ཟླ་1པོའི་ཚེས་27ཉིན་གྱི་སྔ་དྲོར། ཡུན་ནན་ཞིང་ཆེན་མི་དམངས་འཐུས་མི་ཚོགས་ཆེན་སྐབས་བཅུ་བཞི་པའི་ཚོགས་འདུ་ཐེངས་བཞི་པར་ཞུགས་པའི་བདེ་ཆེན་ཁུལ་གྱི་འཐུས་ཚབ་ཚོགས་པས་ཚང་འཛོམས་གྲོས་ཚོགས་དང་གནས་སྐབས་ཀྱི་ཏང་ཀྲི་པུའུ་ཡི་ཚོགས་འདུ་འཚོགས། ཞིང་ཆེན་དམངས་ཆེན་གྱི་འཐུས་མི། ཁུལ་ཨུ་ཧྲུའུ་ཅི་ལུའོ་ཁྲའོ་ཧྥེང་གིས་ཚོགས་འདུ་གཙོ་སྐྱོང་གནང་།

ཚོགས་འདུའི་ཐོག་ལུའོ་ཁྲའོ་ཧྥེང་འཐུས་ཚབ་ཚོགས་པའི་ཚོགས་གཙོ་འདེམས་པ་དང་། ལི་ཡན་ལན་དང་ཀྲང་ཝེ་ཏུང་གཉིས་འཐུས་ཚབ་ཚོགས་པའི་ཚོགས་གཙོ་གཞོན་པ་འདེམས།  ཚོགས་ཆེན་གྱི་ཀྲུའུ་ཞི་ཚོགས་པ་དང་དྲུང་ཡིག་ཆེན་མོའི་མིང་ཐོ་འཆར་ཟིན། ཚོགས་ཆེན་གྱི་གྲོས་རིམ་འཆར་ཟིན་ལ་གྲོས་ཞིབ་བྱས་པ་དང་། གསབ་འདེམས་གྲོས་འཆར་ཞིབ་བཤེར་ཨུ་ཡོན་ལྷན་ཁང་གི་མིང་ཐོའི་འཆར་ཟིན་ལ་གྲོས་བསྡུར་བྱས་ཏེ། ཞིང་ཨུ་ཧྲུའུ་ཅི་ཝང་ཉིང་གིས་ཞིང་ཆེན་ཚོགས་ཆེན་གཉིས་ཀྱི་ཀྲུང་གུང་ཏང་ཡོན་འགན་འཁུར་བའི་ཚོགས་འདུའི་ཐོག་གནང་བའི་གསུང་བཤད་དགོངས་དོན་བརྒྱུད་བསྒྲགས་དང་སློབ་སྦྱོང་བྱས།

ཚོགས་འདུའི་ཐོག ད་ལོ་ནི་“ལོ་ལྔའི་འཆར་གཞི་ཨང་བཅོ་ལྔ་པའི་”འཆར་འགོད་འགོ་ཚུགས་པའི་ལོ་ཡིན་ལ། ཞིང་ཡོངས་ཀྱི་“3815”འཐབ་ཇུས་དོན་ཐོག་ཏུ་འཁྱོལ་བ་དང་། ལོ་བརྒྱད་ནང་འཕེལ་རྒྱས་ཆེན་པོ་བྱུང་བར་སྐུལ་འདེད་གཏོང་བའི་ལོ་འགག་རྩ་ཞིག་ཀྱང་ཡིན། ཞིང་ཆེན་དམངས་ཆེན་སྐབས་བཅུ་བཞི་པའི་ཚོགས་འདུ་ཐེངས་བཞི་པ་འཚོགས་པ་དོན་སྙིང་གལ་ཆེན་ལྡན་པས་ཞིང་ཡོངས་མི་དམངས་ཆབ་སྲིད་འཚོ་བ་ཁྲོད་ཀྱི་དོན་ཆེན་ཞིག་རེད་ཅེས་ནན་བཤད་གནང་།

ཚོགས་འདུའི་ཐོག  ཧྲུའུ་ཅི་ཝང་ཉིང་གི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་ཟབ་མོ་བྱས་ཏེ། བསམ་བློ་དང་བྱ་སྤྱོད་དེ་ཞིང་ཨུའི་ཐབས་ཇུས་བཀོད་སྒྲིག་ཐོག་གཅིག་གྱུར་བྱས་ནས། “གོ་གནས་གཉིས་”བློ་ལ་འཛིན་པ་དང་“འགན་འཁྲི་གཉིས་”ཡག་པོ་སྒྲུབ་སྟེ། ཏང་ཡོན་གྱི་གདོང་ལེན་མིག་དཔེའི་ནུས་པ་འདོན་སྤེལ་གང་ལེགས་བྱས་ནས། ཆབ་སྲིད་ལ་དང་དོད་དང་ཁྱོན་ཡོངས་ལ་ལྟ་རྟོག་བྱེད་པའི་ཐད་མིག་དཔེ་བསྟན་པ་དང་། འཕེལ་རྒྱས་དོན་གཉེར་དང་ཐབས་ཇུས་ལེགས་པོ་འདོན་པའི་ཐད་མིག་དཔེ་བསྟན། ཏང་གཤིས་ཤུགས་ཆེར་གཏོང་བ་དང་རྩ་དོན་ལ་སྣང་ཆེན་བྱེད་པའི་ཐད་མིག་དཔེ་བསྟན། སྒྲིག་ལམ་སྲུང་བ་དང་སྒྲིག་ཁྲིམས་སྲུང་བའི་ཐད་མིག་དཔེ་བསྟན་པ་བཅས་བྱས་ཏེ་འཐུས་མི་ཡོངས་མཐུན་སྒྲིལ་དང་སྣེ་ཁྲིད་བྱས་ནས་སྤུས་ཚད་མཐོ་བའི་ངང་ཚོགས་ཆེན་གྱི་ལས་འགན་ཁག་ལེགས་སྒྲུབ་བྱེད་དགོས་པའི་བླང་བྱ་སྟོན།

ཉིན་དེའི་ཕྱིར་དྲོར། བདེ་ཆེན་ཁུལ་འཐུས་ཚབ་ཚོགས་པས་ཚང་འཛོམས་གྲོས་ཚོགས་འཚོགས་ཏེ། འདེམས་བསྐོ་བྱེད་ཐབས་འཆར་ཟིན་ལ་གྲོས་ཞིབ་བྱས་པ་དང་། ཞིང་ཆེན་དམངས་ཆེན་མི་རིགས་ཨུ་ཡོན་ལྷན་ཁང་གི་ཀྲུའུ་རེན་ཨུ་ཡོན་གྱི་འོས་མི་འདེམས་ཐབས་འཆར་ཟིན་ལ་གྲོས་ཞིབ་བྱས་ནས་གྲོས་འཆམ་བྱུང་། ཞིང་ཆེན་དམངས་ཆེན་མི་རིགས་ཨུ་ཡོན་ལྷན་ཁང་གི་ཀྲུའུ་རེན་ཨུ་ཡོན་གྱི་འོས་མིའི་མིང་ཐོའི་འཆར་ཟིན་ལ་གྲོས་བསྡུར་བྱས།