སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་10པའི་ཚེས་27ཉིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་རུ་སྣེ་ཁྲིད་དེ་ཁུན་མིང་གྲོང་ཁྱེར་དཔལ་འབྱོར་གསར་སྤེལ་ཁུལ་གྱི་ཧུའུ་ཏན་ལིན་ཀང་ཁུན་མིང་ཚན་རྩལ་གྲོང་དུ་བསྐྱོད་དེ་ཁུན་མིང་དང་བདེ་ཆེན་གྱི་“གཞན་སའི་གླིང་ཁུལ”ལས་དོན་ལ་སྐུལ་འདེད་གཏོང་བའི་གནས་ཚུལ་ལ་བརྟག་ཞིབ་གནང་བ་དང་བཞུགས་མོལ་ཚོགས་འདུ་གཙོ་སྐྱོང་གནང་། ཞིང་ཨུ་དང་ཞིང་ཆེན་སྲིད་གཞུང་གི་གླིང་ཁུལ་མཉམ་ལས་འཕེལ་རྒྱས་གཏོང་རྒྱུའི་སྐོར་གྱི་ལས་ཀའི་བླང་བྱ་ལག་བསྟར་དོན་འཁྱོལ་བྱ་རྒྱུར་དམིགས་ནས། ཧྲང་ཧའེ་དང་ཡུན་ནན་མཉམ་ལས་ཀྱི་གོ་སྐབས་གསར་པར་དམ་པོར་དམིགས་པ་དང་“གཞན་སའི་གླིང་ཁུལ”འཛུགས་སྐྲུན་ལ་སྐུལ་འདེད་མགྱོགས་སུ་བཏང་ནས་སྤུས་ཚད་དང་ཕན་འབྲས་ཆེ་རུ་གཏོང་བའི་བྱ་ཐབས་ལ་ཞིབ་འཇུག་གནང་།

 ལུའོ་ཁྲའོ་ཧྥེང་གིས་བསྟན་དོན། ཁུན་མིང་དང་བདེ་ཆེན་གྱི་“གཞན་སའི་གླིང་ཁུལ”ལ“ཕྱོགས་གསུམ་གཞི་གཅིག”གི་དམིགས་བསལ་ཁྱད་ཆོས་ལྡན་པས་བདེ་ཆེན་གྱི་སྤུས་ཚད་མཐོ་བའི་འཕེལ་རྒྱས་ལ་ཞབས་འདེགས་ཞུ་བའི་ཆེད་གཏོགས་གླིང་ཁུལ་ཞིག་ཡིན། ཧྲང་ཧའེ་དང་ཡུན་ནན་གྱི་16དང་16་མཉམ་སྐྲུན་བྱེད་སྟངས་ཀྱི་གསར་གཏོད་གཞི་རྟེན་ཞིག་ཀྱང་ཡིན་པ་མ་ཟད། མཐོ་སྒང་ས་ཁུལ་གྱི་འཕེལ་རྒྱས་འཇུར་མིག་སེལ་བའི“གཞན་སའི་དཔལ་འབྱོར”གྱི་ཚོད་ལྟའི་ཞིང་ས་ཞིག་ཀྱང་ཡིན། སློབ་གསོ་དང་སྨན་བཅོས་སོགས་རོགས་སྐྱོར་གྱི་རྨང་གཞིའི་ཐོག་ཐོན་ལས་རོགས་སྐྱོར་རྒྱ་སྐྱེད་དང་སྐུལ་སྤེལ་བཏང་སྟེ། སྲོལ་རྒྱུན་གྱི་“གཞན་བརྟེན་རྣམ་པའི་”རོགས་སྐྱོར་དེ་“རང་བརྟེན་རྣམ་པའི་”ཐོན་ལས་རོགས་སྐྱོར་ཕྱོགས་སུ་བསྒྱུར་བར་སྐུལ་འདེད་གཏོང་དགོས།  

   ལུའོ་ཁྲའོ་ཧྥེང་གིས་ནན་བཤད་གནང་དོན། “གཞན་སའི་གླིང་ཁུལ”ལ་གཅིག་ཐོག་གཅིག་བརྩེགས་ཀྱི་སྲིད་ཇུས་ལེགས་ཆ་ལྡན། ཡུན་ནན་ཞིང་ཆེན་གྱིས་གླིང་ཁུལ་མཉམ་ལས་ལ་སྐུལ་འདེད་ཤུགས་ཆེན་གཏོང་བའི་སྲིད་ཇུས་ཀྱི་སྐར་ཁུང་དུས་ཚིགས་དམ་པོར་དམིགས་ཏེ་སྲིད་ཇུས་ཀྱི་ལེགས་ཆ་གང་ལེགས་སྤྱོད་པ། གླིང་ཁུལ་གྱི་ལག་རྩལ་དང་། ཁྲོམ་ར། ཐོན་ལས་སྟེགས་བུ་སོགས་ཀྱི་ལེགས་ཆར་བརྟེན་ནས་སྲིད་ཇུས་འཕེལ་རྒྱས་དེ་འཕེལ་རྒྱས་སྒུལ་ཤུགས་སུ་བསྒྱུར་དགོས།ཉེ་བའི་ལོ་ཤས་རིང་བདེ་ཆེན་གྱི་ཡུལ་སྐོར་ཐོན་ལས་འཕེལ་ཕྱོགས་ལེགས་པའི་གོ་སྐབས་དམ་འཛིན་བྱས་ནས་བདེ་ཆེན་གྱི་ཡུལ་སྐོར་ཉོ་ཚོང་སྟེགས་བུ་ཧུར་ཐག་གཏོད་དགོས། བདེ་ཆེན་གྱི་ཐོན་ཁུངས་ཀྱི་ལེགས་ཆར་གཞི་ཚུགས་ཏེ་བོད་ལུགས་གསོ་རིག་དང་བོད་སྨན།བཟའ་བྱའི་ཤ་མོ། ཀྲུང་ལུགས་སྨན་རྫས། བོད་ཕག ཉི་ཤར་བྱ་དེ་སོགས་ཐོན་ལས་གཙོ་གནད་ཐོག་བཀོད་སྒྲིག་བྱས་ཏེ་ནགས་ཕག་མཚོའི་མཐའ་འཁོར་གྱི་ཡུལ་སྐོར་ཐོན་ཁུངས་གསར་སྤེལ་ལ་ཇུས་འགོད་བྱེད་དགོས། ཧྲང་ཧའེ་དང་ཡུན་ནན་གྱི་རོགས་སྐྱོར་སོགས་ཀྱི་ལས་སྟེགས་ལ་བརྟེན་ནས་ཐོན་ལས་ཚོང་འགུགས་བྱས་ཏེ་ཐོན་ལས་འཕེལ་རྒྱས་དང་ས་ཁོངས་མཉམ་ལས་ལ་སྐུལ་འདེད་གཏོང་དགོས། ཁུལ་ཨུ་གཅིག་གྱུར་འཆར་འགོད་དང་། གླིང་ཁུལ་གྱིས་ཐེག་པ། ཁེ་ལས་ཀྱི་གཙོ་ཤུགས། སྡེ་ཁག་གི་མཉམ་འགུལ་བཅས་ཀྱི་ལས་ཀའི་མ་ལག་བཙུགས་ཏེ། ལོ་འདིའི་ནང་མཉམ་ལས་ཀྱི་གྲུབ་འབྲས་སྔར་ལས་མང་བ་ཐོབ་པར་ཁག་ཐེག་བྱེད་དགོས།