོང་གི་འཐུས་མི་ཁག་གཅིག་གི་བསམ་འཆར་དང་གྲོས་འགོ་གསན་པ།

 ཚོགས་འདུའི་ཐོག  ཀྲང་ཝེ་ཏུང་གིས་གཏམ་བཤད་ནན་ཏན་ངང་གསན་ནས་ཚང་མ་དང་སྤེལ་རེས་དང་གྲོས་བསྡུར་ཡང་ཡང་གནང་བ།  ཁོང་གིས་ཚང་མས་བཏོན་པའི་བསམ་འཆར་དང་གྲོས་འགོ་ནི་ཁུལ་ཡོངས་འཕེལ་རྒྱས་གཏོང་བའི་ཁྱོན་ཡོངས་ལ་དམིགས་ནས་བཏོན་པའི་རྒྱང་ལྟ་རང་བཞིན་གྱི་བསམ་བཀོད་ཡོད་ལ།ས་གནས་དེ་གའི་དོན་དངོས་དང་ཟུང་འབྲེལ་བྱེད་པའི་སྤྱོད་འཐུས་རང་བཞིན་ལྡན་པའི་བྱེད་ཐབས་ཀྱང་ཡོད་པས།  མཐོང་རྒྱ་ཡངས་ཤིང་། བསམ་གཞིགས་གཏིང་ཟབ། དམིགས་ས་རང་བཞིན་ཆེ་བ་བཅས་ཡིན་པས། སྤྱི་ཡོངས་ཀྱི་འདུ་ཤེས་དང་དངོས་དོན་གཉེར་བའི་སྤྱོད་ཚུལ་གང་ལེགས་མཚོན་ཡོད་པ་དང་། 《གྲོས་འགོའི་》ཟིན་འགོད་ཚོ་ཆུང་དང་ཟིན་འགོད་ལས་དོན་ཆེད་སྒྲུབ་ཚོ་ཆུང་གིས་རྒྱུད་རིམ་ལྡན་པའི་སྒོ་ནས་ལེགས་སྒྲིག་དང་།ཞིབ་འཇུག་གཏིང་ཟབ། བསྡུ་ལེན་གང་ཐུབ་བཅས་བྱས་ཏེ།《གྲོས་འགོའི་》དང་སྲིད་གཞུང་གི་རྩ་གནད་བཟོ་འགོད་བྱེད་རིམ་དུ་འབྲེལ་ཡོད་ནང་དོན་ཟུང་འབྲེལ་བྱས་ཏེ། འཆར་འགོད་སྔར་བས་འཕེལ་རྒྱས་ཀྱི་ཆོས་ཉིད་དང་མཐུན་ཞིང་། ཁུལ་གྱི་གནས་ཚུལ་དངོས་དང་མཐུན་པར་བྱ་དགོས་ཞེས་བསྟན། 

