“ལོ་ལྔ་ཚན་བཅུ་བཞི་པ་”ནས་བཟུང་།　ཁུལ་ཨུ་དང་ཁུལ་སྲིད་གཞུང་གིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་ལ་མཛུབ་སྟོན་བྱས་པར་རྒྱུན་འཁྱོངས་ནས།　སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་རྟོག་ཞིབ་གནང་དུས་ཀྱི་གསུང་བཤད་གལ་ཆེན་གྱི་དགོངས་དོན་དང་དུས་རབས་གསར་པའི་ཏང་གི་བོད་སྐྱོང་ཐབས་ཇུས།　ཞིང་ཨུ་“3815”ཐབས་ཇུས་འཕེལ་རྒྱས་ཀྱི་དམིགས་འབེན་ལ་ལག་བསྟར་ཟབ་མོ་བྱེད་དེ།　བརྟན་བརླིང་དང་འཕེལ་རྒྱས།　སྐྱེ་ཁམས།　མཐའ་མཚམས་བརྟན་བརླིང་བཅས་ཀྱི་འཆམ་མཐུན་རྣམ་པ་ཞིག་གཏོད་ནས།　དཔལ་འབྱོར་སྤྱི་ཚོགས་མཆོང་བསྐྱོད་ལྟ་བུའི་འཕེལ་རྒྱས་ཡོང་བའི་ལེའུ་གསར་པ་ཞིག་འབྲི་ཡོད།

དཔལ་འབྱོར་འཕེལ་རྒྱས་མཐོ་རུ་གཏོང་ནས་འགྱུར་ལྡོག་ཆེན་པོ་བྱུང་།

ལོ་ལྔའི་རིང་།　རང་ཁུལ་གྱི་དཔལ་འབྱོར་འཕེལ་རྒྱས་མཐོ་རུ་གཏོང་ནས།　ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་300ལས་བརྒལ་པ་དང་།　མི་རེའི་ཆ་སྙོམས་GDPདེ་2020ལོའི་སྒོར་68711ནས་2024ལོའི་སྒོར་77725ལས་འཕར།　གཞི་གྲངས་ཀྱི་རྒྱབ་ནི་ཐོན་ལས་ཀྱི་གྲུབ་ཆ་ལེགས་སུ་གཏོང་བ་དང་རིམ་འཕར་བྱས་པ་དེ་ཡིན་མ་ཟད།　ད་དུང་འཕེལ་རྒྱས་སྒུལ་ནུས་ཀྱི་རིགས་སྒྱུར་བྱས་པའི་འགྱུར་ལྡོག་ཆེན་པོ་ཞིག་ཡིན།

