ལུའོ་ཁྲའོ་ཧྥེང་གིས་བདེ་ཆེན་ཁུལ་ཨུ་དང་ཁུལ་སྲིད་གཞུང་གི་ཚབ་བྱས་ནས།  ཞིང་ཆེན་གནམ་གཤིས་ཅུས་ཀྱིས་དུས་ཡུན་རིང་པོའི་ནང་བདེ་ཆེན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས། གནམ་གཤིས་ལས་དོན་ལ་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས། ཁོང་གིས།  བདེ་ཆེན་གྱི་ས་བབ་དང་རྣམ་པ་རྙོག་འཛིང་ཆེ་བ་དང་།  མཚོ་འཕགས་མཐོ་དམའི་ཧེ་བག་ཆེ་བ། གནམ་གཤིས་སྣ་མང་དང་གནམ་གཤིས་ཀྱི་གནོད་འཚེ་ཡང་ཡང་ཐོན་པས། ཉེ་བའི་ལོ་ཤས་རིང་། ཞིང་ཆེན་གནམ་གཤིས་ཅུས་ཀྱི་རྒྱབ་སྐྱོར་འོག  བདེ་ཆེན་གྱིས་“1262”གནམ་གཤིས་སྔོན་བརྡ་ཞིབ་ཕྲ་གཏོང་བ་དང་བརྡ་ལན་ཞུ་བའི་མཉམ་འགུལ་ལམ་སྲོལ་དོན་འཁྱོལ་ཞིབ་ཚགས་བྱས་ནས།  དྲག་ཆར་སོགས་གནོད་འཚེ་ལ་བདེ་བླག་ངང་ཁ་གཏད་འཇལ་ཏེ། ནུས་ཤུགས་ཡོད་རྒུས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ལ་སྲུང་སྐྱོང་བྱས་ནས། སྤྱི་ཚོགས་ཀྱི་ཁྱོན་ཡོངས་བརྟན་བརླིང་ལ་མུ་མཐུད་དུ་རྒྱུན་འཁྱོངས་བྱས། མིག་སྔར།  བདེ་ཆེན་གྱི་ཡུལ་སྐོར་ཐོན་ལས་འཕེལ་རྒྱས་མྱུར་པོ་ཕྱིན་པ་དང་། 2025ལོར་ཡུལ་སྐོར་བའི་མི་ཐེངས་དང་ཡུལ་སྐོར་གྱི་འགྲོ་གྲོན་འཕར་ཚད་ཚང་མ་ཞིང་ཆེན་ཡོངས་ཀྱི་ཨང་དང་པོར་སླེབས་པ། རྐང་ཐང་ཡུལ་སྐོར་སོགས་ཕྱི་རོལ་གྱི་བྱ་འགུལ་ཐེངས་མང་སྤེལ་ཡོད་མོད།  འོན་ཀྱང་གནམ་གཤིས་ལྟ་ཞིབ་ཚད་ལེན་ཐད་ཞན་ཆ་སྔར་བཞིན་གནས་ཡོད་པས། ཞིང་ཆེན་གནམ་གཤིས་ཅུས་ཀྱིས་ལྟ་ཞིབ་ཚད་ལེན་ས་ཚིགས་སྔར་བས་མང་དུ་གཏོང་བ་དང་།  སྔོན་ཚུད་ཉེན་བརྡའི་ཞབས་ཞུ་ལེགས་སུ་བཏང་སྟེ། གནོད་འཚེ་སྔོན་འགོག་དང་ཉུང་དུ་གཏོང་བ། སྐྱེ་ཁམས་སྲུང་སྐྱོང་། ཡུལ་སྐོར་བདེ་འཇགས་བཅས་ལ་སྔར་བས་བརྟན་པོའི་འགན་ལེན་བྱེད་པའི་རེ་བ་ཡོད་ཅེས་སྟོན།

 དབྱིན་ཞའོ་དབྱི་ཡིས་བདེ་ཆེན་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས། གནམ་གཤིས་ལས་དོན་གྱི་ཕན་འབྲས་ལ་ཚད་མཐོའི་ཁས་ལེན་གནང་། ཁོང་གིས།  ཞིང་ཆེན་གནམ་གཤིས་ཅུས་ཀྱིས་བདེ་ཆེན་གྱི་གནམ་གཤིས་བྱ་གཞག་འཕེལ་རྒྱས་གཏོང་རྒྱུ་དེ་སྔར་བས་གལ་ཆེའི་གནས་བབ་ཐོག་བཞག་ནས།  ཅུས་དང་ཁུལ་བར་གྱི་མཉམ་ལས་ཟབ་ཏུ་གཏོང་བ་དང་ཕྱོགས་གཉིས་ཀྱི་དོ་དམ་སྒྲིག་སྲོལ་ལམ་སྲོལ་འཐུས་ཚང་དུ་གཏོང་བ། ནུས་ཤུགས་ཡོད་རྒུས་བདེ་ཆེན་གྱི་ལྟ་ཞིབ་ཚད་ལེན་དང་སྔོན་ཚུད་ཉེན་བརྡ་གཏོང་བའི་ནུས་པ་ཆེ་རུ་ཕྱིན་པའི་རྣམ་གྲངས་ལ་རྒྱབ་སྐྱོར་བྱེད་དེ། བདེ་ཆེན་གྱི་གནམ་གཤིས་“དེང་རབས་ཅན་གཉིས་”འཛུགས་སྐྱོང་ལ་སྐུལ་འདེད་གཏོང་བ་དང་། 2030ལོར་སླེབས་སྐབས་བདེ་ཆེན་གྱི་གནམ་གཤིས་ཚན་རྩལ་ནུས་པ་དེང་རབས་ཅན་དང་སྤྱི་ཚོགས་ཞབས་ཞུ་དེང་རབས་ཅན་དུ་འགྱུར་བ་དེ“བོད་འབྲེལ་ཁུལ་དང་གྲོང་ཁྱེར་གྱི་རྩེ་གྲ་”ཡི་ཆུ་ཚད་དུ་སླེབས་པ་བྱས་ཏེ།  བདེ་ཆེན་གྱི་བརྟན་བརླིང་དང་འཕེལ་རྒྱས། སྐྱེ་ཁམས། མཐའ་མཚམས་བརྟན་བརླིང་བཅས་དོན་ཆེན་བཞིར་གནམ་གཤིས་ཀྱི་འགན་ལེན་འགོག་སྲུང་འཛིང་རགས་བརྟན་པོ་འཛུགས་དགོས་ཞེས་སྟོན།  

ཚོགས་འདུའི་ཐོག  ཁུལ་དཔོན་གཞོན་པ་ཞུས་ཀོང་ཏེ་དང་ཞིང་ཆེན་གནམ་གཤིས་ཅུས་ཀྱི་ཅུས་ཀྲང་གཞོན་པ་ཧུའུ་ཅིང་སུང་གིས་ཕྱོགས་གཉིས་པོའི་ཚབ་ཞུས་ནས་《བདེ་ཆེན་གྱི་གནམ་གཤིས་སྤུས་ཚད་མཐོ་པོའི་འཕེལ་རྒྱས་ལ་ཐུན་མོང་ཐོག་སྐུལ་འདེད་གཏོང་བའི་འཐབ་ཇུས་མཉམ་ལས་གྲོས་མཐུན་》ལ་མིང་རྟགས་བཀོད།  འབྲེལ་ཡོད་སྡེ་ཚན་གྱི་འགན་འཁུར་བློ་མཐུན་བཞུགས་མོལ་ཚོགས་འདུར་ཞུགས།