སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་བ་12པའི་ཚེས་22ཉིན། ཁུལ་ཨུ་ཧྲུའུ་ཅི་ལུའོ་ཁྲའོ་ཧྥེང་དང་ཁུལ་ཨུ་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་གཉིས་ཀྱིས་རུ་ཁག་ཁྲིད་ནས་ཞིང་ཆེན་ཚན་རྩལ་ཐིང་དུ་འབྲེལ་མཐུད་ལས་དོན་སྙན་སེང་ཞུ་པར་ཕེབས། ཞིང་ཆེན་ཚན་རྩལ་ཐིང་གི་ཏང་ཙུའུ་ཧྲུའུ་ཅི། འགོ་འཛིན་ཀའོ་ཅུན་བཞུགས་མོལ་ཚོགས་འདུ་ནང་ཞུགས་པ་དང་གསུང་བཤད་ཀྱང་གནང་། 

    ལུའོ་ཁྲའོ་ཧྥེང་གིས་ཞིང་ཆེན་ཚན་རྩལ་ཐིང་གིས་དུས་ཡུན་རིང་པོའི་ནང་བདེ་ཆེན་གྱི་ཚན་རྩལ་གསར་གཏོད་དང་ཐོན་ལས་འཕེལ་རྒྱས་སོགས་ཀྱི་ལས་དོན་ལ་སེམས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས། ཁོང་གིས། ཞིང་ཨུ་དང་ཞིང་ཆེན་སྲིད་གཞུང་གིས་འགོ་ཁྲིད་ནུས་ལྡན་འོག ཞིང་ཆེན་ཚན་རྩལ་ཐིང་གིས་རྣམ་གྲངས་དང་ཤེས་ལྡན་མི་སྣ། སྟེགས་བུ་སོགས་ཀྱི་ཐད་མུ་མཐུད་དུ་མཛུས་སྟོན་དང་རྒྱབ་སྐྱོར་བྱས་པ་བརྒྱུད། བདེ་ཆེན་གྱི་ཚན་རྩལ་གསར་གཏོད་ལས་དོན་ལ་མཆོང་བསྐྱོད་ལྟ་བུའི་འཕེལ་རྒྱས་བྱུང་ཡོད་ཅིང་ཚན་རྩལ་གྱིས་ཐོན་ལས་འཕེལ་རྒྱས་ཐད་ཀྱི་སྒུལ་ནུས་ཀྱང་ཇེ་ཆེར་སོང་ཡོད་ཅེས་བསྟན། ཁོང་གིས། ཞིང་ཆེན་ཚན་རྩལ་ཐིང་གིས་མུ་མཐུད་དུ་བདེ་ཆེན་གྱི་ཚན་རྩལ་གསར་གཏོད་ལས་དོན་ལ་སྔར་ལྟར་རྒྱབ་སྐྱོར་བྱེད་པ་དང་ལྷག་པར་དུ་མཐོ་སྒང་གི་ཁྱད་ལྡན་ཐོན་ལས་ཀྱི་ལག་རྩལ་འགག་རྩའི་འགག་སྒྲོལ་དང་། ཀྲུང་ལུགས་དང་བོད་ལུགས་སྨན་རྫས་ཐོན་ལས་མཐོར་གཏོང་། སྟེགས་བུ་འཛུགས་སྐྲུན་གསར་གཏོད། ཚན་རྩལ་གྱི་ཤེས་ལྡན་མི་སྣ་གསོ་སྐྱོང་སོགས་ལ་མཛུབ་ཁྲིད་དང་རྒྱབ་སྐྱོར་བྱ་བར་ཤུགས་སྣོན་བརྒྱབ་སྟེ་བདེ་ཆེན་མཐོ་སྒང་གི་ཁྱད་ལྡན་གསར་གཏོད་སྒུལ་ནུས་ཀྱི་འཕེལ་རྒྱས་ལམ་བུའི་ནང་འགྲོ་ཐུབ་པར་སྐུལ་འདེད་གཏོང་བའི་རེ་བ་ཡོད་ཅེས་གསུངས།   

