ཟླ་1པོའི་ཚེས་21ཉིན་གྱི་ཕྱི་དྲོ།བདེ་ཆེན་བོད་རིགས་རང་སྐྱོང་ཁུལ་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་དྲུག་པའི་ཀྲུའུ་ཞི་ཚོགས་པས་ཚོགས་འདུ་ཐེངས་གསུམ་པ་འཚོགས་པ།

ཚོགས་ཆེན་གྱི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་དབྱང་ཧྲུའུ་ཆི་ཡིས་ཚོགས་འདུ་གཙོ་སྐྱོང་གནང་བ་དང་།ཀྲུའུ་ཞི་ཚོགས་པའི་ཁོངས་མི་39ཚོགས་འདུར་ཕེབས་ཡོད་པས་ཁྲིམས་བཀོད་མི་གྲངས་དང་མཐུན་ཡོད།

ཚོགས་འདུའི་ཐོག་འཐུས་མི་ཚོགས་པ་ཁག་གིས་སྲིད་གཞུང་གི་ལས་དོན་སྙན་ཞུ་ལ་གྲོས་ཞིབ་དང་།“ལོ་ལྔ་ཚན་བཅོ་ལྔ་པའི་”འཆར་འགོད་རྩ་གནད་ཀྱི་འཆར་ཟིན་དང་།འཆར་གཞི།སྔོན་རྩིས་སྙན་ཞུ་བཅས་ལ་ཞིབ་བཤེར་བྱས་ཚུལ་སྐོར་གྱི་སྙན་ཞུ་ལ་གྲོས་ཞིབ་གནང་།སྲིད་གཞུང་གི་ལས་དོན་སྙན་ཞུའི་སྐོར་གྱི་གྲོས་ཆོད་མ་ཟིན་ལ་གྲོས་ཞིབ་བྱས་པ་དང་འབྲེལ་བརྡས་ཐག་བཅད་ནས་གྲོས་འཆམ་བྱུང་སྟེ་འཐུས་མིའི་ཚོགས་པ་ཁག་ལ་གྲོས་ཞིབ་བྱ་རྒྱུར་ཕུལ་རྗེས་ཚང་འཛོམས་གྲོས་ཚོགས་ལ་བརྡས་ཐག་གཅོད་རྒྱུ་རེད།

ཚོགས་འདུའི་ཐོག་ཁུལ་མི་དམངས་འཐུས་ཚོགས་ནོར་སྲིད་དཔལ་འབྱོར་ཨུ་ལྷན་གྱིས་བདེ་ཆེན་ཁུལ་གྱི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔ་ཚན་བཅོ་ལྔ་པའི་འཆར་འགོད་རྩ་གནད་འཆར་ཟིན་གྱི་ཞིབ་བཤེར་བྱས་འབྲས་སྐོར་གྱི་སྙན་ཞུ་དང་། བདེ་ཆེན་ཁུལ་གྱི་2025ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཆར་གཞི་ལག་བསྟར་བྱས་ཚུལ་དང་2026ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཆར་གཞིའི་འཆར་ཟིན་ལ་ཞིབ་བཤེར་བྱས་འབྲས་སྐོར་གྱི་སྙན་ཞུ། བདེ་ཆེན་ཁུལ་གྱི་2025ལོའི་ས་གནས་ནོར་སྲིད་ཀྱི་སྔོན་རྩིས་ལག་བསྟར་བྱས་ཚུལ་དང་2026ལོའི་ས་གནས་ནོར་སྲིད་ཀྱི་སྔོན་རྩིས་འཆར་ཟིན་ལ་ཞིབ་བཤེར་བྱས་འབྲས་སྐོར་གྱི་སྙན་ཞུར་ཉན་པ་དང་གྲོས་ཞིབ་བྱས་ལ། འབྲེལ་ཡོད་གྲོས་ཆོད་འཆར་ཟིན་ལ་བརྡས་ཐག་བཅད་དེ་གྲོས་འཆམ་བྱུང་བ་རེད།འབྲེལ་ཡོད་གྲོས་ཆོད་འཆར་ཟིན་དེ་འཐུས་མི་ཚོགས་པ་ཁག་ལ་གྲོས་ཞིབ་བྱ་རྒྱུར་ཕུལ་རྗེས་ཚང་འཛོམས་གྲོས་ཚོགས་ཐོག་བརྡས་ཐག་གཅོད་རྒྱུ་རེད།

གྲོས་ཚོགས་ཐོག་འཐུས་མི་ཚོགས་པ་སོ་སོས་ཁུལ་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ལས་དོན་སྙན་ཞུ་དང་། ཁུལ་འབྲིང་རིམ་མི་དམངས་ཁྲིམས་ཁང་གི་ལས་དོན་སྙན་ཞུ།ཁུལ་མི་དམངས་ཞིབ་དཔྱོད་ཁང་གི་ལས་དོན་སྙན་ཞུ་བཅས་ལ་གྲོས་ཞིབ་བྱས་པའི་སྐོར་གྱི་སྙན་ཞུ་ལ་གྲོས་ཞིབ་བྱས་པ་དང་འབྲེལ་ཡོད་གྲོས་ཆོད་འཆར་ཟིན་ལ་བརྡས་ཐག་བཅད་ནས་གྲོས་འཆམ་བྱུང་བ་རེད།

ཚོགས་འདུའི་ཐོག་གྲོས་གཞི་ཞིབ་བཤེར་ཨུ་ཡོན་ལྷན་ཁང་གིས་འཐུས་མིའི་གྲོས་གཞི་ཐག་གཅོད་བསམ་འཆར་སྐོར་གྱི་སྙན་ཞུ་ཉན་པ་དང་གྲོས་ཞིབ་བྱས། ཚོགས་འདུའི་ཐོག་ད་དུང་འཐུས་མི་ཚོགས་པ་ཁག་གིས་འབྲེལ་ཡོད་འོས་མིའི་མིང་ཐོའི་འཆར་ཟིན་ནང་མོལ་བྱས་ཚུལ་སྐོར་གྱི་སྙན་ཞུ་གསན་ནས་འབྲེལ་ཡོད་འོས་མིའི་མིང་ཐོའི་འཆར་ཟིན་འཐུས་མི་ཚོགས་པ་ཁག་ལ་གྲོས་བསྡུར་བྱ་རྒྱུར་འབུལ་བའི་གཏན་འབེབས་བྱས།

ཚོགས་ཆེན་གྱི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་ལུའོ་ཁྲའོ་ཧྥེང་དང་།ཞུས་སི་སི།ལི་ཡན་ལན།ཞའོ་ཞུས།དབྱང་ཅན་ཧྭ།སུང་ཡུང་ལི།ཡུས་ཅིན་ཆོན།ཡུས་ཡུང་ཧུང་།ཀྲང་ལི་ཅུན་བཅས་ཚོགས་འདུར་ཞུགས་པ་རེད།