མ་འཇོག་ལྟར།　ལོ་བཞིའི་རིང་བསྡོམས་བརྩིས་བྱས་པ་ལྟ་ན་གཏན་འཇགས་རྒྱུ་ནོར་མ་དངུལ་སྒོར་དུང་ཕྱུར་847.67འཇོག་པར་ལེགས་སྒྲུབ་བྱུང་སྟེ་ཐོན་ལས་མ་འཇོག་བསྡུ་ཚད་2021ལོའི་སྒོར་དུང་ཕྱུར་83ནས་2024ལོའི་སྒོར་དུང་ཕྱུར་99.34ལས་འཕར་བ་དང་།　ཐོན་ལས་མ་འཇོག་བསྡུ་ཚད་64.5%ཟིན་ནས།　འཕར་སྣོན་ཡོང་བར་སྐུལ་ཁྲིད་བྱེད་པའི་རྒྱུ་རྐྱེན་གཙོ་བོ་ཞིག་ཏུ་གྱུར།　འཛད་སྤྱོད་ལྟར།　སྤྱི་ཚོགས་འཛད་སྤྱོད་དངོས་རྫས་སིལ་ཚོང་ཁྱོན་བསྡོམས་ལོ་རེའི་ཆ་སྙོམས་འཕར་ཚད་6.64%ཟིན་ཏེ་ཞིང་ཆེན་ཡོངས་ཀྱི་བརྒྱ་ཆའི་གྲངས་1.65ལས་མཐོ་བ།　སྒོར་དུང་ཕྱུར་85.6ཡི་སྤྱིའི་འབོར་གྲངས་ཀ་ནང་གྲོང་ཁྱེར་དང་གྲོང་གསེབ་ཀྱི་ཁྲོམ་རའི་དབྱར་མཚོ་རྒྱས་པ་ལྟར་གྱི་གསོན་ཤུགས་མངོན་ཡོད།　དམངས་འཚོ་ལྟར།　གྲོང་ཁྱེར་དང་གྲོང་གསེབ་ཀྱི་གྲོང་མིའི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་ལོ་རེའི་ཆ་སྙོམས་འཕར་ཚད་7.3%ཟིན་པ་དང་།　གྲོང་རྡལ་དུ་རྒྱུན་སྡོད་གྲོང་མིའི་བཀོལ་སྤྱོད་ཆོག་པའི་ཡོང་འབབ་སྒོར་47480ཟིན།　གྲོང་གསེབ་ཏུ་རྒྱུན་སྡོད་གྲོང་མིའི་བཀོལ་སྤྱོད་ཆོག་པའི་ཡོང་འབབ་སྒོར་14504ཟིན་ནས་མཉམ་དུ་ཕྱུག་པོ་ཡོང་བའི་གོམ་སྟབས་སྔར་བས་སྲ་བརྟན་དུ་གཏོང་།

མི་རྣམས་དེ་བས་སྤྲོ་སྣང་འཕེལ་བ་ཞིག་ནི་ཞིབ་སྤེལ་གྱི་འགྲོ་གྲོན་ལོ་གསུམ་བསྟུད་མར་སྒོར་དུང་ཕྱུར་གཅིག་ལས་བརྒལ་བ་དང་ལོ་རེར་ཆ་སྙོམས་ཞིབ་སྤེལ་གྱི་འགྲོ་གྲོན་དང་སྤུས་ཚད་དེ་རིམ་བཞིན་“ལོ་ལྔ་ཚན་བཅུ་གསུམ་པའི”དུས་སྐབས་ལས་245%དང་159%་འཕར་ནས་སྤུས་ཚད་མཐོ་བའི་འཕེལ་རྒྱས་ལ་ཤེས་རིག་གི་སྟོབས་ཤུགས་བསྣན་ཡོད་པ་རེད།

རྨང་གཞི་འཛུགས་སྐྲུན་ལ་ཕན་འབྲས་མངོན་གསལ་དོད་པོ་ཐོབ།

སྔོན་ཆད་ཀྱི་བདེ་ཆེན་ལ་མཚོན་ན།　འགྲིམ་འགྲུལ་སྟབས་མི་བདེ་བ་ནི་འཕེལ་རྒྱས་ཀྱི་ཚོད་འཛིན་ཆེ་ཤོས་ཡིན།　ད་ལྟའི་བདེ་ཆེན་དུ་མྱུར་བགྲོད་དང་སྒུལ་འཁོར་ཤར་གཏོང་ཐུབ་པ་མ་ཟད།　ད་དུང་གློག་དྲ་དང་འོད་སྐུད་ལ་ཁྱིམ་ཚང་ཁྲི་སྟོང་མང་པོར་ཁྱབ་ཡོད།2021ལོའི་ཟླ་9པ་དང་2023ལོའི་ཟླ་11པར་སེམས་ཀྱི་ཉི་ཟླ་ནས་ས་དམ་བར་གྱི་མྱུར་བགྲོད་གཞུང་ལམ་དང་།ས་དམ་ནས་སེམས་ཀྱི་ཉི་ཟླ་བར་གྱི་ལྕགས་ལམ་དངོས་སུ་ཤར་གཏོང་ཐུབ་པ་དང་བསྟུན་ནས།　རང་ཁུལ་དེ་“མྱུར་བགྲོད་ཀྱི་དུས་རབས”དང་“སྒུལ་འཁོར་གྱི་དུས་རབས་”སུ་དངོས་སུ་སླེབས་ཡོད།　སེམས་ཀྱི་ཉི་ཟླ་ནས་ཁུན་མིང་བར་སྒུལ་འཁོར་སྡོད་ན་ཆུ་ཚོད་བཞི་ལྷག་ལས་འགོར་མེད།

