སྲིད་གཞུང་ལས་དོན་སྙན་ཞུའི་ནང་འདས་ཟིན་པའི་གྲུབ་འབྲས་ལ་ཕྱོགས་བསྡོམས་བྱས་པ་མ་ཟད། ད་དུང་“ལོ་ལྔའི་འཆར་གཞི་ཨང་བཅོ་ལྔ་པ་”འགོ་ཡག་པོ་ཚུགས་པར་འཕེལ་རྒྱས་ཀྱི་དམིགས་འབེན་གསལ་པོ་སྟོན་ཡོད་དེ། ང་ཚོར་མདུན་དུ་བསྐྱོད་པའི་ཁ་ཕྱོགས་གསལ་པོ་སྟོན་ཡོད། སྙན་ཞུའི་ནང་ཞིང་ཆེན་ནང་གི་སྨྱན་སྦྱོར་གཙོ་བོ་བསྒྱུར་བཅོས་རབ་དང་རིམ་པ་བྱས་པར་སྐུལ་འདེད་གཏོང་དགོས་ཞེས་འདོན་ཡོད་པས། རྫོང་རིམ་པའི་སྨྱན་སྦྱོར་གྱིས་ཤེས་ལྡན་མི་སྣ་གསོ་སྐྱོང་དང་ལག་རྩལ་གསར་གཏོད་བྱས་པའི་ཐད་རོགས་སྐྱོར་མང་པོ་ཐོབ་པའི་རེ་བ་ཡོད་ཅེས་བཤད།

སྨྱན་སྦྱོར་པ་ཞིག་ཡིན་པས་ངས་རང་གི་ལས་གནས་ལ་གཞིགས་ཚུགས་ཏེ། ཧུར་ཐག་ངང་དྲིལ་བསྒྲགས་འགྲེལ་ཀློག་དང་ངོས་འཛིན་གཅིག་མཐུན་ཀྱི་འགན་འཁྲི་འཁུར་ནས། གྲོས་ཚོགས་ཀྱི་དགོངས་དོན་གནད་ལ་འཁེལ་ཞིང་གསོན་ཉམས་དོད་པའི་སྒོ་ནས་གསར་འགྱུར་གནས་ཚུལ་སྤེལ་བར་བསྒྱུར་རྒྱུ་ཡིན།    སྤྱི་ཚོགས་ལས་རིགས་ཁག་ཏུ་འཕེལ་རྒྱས་ཀྱི་ཡིད་ཆེས་བརྒྱུད་སྤྲོད་བྱས་པ་དང་སྲིད་ཇུས་ཀྱི་ནང་དོན་འགྲེལ་ཀློག་བྱ་རྒྱུ། དེ་དང་ཆབས་ཅིག ངས་ཞིང་ཆེན་དམངས་ཆེན་འཐུས་མིའི་ཐོབ་ཐང་ལ་བརྟེན་ནས། སྙན་ཞུའི་ནང་བཀོད་སྒྲིག་བྱས་པའི་གཙོ་གནད་ལས་འགན་དང་དམངས་འཚོས་དོ་ཁུར་ཆེ་བའི་གནས་ཚུལ་ལ་དམིགས་ཏེ། བརྟག་དཔྱད་ཞིབ་འཇུག་ཟབ་མོ་སྤེལ་བ་དང་ཐབས་འདོན་ཇུས་འབུལ་ཧུར་ཐག་བྱས་ནས། ནན་ཏན་ངང་འཐུས་མིའི་འགན་འཁྲི་ཡག་པོ་འཁུར་ཏེ། ཏང་ཨུ་དང་སྲིད་གཞུང་། མི་དམངས་མང་ཚོགས་བར་གྱི་ཟམ་པ་ལྟ་བུའི་འགན་འཁུར་ནས། “ལོ་ལྔའི་འཆར་གཞི་ཨང་བཅོ་ལྔ་པའི་”དུས་སྐབས་ས་ཁུལ་འཕེལ་རྒྱས་ཡོང་བའི་ལེའུ་གསར་པ་གཏོད་པར་རང་ཉིད་ཀྱི་སྟོབས་ཤུགས་འབུལ་རྒྱུ་ཡིན་ཞེས་བཤད།