ཟླ་12་པའི་ཚེས་2ཉིན། ཁུལ་ཨུ་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་གིས་རུ་ཁག་ཁྲིད་དེ་སེམས་ཀྱི་ཉི་ཟླ་གྲོང་ཁྱེར་ལུས་རྩལ་ལྟེ་གནས་དང་། བདེ་ཆེན་ཁུལ་མི་རིགས་ལུས་རྩལ་ལྟེ་གནས་ལུས་རྩལ་ཐང་དུ་2025/2026ཧྥུ་ཏེན་དངུལ་ཁང་ཡུན་ནན་ཞིང་ཆེན་གྲོང་ཁྱེར་རྐང་རྩེད་སྤོ་ལོ་མཉམ་འབྲེལ་འགྲན་བསྡུར་བདེ་ཆེན་འགྲན་རའི་གྲ་སྒྲིག་ལས་དོན་ལ་ཞིབ་འཇུག་བརྟག་དཔྱད་བྱས།

  སེམས་ཀྱི་ཉི་ཟླ་གྲོང་ཁྱེར་ལུས་རྩལ་ལྟེ་གནས་སུ། ཀྲང་ཝེ་ཏུང་གིས་ཡུལ་དངོས་སུ་འགྲན་ར་འཐུས་ཚང་གཏོང་ཚད་དང་མིག་སྔར་འཕྲོད་པའི་དཀའ་ངལ་དང་གནད་དོན་ལ་རྒྱུས་ལོན་བྱས་ཏེ། འགྲན་ར་བཟོ་བཅོས་བྱེད་པའི་བརྒྱུད་རིམ་ཁྲོད་ཀྱི་ལས་དོན་ཁག་ལ་ཞིབ་ཚགས་འདྲི་བ་དང་མཛུབ་སྟོན་བྱས།

ཀྲང་ཝེ་ཏུང་གིས། འགྲན་ར་མཐའ་འཁོར་གྱི་ཁོར་ཡུག་མཛེས་བཟོ་ལས་དོན་ཡག་པོ་སྒྲུབ་སྟེ་འགྲན་བསྡུར་གྱི་རྣམ་པ་ཟབ་མོ་བསྐྲུན་ནས་མང་ཚོགས་ལ་ལུས་རྩལ་འགྲན་བསྡུར་གྱི་ཡིད་དབང་འཕྲོག་ཤུགས་མྱོང་བཅུག་པ་དང་སྐུ་མགྲོན་རྣམས་ལ་འཛམ་གླིང་གི་སེམས་ཀྱི་ཉི་ཟླའི་ཐུན་མོང་མ་ཡིན་པའི་ཡིད་དབང་འཕྲོག་ཤུགས་ཐད་ཀར་མྱོང་ཚོར་བྱེད་དུ་འཇུག་དགོས། ཞབས་ཞུའི་ཐད། མཐོ་སྒང་གནམ་གཤིས་ཀྱི་ཁྱད་ཆོས་དང་ཟུང་འབྲེལ་བྱས་ཏེ་ལྟད་མོ་བས་འགྲན་བསྡུར་ལ་ལྟ་དུས་སྟབས་བདེ་འདོན་པ་དང་སྣང་བ་སྐྱིད་པོ་ཡིན་པར་འགན་ལེན་བྱས་ནས་འགྲན་བསྡུར་ནང་ཞུགས་མཁན་དང་ལྟད་མོ་བ་རྣམས་ལ་བདེ་ཆེན་གྱི་སྤྲོ་སེམས་དང་ཆེད་ལས་མྱོང་དུ་བཅུག་དགོས་ཞེས་ནན་བཤད་བྱས།
    ཀྲང་ཝེ་ཏུང་གིས། ཐེངས་འདིའི་ཧྥུ་ཏེན་དངུལ་ཁང་ཡུན་ནན་ཞིང་ཆེན་གྲོང་ཁྱེར་རྐང་རྩེད་སྤོ་ལོ་མཉམ་འབྲེལ་འགྲན་བསྡུར་སྤེལ་བའི་གོ་སྐབས་གལ་ཆེན་དམ་འཛིན་ནན་པོ་བྱས། འགྲན་བསྡུར་ལ་བརྟེན་ནས་འཛུགས་སྐྲུན་ལ་སྐུལ་འདེད་གཏོང་བ་དང་། འགྲན་བསྡུར་ལ་བརྟེན་ནས་དར་རྒྱས་ཡོང་བར་སྐུལ་འདེད་བཏང་སྟེ་ཁུལ་ཡོངས་ཀྱི་ལུས་རྩལ་བྱེད་སྒོ་སྤེལ་སའི་ནུས་པ་དང་སྤུས་ཀ་སྔར་བས་ཆེ་རུ་གཏོང་བ་དང་འཐུས་ཚང་དུ་གཏོང་ཞིང་ལུས་རྩལ་གྱི་རྨང་གཞིའི་སྒྲིག་ཆས་འཛུགས་སྐྲུན་སླར་ཡང་སྐས་རིམ་གསར་པ་དུ་སླེབས་པར་སྐུལ་འདེད་བཏང་ནས། ས་གནས་ཀྱི་ལུས་རྩལ་ལས་དོན་བྱ་གཞག་སྤུས་ཚད་མཐོ་བའི་འཕེལ་རྒྱས་ལ་རྨང་གཞི་བརྟན་པོ་འདིང་དགོས་ཞེས་སྟོན།

ཀྲང་ཝེ་ཏུང་གིས། འབྲེལ་ཡོད་སྡེ་ཚན་ཁག་གིས་ལས་ཀའི་འགན་འཁྲི་སྔར་བས་དམ་ཟབ་དང་། མཐུན་སྦྱོར་གཞོགས་འདེགས་ལ་ཤུགས་སྣོན་བརྒྱབ་སྟེ་ནུས་ཤུགས་ཡོད་རྒུས་གྲ་སྒྲིག་ལས་དོན་ཁག་ཡག་པོ་བསྒྲུབས་ཏེ། ཧྥུ་ཏེན་དངུལ་ཁང་ཡུན་ནན་ཞིང་ཆེན་གྲོང་ཁྱེར་རྐང་རྩེད་སྤོ་ལོ་མཉམ་འབྲེལ་འགྲན་བསྡུར་བདེ་ཆེན་འགྲན་ཁུལ་གྱི་འགྲན་བསྡུར་ལྟད་མོ་ཆེ་ལ་བདེ་འཇགས་དང་གོ་རིམ་ལྡན་པར་འགན་ལེན་བྱེད་དགོས་ཞེས་བླང་བྱ་བཏོན།

དབྱང་ཞུའེ་ཝུན་དང་ཡུས་ཀུའེ་ཧྥུན། ལི་ཐའོ། ཀྲོང་ཞའོ་ཕིང་། ཁུལ་དང་གྲོང་ཁྱེར་འབྲེལ་ཡོད་ལས་ཁུངས་ཀྱི་འགན་འཁུར་པ་ཞིབ་འཇུག་བརྟག་དཔྱད་ནང་ཞུགས།