    ཀའོ་ཅུན་གྱིས་བདེ་ཆེན་ཁུལ་གྱིས་གསར་གཏོད་ཀྱིས་འཕེལ་རྒྱས་ལ་སྐུལ་འདེད་གཏོང་བའི་འཐབ་ཇུས་བློ་བརྟན་འགྱུར་མེད་ངང་ལག་བསྟར་བྱས་ནས་ཐོབ་པའི་གྲུབ་འབྲས་ལ་ཁས་ལེན་གང་ལེགས་བྱས། ཁོང་གིས། ཞིང་ཆེན་ཚན་རྩལ་ཐིང་གིས་ཞིང་ཨུ་དང་ཞིང་ཆེན་སྲིད་གཞུང་གི་བོད་འབྲེལ་ས་ཁུལ་གྱི་ཁུལ་དང་རྫོང་གི་འཕེལ་རྒྱས་ལ་རྒྱབ་སྐྱོར་བྱ་བའི་སྐོར་བཀོད་སྒྲིག་བླང་བྱ་དོན་འཁྱོལ་ནན་ཏན་བྱས་ཏེ་མཉམ་ལས་ལམ་སྲོལ་མུ་མཐུད་གཏིང་ཟབ་ཏུ་བཏང་ནས་ཚན་རྩལ་རྣམ་གྲངས་བཀོད་སྒྲིག་དང་གསར་གཏོད་ཐོན་ཁུངས་བཀོད་སྒྲིག་ཐད་བདེ་ཆེན་ལ་རྒྱབ་སྐྱོར་བྱ་རྒྱུ་ཡིན་ཞེས་གསུངས་ཤིང་། བདེ་ཆེན་གྱིས་སྔར་བས་ཁྱད་ཆོས་དང་དགེ་མཚན་ལྡན་པའི་ཐོན་ལས་ལ་དམིགས་ནས། ཁེ་ལས་ཀྱི་གསར་གཏོད་གཙོ་གཟུགས་ཀྱི་གོ་གནས་ཇེ་ཆེར་གཏོང་བ་དང་། ཧྲང་ཧའེ་དང་ཡུན་ནན་གྱི་མཉམ་ལས་སོགས་ཀྱི་སྟེགས་བུ་བེད་སྤྱོད་ཡག་པོ་བྱས་ཏེ་ཚན་རྩལ་གྲུབ་འབྲས་བསྒྱུར་བ་དང་ཐོན་ལས་ཅན་དུ་འགྱུར་བར་སྐུལ་འདེད་གཏོང་དགོས། ཞིང་ཆེན་ཚན་རྩལ་ཐིང་གིས་ཞབས་ཞུའི་འགན་ལེན་ཡག་པོ་བྱས་ཏེ་བདེ་ཆེན་སྤུས་ཚད་མཐོ་བའི་སྒོ་ནས་འཕེལ་རྒྱས་འགྲོ་བར་མཉམ་དུ་ཚན་རྩལ་གྱི་སྒུལ་ཤུགས་སྔར་ལས་སྟོབས་ཆེར་གཏོང་རྒྱུའི་རེ་བ་ཡོད་ཅེས་གསུངས། 

    ཞིང་ཆེན་ཚན་རྩལ་ཐིང་གི་འགོ་ཁྲིད་ཧོ་ཀེ་ཝུའེ་དང་འབྲེལ་ཡོད་སྡེ་ཚན་གྱི་འགན་འཁུར་བ། རང་ཁུལ་གྱི་འགོ་ཁྲིད་ཡུས་ཀུའེ་ཧྥུན་དང་འབྲེལ་ཡོད་སྡེ་ཚན་གྱི་འགན་འཁུར་བ་ཚོགས་འདུར་ཞུགས།