སྐབས་དགུ་པའི་ཁུལ་ཨུ་རྒྱུན་ཨུས་གྲོས་ཚོཊ་ཐེངས142པ་（རྒྱས་འཛོམས）འཚོཊ།
ཁྱབ་བསྒྲགས་དུས་ཚོད་：2025-12-03 15:37:36
ཟླ་12ཚེས་2ཉིན་ཁུལ་ཨུའི་སྐབས་དགུ་པའི་རྒྱུན་ལས་ཨུ་ལྷན་གྱིས་ཚོགས་འདུ་ཐེངས་142པ་འཚོགས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་དང་ཞིང་ཆེན་ཨུ་ལྷན་གྱི་འབྲེལ་ཡོད་ལས་ཀའི་བླང་བྱ་བརྒྱུད་བསྒྲགས་དང་སློབ་སྦྱོང་བྱས་ཏེ་རང་ཁུལ་གྱི་ལག་བསྟར་ལས་དོན་ལ་ཞིབ་འཇུག་བྱས་པ་རེད།
ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཚོགས་འདུ་གཙོ་སྐྱོང་གནང་བ་རེད།
ཚོགས་འདུའི་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་རང་སྐྱོང་ལྗོངས་ཏང་ཨུ་དང་སྲིད་གཞུང་གི་ལས་དོན་སྙན་སེང་གསན་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་བརྟན་ལྷིང་དང་། འཕེལ་རྒྱས། སྣོད་བཅུད། མཐའ་མཚམས་བརྟན་པོ་བཅས་དོན་ཆེན་བཞི་དམ་འཛིན་ཏན་ཏིག་དང་། བརྟན་ལྷིང་ལ་བརྟེན་ནས་འཕེལ་རྒྱས་འགན་ལེན།འཕེལ་རྒྱས་ལ་བརྟེན་ནས་བརྟན་ལྷིང་ལ་སྐུལ་འདེད། བདེ་ཆེན་གྱི་སྤུས་ཚད་མཐོ་བའི་འཕེལ་རྒྱས་དང་ཆུ་ཚད་མཐོ་བའི་བདེ་འཇགས་མཉམ་འགུལ་ལ་བཅས་ལ་སྐུལ་འདེད་གཏོང་དགོས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཐུན་མོང་སློབ་སྦྱོང་ཐེངས་ཉེར་གསུམ་པའི་སྐབས་སུ་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ།དྲ་རྒྱའི་སྐྱེ་ཁམས་བཅོས་སྐྱོང་དམ་འཛིན་བྱས་ནས། གཙོ་རྒྱུན་གླེང་ཕྱོགས་རྒྱ་བསྐྱེད་གཏོང་སྟེ།བདེ་ཆེན་གྱི་སྐད་སྒྲ་ཁྱབ་སྤེལ་ཡག་པོ་བཅས་བྱ་དགོས།སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཁྱོན་ཡོངས་ནས་ཁྲིམས་ལྟར་རྒྱལ་ཁབ་སྐྱོང་བའི་ལས་ཀར་བཏོན་པའི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་།ཚན་རིག་དང་མཐུན་པར་ཁྲིམས་འཛུགས་དང་། ཁྲིམས་བསྟར་ནན་པོ། ཁྲིམས་འཛིན་དྲང་གཞག