ཀྲང་ཝེ་ཏུང་གིས་“ལོ་ལྔ་ཚན་བཅོ་ལྔ་པའི་”འཆར་འགོད་བཟོ་བཀོད་ཡག་པོ་བྱ་རྒྱུ་ནི་ཁུལ་ཡོངས་ཀྱི་མ་འོངས་པའི་ལོ་ལྔ་དང་ཐ་ན་དུས་ཡུན་དེ་བས་རིང་བའི་འཕེལ་རྒྱས་ཀྱི་འཐབ་ཇུས་རང་བཞིན་དང་སྤྱི་ཡོངས་རང་བཞིན་གྱི་ལས་དོན་དང་འབྲེལ་བ་ཡོད་པ་དང་། ཆབ་སྲིད་ཀྱི་ལས་འགན་གལ་ཆེན་དང་བརྒྱུད་རིམ་ལྡན་པའི་ལས་གྲྭ་ཞིག་ཡིན་པས་བློ་བསྡུས་དགེ་འཚོལ་དང་། སེམས་ཤུགས་གཅིག་སྒྲིལ། སྒྲིག་བཟོའི་སྤུས་ཚད་མཐོ་རུ་གཏོང་བ་བཅས་བྱས་ནས་《གྲོས་འགོ་》དེ་ལག་ལེན་དང་།  མི་དམངས། ལོ་རྒྱུས་བཅས་ཀྱི་ཞིབ་བཤེར་ཐེག་ཐུབ་པའི་འགན་ལེན་བྱེད་དགོས། སེམས་ཀྱི་ཉི་ཟླ་གྲོང་ཁྱེར་དེ་ཁུལ་གྱི་སྲིད་གཞུང་གནས་ཡུལ་ཡིན་པས། སྤྱི་ཡོངས་ཀྱི་འདུ་ཤེས་བརྟན་པོ་བཙུགས་ཏེ། ཁུལ་ཡོངས་ཀྱི“ལོ་ལྔ་ཚན་བཅོ་ལྔ་པའི”འཆར་འགོད་ལ་དམ་པོར་དམིགས་པ་དང་།བྱེད་ཐབས་ཞིབ་ཕྲར་བསམ་བློ་གཏིང་ཟབ་གཏོང་བ། ཁུལ་ཡོངས་ཀྱི་འཕེལ་རྒྱས་ལ་འདེགས་སྐྱོར་བྱེད་པའི་སྤྱིའི་རྩིས་ཐོ་ཡག་པོ་འགོད་པ་བཅས་བྱས་ཏེ། གྲོང་ཁྱེར་ཡོངས་ཀྱི་འཆར་འགོད་སྔར་བས་ཞིབ་ཚགས་དང་འཐུས་ཚང་དུ་བཏང་སྟེ། ཁུལ་ཡོངས་ཀྱི་འཕེལ་རྒྱས་ཀྱི་བཀོད་པ་དང་མཐུན་པ་དང་ཕན་འབྲས་ཐོན་པའི་རྣམ་གྲངས་དང་ལས་དོན་སྔར་བས་མང་པོ་རང་འགུལ་ངང་ཇུས་འགོད་བྱེད་དགོས། ཚད་ཤིང་་གི་འདུ་ཤེས་བརྟན་དུ་འཛུགས་པ་དང་། གསར་གཏོད་གསར་སྐྲུན་ཧུར་ཐག་བྱས་ཏེ། ལས་དོན་སོ་སོའི་ཁྲོད་དཔེ་སྟོན་དང་མདུན་གྲལ་དུ་སྐྱོད་པར་བརྩོན་ལེན་བྱ་དགོས། འགན་འཁྲིའི་འདུ་ཤེས་བརྟན་དུ་འཛུགས་པ་དང་། ཁུལ་ཡོངས་ཀྱི་སྤྱིའི་དམིགས་འབེན་ལ་འདེགས་སྐྱོར་བྱེད་པའི་ཁྲོད་ལས་འགན་གང་མང་བགོ་བ་དང་བྱས་རྗེས་གང་མང་འཇོག་པར་བྱེད་དགོས་ཞེས་པའི་ནན་བཤད་གནང་།

ཚོགས་འདུའི་ཐོག《གྲོས་འགོའི》འཆར་ཟིན་བཀོད་ཚུལ་དང་ནང་དོན་གཙོ་བོ་བརྡ་ཁྱབ་བཏང་བ། ཁུལ་ཨུའི་རྒྱུན་ཨུ་སེམས་ཀྱི་ཉི་ཟླ་གྲོང་ཨུའི་ཧྲུའུ་ཅི་ཧོང་ལུང་ཤིན་དང་། སེམས་ཀྱི་ཉི་ཟླ་གྲོང་ཁྱེར་སྲིད་གཞུང་གི་འགན་འཁུར་བློ་མཐུན་གཙོ་བོ་དང་གྲོང་ཁྱེར་དེའི་ཤང་དང་གྲོང་རྡལ་གྱི་ཏང་ཨུའི་འགན་འཁུར་བ་ཁག་གཅིག་གིས《གྲོས་འགོ》ལ་དམིགས་ཏེ་དཔལ་འབྱོར་དང་། ཆབ་སྲིད། རིག་གནས། སྤྱི་ཚོགས། སྐྱེ་ཁམས་དཔལ་ཡོན་འཛུགས་སྐྱོང་། ཏང་འཛུགས་སྐྱོང་སོགས་ཁྱབ་ཁོངས་ཁག་ནས་བསམ་འཆར་དང་གྲོས་འགོ་བཏོན་པ་རེད།