ཟླ་1པོའི་ཚེས་22ཉིན་གྱི་སྔ་དྲོར།  བདེ་ཆེན་ཁུལ་མི་དམངས་འཐུས་མི་ཚོགས་ཆེན་སྐབས་བཅུ་བཞི་པའི་གྲོས་ཚོགས་ཐེངས་དྲུག་པས་ཚང་འཛོམས་གྲོས་ཚོགས་ཐེམས་གསུམ་པ་འཚོགས།  ལུའོ་ཁྲའོ་ཧྥེང་དང་ཀྲང་ཝེ་ཏུང་།  ཞུས་སི་སི།  ལི་ཡན་ལན། མེའོ་ཡིའུ་ཧྥ་སོགས་ཚོགས་འདུར་ཞུགས།

ཐེངས་འདིའི་ཚོགས་འདུར་ཞུགས་དགོས་པའི་འཐུས་མི་248་ཡོད་པ་དང་དངོས་སུ་ཞུགས་པའི་འཐུས་མི་213ཡོད་དེ་ཁྲིམས་བཀོད་མི་གྲངས་དང་མཐུན།  

ཚོགས་ཆེན་གྱི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི།  ཚང་འཛོམས་གྲོས་ཚོགས་ཐེངས་གསུམ་པའི་ལག་བསྟར་ཀྲུའུ་ཞི་ཡུས་ཅིན་ཆོན་གྱིས་ཚོགས་འདུ་གཙོ་སྐྱོང་གནང་།  

ཐེངས་འདིའི་ཚང་འཛོམས་གྲོས་ཚོགས་ཀྱི་ལག་བསྟར་ཀྲུའུ་ཞིའི་འགན་འཁུར་མཁན་ད་དུང་ལུའོ་ཁྲའོ་ཧྥེང་དང་ཞུས་སི་སི། ལི་ཡན་ལན། ཀྲུའུ་ཧུང་། ལི་དབྱང་། ཞུང་ཝུན་པིན། དབྱང་དབན་ཧྲེང་། ཧོ་ཀྲི་ལིང་། ཧོ་ཡུན་ཤིའུ།  མུའུ་ཧུང་ཁྲུན།  ཧོ་ཅི་ཧྥུའུ།   ཁ་གསར་བློ་བཟང་ཆོས་ཀྱི་རྒྱལ་མཚན། ཚའེ་ཡུང་ཞིན་བཅས་ཡོད་པ་རེད།

ཚོགས་འདུའི་ཐོག་སྤྱི་ཁྱབ་འདེམས་ཤོག་ལྟ་ཞིབ་པ་དང་འདེམས་ཤོག་ལྟ་ཞིབ་པའི་མིང་ཐོར་བརྡས་ཐག་བཅད་དེ་གྲོས་འཆམ་བྱུང་། འདེམས་སྒུག་པ་དངོས་གཞིའི་མིང་ཐོ་སྒྲོག་འགྲེལ་བྱས་རྗེས། ཚོགས་འདུའི་ཐོག་རང་མིང་མི་འགོད་པར་འདེམས་ཤོག་འཕེན་པའི་བྱེད་སྟངས་སྤྱད་དེ་འདེམས་བསྐོ་བྱས།

འདེམས་ཤོགས་བསྡོམས་རྩིས་བྱས་པར་གཞིགས་ན།   ཁྲེན་ཚུང་ནི་བདེ་ཆེན་བོད་རིགས་རང་སྐྱོང་ཁུལ་གྱི་འབྲིང་རིམ་མི་དམངས་ཁྲིམས་ཁང་གི་ཡོན་ཀྲང་ལ་བདམས་ཐོན་བྱུང་བ་དང་།  ཀྲང་ཀྲུའུ་ནེང་དང་ཧོ་ལི་ཡན།  ཚའེ་ཡུན་ཐའོ་བཅས་གསུམ་བདེ་ཆེན་བོད་རིགས་རང་སྐྱོང་ཁུལ་གྱི་མི་དམངས་འཐུས་མི་ཚོགས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ལ་བདམས་ཐོན་བྱུང་།

ལི་ཡན་ལན་གྱིས་ཁུལ་འབྲིང་རིམ་མི་དམངས་ཁྲིམས་ཁང་གི་འགོ་འཛིན་དང་ཁུལ་དམངས་ཆེན་སྐབས་བཅུ་བཞི་པའི་ནོར་སྲིད་དཔལ་འབྱོར་ཨུ་ཡོན་ལྷན་ཁང་གི་ཀྲུའུ་རེན་ཨུ་ཡོན།  ཀྲུའུ་རེན་ཨུ་ཡོན་གཞོན་པ།  ཁུལ་སྐབས་བཅུ་བཞི་པའི་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་བཅས་ལ་བདམས་ཐོན་དཔང་ཡིག་གནང་།

ཚོགས་འདུ་གྲོལ་རྗེས།  ཚོགས་ཆེན་གྱི་ཀྲུའུ་ཞི་ཚོགས་པས་རྩ་ཁྲིམས་དམ་བཅའ་འཇོག་པའི་མཛད་སྒོ་སྤེལ།