དམངས་ཡོངས་ཀྱིས་ཁྲིམས་སྲུང་བཅས་བྱེད་པར་སྐུལ་འདེད་གཏོང་དགོས།ཁྲིམས་སྐྱོང་འཛུགས་སྤེལ་དོན་འཁྱོལ་ཡོང་བར་སྐུལ་འདེད་གཏོང་དགོས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བློ་མཐུན་ཧུའུ་ཡའོ་པང་སྐུ་འཁྲུངས་ནས་ལོ་ངོ་110འཁོར་བར་དྲན་གསོ་ཞུ་བའི་བཞུགས་མོལ་ཚོགས་འདུའི་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ།ཏང་ཡོན་གྱི་ཏང་གཤིས་བློ་སྦྱོང་ལ་མུ་མཐུད་ཤུགས་སྣོན་རྒྱག་དགོས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཞང་ཀང་གི་ཞིན་ཅེ་ཏ་ཕུའུ་ཁུལ་གྱི་ཐོག་ཁང་ཆེན་མོའི་མེ་སྐྱོན་དོན་རྐྱེན་ཚབས་ཆེན་ལ་གནང་བའི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་།གློག་དང་འབྲེལ་བའི་ལས་ཀ་དང་མེ་འབྲེལ་ལས་ཀར་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་བ།དམངས་ཁང་གི་མེ་སྐྱོན་སྔོན་འགོག་དང་ནགས་ཚལ་དང་རྩྭ་ཐང་གི་མེ་གསོད་སྔོན་འགོག་ལས་ཀ་དམ་འཛིན་བཅས་བྱེད་དགོས།སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་གོའི་དང་བླངས་ཞབས་ཞུའི་མཉམ་འབྲེལ་ལྷན་ཚོགས་ཀྱི་ཚོགས་མིའི་འཐུས་མིའི་ཚོགས་ཆེན་སྐབས་གསུམ་པའི་རྟེན་འབྲེལ་འཕྲིན་ཡིག་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ།རང་ཁུལ་གྱི་དང་བླངས་ཞབས་ཞུ་འཛུགས་སྐྲུན་ལས་ཀ་དམ་འཛིན་བྱེད་དགོས་པའི་ནན་བཤད་གནང་བ་རེད།ཚོགས་འདུའི་ཐོག་ལོ་འཁོར་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་དམིགས་ཚད་ལས་འགན་གཏན་འཁེལ་བྱེད་པ་དང་།རྣམ་གྲངས་ལས་འགོ་འཛུགས་པ་དང་མ་དངུལ་གཏོང་བའི་མྱུར་ཚད་སོགས་གཙོ་གནད་ལས་དོན་ལ་དམ་པོར་དམིགས་ཏེ་ལས་དོན་ལེགས་སྒྲུབ་བྱས་ཚུལ་ལ་གཙང་བཤེར་བྱེད་པ་དང་ཞན་ཆ་མགྱོགས་མྱུར་གསབ་ནས“ལོ་ལྔ་ཚན་བཅུ་བཞི་པ”ཕུན་སུམ་ཚོགས་པོའི་ངང་མཇུག་བསྡུ་རྒྱུའི་འགན་ལེན་བྱེད་དགོས།སྲིད་སྐྱོང་བྱས་རྗེས་ཀྱི་ལྟ་བ་ཡང་དག་འཛུགས་པ་དང་། བསྡོམས་རྩིས་སློབ་སྦྱོང་དང་། བསྡོམས་རྩིས་ཤེས་རྟོགས།བསྡོམས་རྩིས་བེད་སྤྱོད་བཅས་ཀྱི་ནུས་པ་དང་ཆུ་ཚད་མཐོ་རུ་བཏང་ནས་བསྡོམས་རྩིས་རྫུན་བཟོ་བྱེད་རིགས་སྔོན་འགོག་ནན་པོ་བྱེད་དགོས། “1262”ལམ་སྲོལ་གྱི་ཉམས་མྱོང་དང་བྱེད་སྟངས་རྒྱུན་མཐུད་ངང་བེད་སྤྱོད་ཡག་པོ་གཏོང་བ་དང་།གནོད་འགོག་གནོད་འཕྲི་གནོད་སྐྱོབ་བཅས་ཀྱི་ལས་ཀ་དམ་འཛིན་ཡག་པོ་བྱ་དགོས། སྲུང་སྐྱོང་དང་གསར་སྤེལ་བར་གྱི་འབྲེལ་བ་ཐག་གཅོད་ཡག་པོ་བྱས་ཏེ།སྐྱེ་ཁམས་ཀྱི་དགེ་མཚན་དེ་འཕེལ་རྒྱས་ཀྱི་དགེ་མཚན་དུ་འགྱུར་བ་ཏན་ཏིག་བྱ་དགོས། “ཕྱི་འདྲེན་”དང་