ཟླ་1པོའི་ཚེས་22ཉིན། ཁུལ་མི་དམངས་འཐུས་ཚོགས་སྐབས་བཅུ་བཞི་པའི་གྲོས་ཚོགས་ཐེངས་དྲུག་པའི་གྲོས་རིམ་ཁག་ཕུན་སུམ་ཚོགས་པོའི་ངང་ལེགས་གྲུབ་ཟིན་ནས་རྒྱལ་ཁའི་ངང་མཇུག་སྒྲིལ་བ། གྲོས་ཚོགས་ཀྱི་སྐབས་འཐུས་མིའི་གྲོས་གཞི་ཁྱོན་བསྡོམས་109འབྱོར་ཡོད།

ཚོགས་འདུ་ཚོགས་སྐབས། འཐུས་མི་ཚོས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་རྒྱུན་འཁྱོངས་བྱས་པ། ཏང་གི་ཚོགས་ཆེན་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་རིམ་བྱུང་གི་དགོངས་དོན་ཕྱོགས་ཡོངས་ནས་མཐར་ཕྱིན་བྱས། ཞི་ཅིན་ཕིང་གི་ཁྲིམས་སྐྱོང་དགོངས་པ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་དམངས་འཐུས་མིའི་ཚོགས་ཆེན་ལམ་ལུགས་རྒྱུན་འཁྱོངས་དང་འཐུས་ཚང་གཏོང་བའི་སྐོར་གྱི་དགོངས་པ་གལ་ཆེན་ལག་བསྟར་གཏིང་ཟབ་བཅས་བྱས་ནས།  བརྟན་ལྷིང་དང་། འཕེལ་རྒྱས། སྐྱེ་ཁམས། མཐའ་མཚམས་སྲ་བརྟན་བཅས་དོན་ཆེན་བཞི་ལ་དམིགས་ཏེ། གནད་དོན་གྱི་ཁྲིད་ཕྱོགས་རྒྱུན་འཁྱོངས་དང་། བརྟག་དཔྱད་ཞིབ་འཇུག་ནན་ཏན། མི་དམངས་ཀྱི་འདོད་བློ་རྒྱ་ཁྱབ་ཏུ་གཅིག་བསྡུས། ཧུར་ཐག་གིས་ཐབས་འདོན་ཇུས་འབུལ་བཅས་བྱས་ཤིང་། བཏོན་པའི་གྲོས་གཞིར་དཔལ་འབྱོར་དང་སྤྱི་ཚོགས་འཕེལ་རྒྱས། སྐྱེ་ཁམས་ཁོར་ཡུག་སྲུང་སྐྱོང་། རིག་གནས་ཡུལ་སྐོར། དམངས་འཚོ་འགན་ལེན་དང་ལེགས་སུ་གཏོང་། རྣམ་གྲངས་གལ་ཆེན་འཛུགས་སྐྲུན་སོགས་ཁྱབ་ཁོངས་མང་པོ་ཡོད་པས་ཀྲུང་གོའི་རྣམ་པའི་དེང་རབས་ཅན་གྱི་བདེ་ཆེན་གྱི་ལེའུ་གསར་པ་རྩོམ་རྒྱུར་རྩ་ཆེའི་བློ་གྲོས་ཀྱི་སྟོབས་ཤུགས་དང་དམངས་འདོད་ཀྱི་རྨང་གཞི་བརྟན་པོ་ཞིག་བཏོན་ཡོད།