དེ་དང་ཆབས་ཅིག　འབའ་ལུང་ནས་ཅུས་ཏན་བར་དང་སྟག་མཆོང་གྲོག་རོང་ནས་སེམས་ཀྱི་ཉི་ཟླ་བར་སོགས་ཀྱི་རིམ་པ་གཉིས་པ་དང་གསུམ་པའི་གཞུང་ལམ་དགུ་སྐྲུན་ནས་རླངས་འཁོར་ཤར་གཏོང་ཐུབ་སྟེ།　ཁུལ་ཡོངས་ཀྱི་གཞུང་ལམ་རིང་ཚད་སྤྱི་ལེ་9228.61ཟིན་པ་དང་།“ལོ་ལྔ་ཚན་བཅུ་གསུམ་པའི་”དུས་མཇུག་ལས་སྤྱི་ལེ་739མང་དུ་ཕྱིན་ནས།　ཤང་དང་གྲོང་རྡལ།　འཛུགས་སྐྲུན་ལམ་ལུགས་གྲོང་ཚོའི་སྲ་འགྱུར་ལམ་ཤར་གཏོང་ཐུབ་ཚད་100%ཟིན།　གློག་ཤུགས་དང་ཆུ་བེད་གཉིས་འཕེལ་རྒྱས་མགྱོགས་སུ་བཏང་སྟེ་སྟོང་ཧྥུའུ་220ཡི་རྟེན་གཞིའི་གློག་སྐྱེལ་གློག་སྒྱུར་ལས་གྲྭ་དུས་ཐེངས་དང་པོ་བེད་སྤྱོད་བྱེད་འགོ་ཚུགས་ནས་ཐག་རིང་ལུང་ཁུག་གི་གྲོང་ཚོར་གློག་སྐྱེལ་བ་རེད།　གློག་འདོན་ས་ཚིགས79དང་གློག་སྡོང་314གིས་གནོད་མེད་ཕྱིར་སྐྱོད་ཀྱི་དགོས་མཁོ་སྐོང་ཐུབ།　སྤལ་སྲུང་གྲོང་དང་སྒོ་ཀྱོག་ནང་ཆུ་མཛོད་སྤྱོད་འགོ་ཚུགས་པ།ལ་ཧུའོ་ཀོ་དང་ཀྲུང་ཐའེ།　ཨ་བཟང་རྡོ།　སྲིབ་ཁ་ཆུ་མཛོད་བཅས་འཛུགས་སྐྲུན་མགྱོགས་མྱུར་བྱས་ཏེ།　1891གི་གྲོང་གསེབ་ཀྱི་ཆུ་མཁོ་འདོན་ལས་གྲྭ་དེ་གྲོང་མི་མང་པོར་ཕན་པ་ཐོབ་ཡོད།　དེ་བས་གླེང་རིན་ཡོད་པ་ཞིག་ནི།　ཁུལ་ཡོངས་སུ་རིམ་རྩིས་བྱས་ན་5Gསྦྲེལ་ཚུགས་1959བསྐྲུན་ཡོད།

ཐོན་ལས་རིམ་སྤར་བྱས་ཏེ་སྲོལ་རྒྱུན་གྱི་ཞིང་འབྲོག་ནས་སྣ་མང་མཉམ་འདྲེས་བྱས་པར་མངོན་འགྱུར་བྱུང་།

