འཕྲིན་ལན།

ཀྲུང་གོ་གཞོན་ནུའི་ལྔ་བཞིའི་གཟེངས་རྟགས་དང་དུས་རབས་གསར་པའི་གཞོན་ནུའི་གདོང་ལེན་བྱ་དགའ་ཐོབ་མཁན་འཐུས་མི་ཚོ།

འཕྲིན་ཡིག་འབྱོར་བྱུང་། ཁྱེད་ཚོས་ཏང་གི་མངགས་བཅོལ་བློ་ལ་བརྟན་པོར་ངེས་ནས་ཚན་རྩལ་གསར་གཏོད་དང་། གྲོང་གསེབ་དར་རྒྱས། སྤྱི་ཚོགས་ལ་ཞབས་འདེགས་ཞུ་བ། རྒྱལ་སྲུང་མཐའ་སྲུང་སོགས་གཞི་རིམ་གྱི་འཐབ་ས་དང་པོར་གཞི་ཚུགས་ཏེ་དངོས་སྒྲུབ་ཐེག་པ་འཁུར་ལེན་ལ་བརྟེན་ནས་ངོ་གནོང་མི་དགོས་པའི་ལང་ཚོའི་ལེའུ་བརྩམས་ཏེ། དུས་རབས་གསར་པའི་ཀྲུང་གོའི་གཞོན་ནུའི་རང་རྟོན་རང་དར་དང་འབད་འབུངས་ཡར་བརྩོན་གྱི་ཉམས་འགྱུར་བཟང་པོ་མངོན་པར་བྱས་ཡོད།

ད་ལོ་ནི“ལོ་ལྔ་ཚན་བཅོ་ལྔ་པའི”འགོ་ཚུགས་ལོ་ཡིན་པས། གཞོན་ནུ་ཚོས་བྱས་རྗེས་འཇོག་པའི་དུས་ལ་བབས་ཡོད། ཁྱེད་ཚོས་ཕུགས་བསམ་ཆེན་པོ་བློ་ལ་བཅངས་ནས་འབད་འབུངས་ཡར་བརྩོན་བྱས་ནས་རྒྱ་ཆེའི་གཞོན་ནུ་ཚོའི་སྣེ་ཁྲིད་དེ་མི་སྒེར་གྱི་དོན་གཉེར་རྒྱལ་ཁབ་འཕེལ་རྒྱས་ཀྱི་སྤྱི་ཡོངས་དང་མཉམ་འདྲེས་བྱེད་པ་དང་རང་ངོས་ཀྱི་ལས་གནས་ལ་གཞི་ཚུགས་ནས་ལས་རྗེས་གསར་པ་རྒྱུན་ཆད་མེད་པར་བཏོད་དེ་རྒྱང་ལམ་གསར་པར་ལང་ཚོའི་སྟོབས་ཤུགས་སྐྱེས་སུ་འབུལ་རྒྱུའི་རེ་བ་ཡོད།

ལྔ་བཞི་གཞོན་ནུའི་དུས་ཆེན་འཆར་ཉེའི་སྐབས་སུ། ཁྱེད་ཚོ་དང་རྒྱལ་ཡོངས་མི་རིགས་ཁག་གི་གཞོན་ནུ་ཚོར་དུས་ཆེན་སྤྲོ་པོ་ཡོང་བའི་སྨོན་འདུན་ཞུ་གི་ཡིན།

ཞི་ཅིན་ཕིང་།

2026ལོའི་ཟླ་5ཚེས་2ཉིན།

(ཤིན་ཧྭ་གསར་འགྱུར་ཁང་པེ་ཅིང་ནས་ཟླ་5ཚེས་3ཉིན་འབྱོར་བའི་གློག་འཕྲིན)

ཤིན་ཧྭ་གསར་འགྱུར་ཁང་པེ་ཅིང་ནས་ཟླ་5ཚེས་3ཉིན་གློག་འཕྲིན་འབྱོར་གསལ། ལྔ་བཞི་གཞོན་ནུའི་དུས་ཆེན་འཆར་ཉེའི་སྐབས་སུ། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་ཀྲུང་གོ་གཞོན་ནུའི་ལྔ་བཞིའི་གཟེངས་རྟགས་དང་དུས་རབས་གསར་པའི་གཞོན་ནུའི་གདོང་ལེན་བྱ་དགའ་ཐོབ་མཁན་འཐུས་མིར་འཕྲིན་ལན་སྤྲིངས་ནས། རྒྱལ་ཡོངས་མི་རིགས་ཁག་གི་གཞོན་ནུ་ཚོར་དུས་ཆེན་གྱི་རྟེན་འབྲེལ་ཞུས་པ་དང་འབྲེལ་ཐུགས་རེ་ཟབ་མོའང་བཅོལ་གནང་བ་རེད།