“ནང་གསོ་”ཡི་བྱེད་ཐབས་ཆེན་པོ་གཉིས་ཟབ་སྤེལ་བྱས་ཏེ།དམངས་གཉེར་ཁེ་ལས་འཕེལ་རྒྱས་སྟོབས་ཆེར་འགྲོ་བར་ཞབས་ཞུ་འགན་སྲུང་བྱ་དགོས་པའི་ནན་བཤད་གནང་བ་རེད།ཚོགས་འདུའི་ཐོག་ཞིང་ཆེན་རིམ་པའི་བཅོས་སྒྲིག་ཕྱི་ཚུལ་རིང་ལུགས་ཀྱིས་གཞི་རིམ་གྱི་ཁུར་པོ་ཡང་དུ་གཏོང་བའི་ཆེད་དོན་ལས་ཀའི་ལམ་སྲོལ་གྱི་འབྲེལ་ཡོད་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་ཏེ་བསམ་བློའི་ངོས་འཛིན་ལ་ཤུགས་སྣོན་རྒྱག་པ་དང་།ཁུར་པོ་ཡང་དུ་གཏོང་བའི་སྲིད་ཇུས་དང་བླང་བྱ་དོན་འཁྱོལ་ནན་པོ་བྱེད་པ། ཁུར་པོ་ཡང་དུ་གཏོང་བ་དང་ཕན་འབྲས་ཆེ་རུ་གཏོང་རྒྱུར་སྐུལ་འདེད་གཏོང་བ་བཅས་བྱེད་དགོས་པའི་ནན་བཤད་བྱས་པ་རེད།ཚོགས་འདུའི་ཐོག་ཁུལ་ཡོངས་ཀྱི་ཚོང་འགུགས་མ་འདྲེན་གྱི་ལས་དོན་བསྒྲུབས་ཚུལ་ལ་གསན་རྗེས།ཚོང་འགུགས་མ་འདྲེན་གྱི་ལས་དོན་ནི་བདེ་ཆེན་འཕེལ་རྒྱས་ཀྱི་དགོས་མཁོ་ཡིན་པས།རང་ཁུལ་གྱི་ལེགས་ཆའི་ཐོན་ལས་ལ་དམིགས་ནས་ཇུས་འགོད་གཏིང་ཟབ་དང་།གནད་སྨིན་ཤུགས་འདོན་བྱས་ཏེ། ཚོང་འགུགས་མ་འདྲེན་གྱི་ལས་དོན་དམ་འཛིན་བྱེད་པའི་རང་འགུལ་རང་བཞིན་དང་རང་རྟོགས་རང་བཞིན་ཆེ་རུ་ཏན་ཏིག་གཏོང་དགོས་པའི་ནན་བཤད་གནང་བ་རེད།ཚོགས་འདུའི་ཐོག་སྲིད་འཛིན་ཁྲིམས་བསྟར་ལྟ་སྐུལ་ལས་ཀའི་གནས་ཚུལ་ལ་གསན་ནས་སྲིད་འཛིན་ཁྲིམས་བསྟར་ཚད་ལྡན་ཅན་དུ་འགྱུར་བར་སྐུལ་འདེད་བཏང་སྟེ་ཁྲིམས་བསྟར་དཔུང་ཁག་གི་ནུས་པ་དང་བྱང་ཚད་ཟམ་མི་ཆད་པར་མཐོ་རུ་གཏོང་དགོས་ཞེས་ནན་བཤད་བྱས་ཡོད། གྲོས་ཚོགས་ཐོག་བདེ་འཇགས་དང་། གོ་རིམ་ལྡན་པ། དཔལ་ཡོན་ལྡན་པ།བརྩོན་བསྲིས་བཅས་ཀྱི་སྒོ་ནས་2025ལོ་ནས་2026ལོའི་བར་གྱི་ཧྥུ་ཏན་དངུལ་ཁང་ཡུན་ནན་ཞིང་ཆེན་གྲོང་ཁྱེར་རྐང་གྲུག་གི་རིམ་མཚུམས་མཉམ་འགྲན་བདེ་ཆེན་འགྲན་ཁུལ་གྱི་འགྲན་བསྡུར་ཡག་པོ་གཉེར་དགོས་པ་དང་།དྲིལ་བསྒྲགས་འོས་སྦྱོར་ལ་ཤུགས་སྣོན་དང་། འགྲན་བསྡུར་སྨྱན་སྦྱོར་བྱས་ཏེ་འགྲན་བསྡུར་ལ་བརྟེན་ནས་ཡུལ་སྐོར་ལ་སྐུལ་སྤེལ་དང་།འགྲན་བསྡུར་ལ་བརྟེན་ནས་ལས་རིགས་དར་རྒྱས་གཏོང་བར་སྐུལ་འདེད་གཏོང་དགོས་ཞེས་བླང་བྱ་བཏོན་པ།ཚོགས་འདུའི་ཐོག་ད་དུང་དོན་ཚན་གཞན་དག་ལ་ཞིབ་འཇུག་བྱས་པ་རེད།
ཡུན་ནན་སྤྱི་བདེ་དྲ་རྒྱ་བདེ་འཇགས་ཐོ་འགོད་ཨང་རྟགས། 53340002000108