ཞི་ཅིན་ཕིང་གིས་འཕྲིན་ལན་ནང་གསུངས་དོན། ཁྱེད་ཚོས་ཏང་གི་མངགས་བཅོལ་བློ་ལ་བརྟན་པོར་ངེས་ནས་ཚན་རྩལ་གསར་གཏོད་དང་། གྲོང་གསེབ་དར་རྒྱས། སྤྱི་ཚོགས་ལ་ཞབས་འདེགས་ཞུ་བ། རྒྱལ་སྲུང་མཐའ་སྲུང་སོགས་གཞི་རིམ་གྱི་འཐབ་ས་དང་པོར་གཞི་ཚུགས་ཏེ་དངོས་སྒྲུབ་ཐེག་པ་འཁུར་ལེན་ལ་བརྟེན་ནས་ངོ་གནོང་མི་དགོས་པའི་ལང་ཚོའི་ལེའུ་བརྩམས་ཏེ། དུས་རབས་གསར་པའི་ཀྲུང་གོའི་གཞོན་ནུའི་རང་རྟོན་རང་དར་དང་འབད་འབུངས་ཡར་བརྩོན་གྱི་ཉམས་འགྱུར་བཟང་པོ་མངོན་པར་བྱས་ཡོད།

ཞི་ཅིན་ཕིང་གིས་ནན་བཤད་གནང་དོན། ད་ལོ་ནི“ལོ་ལྔ་ཚན་བཅོ་ལྔ་པའི”འགོ་ཚུགས་ལོ་ཡིན་པས། གཞོན་ནུ་ཚོས་བྱས་རྗེས་འཇོག་པའི་དུས་ལ་བབས་ཡོད། ཁྱེད་ཚོས་ཕུགས་བསམ་ཆེན་པོ་བློ་ལ་བཅངས་ནས་འབད་འབུངས་ཡར་བརྩོན་བྱས་ཏེ་རྒྱ་ཆེའི་གཞོན་ནུ་ཚོའི་སྣེ་ཁྲིད་དེ་མི་སྒེར་གྱི་དོན་གཉེར་རྒྱལ་ཁབ་འཕེལ་རྒྱས་ཀྱི་སྤྱི་ཡོངས་དང་མཉམ་འདྲེས་བྱེད་པ་དང་རང་ངོས་ཀྱི་ལས་གནས་ལ་གཞི་ཚུགས་ནས་ལས་རྗེས་གསར་པ་རྒྱུན་ཆད་མེད་པར་བཏོད་དེ་རྒྱང་ལམ་གསར་པར་ལང་ཚོའི་སྟོབས་ཤུགས་སྐྱེས་སུ་འབུལ་རྒྱུའི་རེ་བ་ཡོད། 

ཀྲུང་གོ་གཞོན་ནུའི་ལྔ་བཞིའི་གཟེངས་རྟགས་དང་དུས་རབས་གསར་པའི་གཞོན་ནུའི་གདོང་ལེན་བྱ་དགའ་སྤྲོད་པའི་དམིགས་ཡུལ་ནི་ཆབ་སྲིད་ཡར་ཐོན་དང་། ཀུན་སྤྱོད་བཟང་བ། ལེགས་སྐྱེས་མངོན་གསལ་དོད་པ་བཅས་ཀྱི་ཕུལ་བྱུང་གཞོན་ནུའི་དཔེ་མཚོན་གཏོད་པ་དང་གཟེངས་བསྟོད་བྱ་ཆེད་རེད། ཉེ་ཆར། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་བྱ་དགའ་ཐོབ་པའི་གཞོན་ནུའི་འཐུས་མི་16གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་འཕྲིན་ཡིག་སྤྲིངས་ནས་གཞི་རིམ་དུ་རྩ་བ་ཚུགས་ཏེ་ལེགས་སྐྱེས་ཕུལ་བའི་གནས་ཚུལ་དང་མྱོང་ཚོར་སྙན་སེང་ཞུས་ཏེ“ལོ་ལྔ་ཚན་བཅོ་ལྔ་པར”བྱས་རྗེས་འཇོག་པ་དང་དུས་རབས་གསར་པའི་རྒྱང་སྐྱོད་ལམ་བུར་ཡག་པོ་སྐྱོད་པའི་ཆོད་སེམས་མཚོན་པར་བྱས་ཡོད།