མཐོ་སྒང་ཁྱད་ལྡན་ཞིང་ལས་འཕེལ་རྒྱས་གཏོང་སྟེ།　2024ལོར་ཁུལ་ཡོངས་ཀྱི་མཐོ་སྒང་ཁྱད་ལྡན་དེང་རབས་ཞིང་ལས་ཀྱི་འཕར་སྣོན་རིན་ཐང་སྒོར་དུང་ཕྱུར་21.89ཟིན།འབའ་ལུང་རྫོང་དང་འཇོལ་རྫོང་དེ་རིམ་བཞིན་ཞིང་ཆེན་རིམ་པའི་རྫོང་གཅིག་གི་ལས་རིགས་གཅིག་ཅེས་པའི་དཔེ་སྟོན་རྫོང་དང་ཁྱད་ཆོས་རྫོང་གི་གཟེངས་བསྟོད་ཐོབ།　ཧྲང་ཅང་ཤང་དང་ཡང་ཐང་གྲོང་རྡལ་དེ་རྒྱལ་ཁབ་ཀྱི་ཞིང་ལས་ཐོན་ལས་སྟོབས་ལྡན་གྲོང་རྡལ་དུ་བཀོད་ཅིང་།　འབའ་ལུང་རྫོང་གི་ཞོག་རྒོད་དང་ཁྲེ་ནག་དེ་རྒྱལ་ཡོངས་ཀྱི་ཕུལ་བྱུང་གི་ཞིང་ལས་ལོ་ཏོག་གི་སོན་རྫས་ཐོན་ཁུངས་བཅུ་ནང་བཀོད་ཐོབ།　འབའ་ལུང་ལི་རིགས་ཁྱིམ་ཚང་གི་བྱ་དེ་རྒྱལ་ཡོངས་ཀྱི་ཕྱུགས་རིགས་རྒྱུད་འཛིན་ཐོན་ཁུངས་ཀྱི་མིང་ཐོ་ནང་བཀོད་པ།　སེམས་ཀྱི་ཉི་ཟླའི་བེ་ཤ་དེ་ལོ་གཉིས་བསྟུད་མར་ཀྲུང་གོ་བེ་ཤ་རིགས་མངའ་ཁོངས་སྤུས་རྟགས་རིན་ཐང་གི་མིང་ཐོ་ནང་བཀོད་པ།　ཁུལ་ཡོངས་ཀྱི་ཀྲུང་ལུགས་སྨན་རྩྭའི་འདེབས་འཛུགས་རྒྱ་ཁྱོན་མུའུ་ཁྲི་13.46སླེབས་ཏེ་ཐོན་སྐྱེད་རིན་ཐང་སྒོར་དུང་ཕྱུར་8.46ལས་བརྒལ།　འབའ་ལུང་ལྕ་བ་དེ་ཡུན་ནན་སྨན་རྩྭ་ཡག་པོ་བཅུ་ཞེས་པའི་ནང་བཀོད་ཐུབ་སྟེ།　ཞིང་འབྲོག་ལས་རིགས་དང་རིག་གནས་ཡུལ་སྐོར།བདེ་ཐང་གསོ་སྤེལ་བཅས་ཀྱིས་མཉམ་འདྲེས་བྱས་ནས་ལས་རྣམ་གསར་པ་མང་པོ་ཐོན་བྱུང་།

གནོད་མེད་ནུས་ཁུངས་གཏིང་ཤུགས་ཆེན་པོ་ལྡན་ཡོད།“ལོ་ལྔ་ཚན་བཅུ་བཞི་པའི་”རིང་།　ཐུའོ་པ་ཆུ་གློག་ས་ཚིགས་ཀྱི་འཕྲུལ་འཁོར་ཚན་པ་ཡོངས་ལ་གློག་གཏོང་ཐུབ་པ་དང་།ཤུག་ལུང་ཆུ་གློག་ས་ཚིགས་མགྱོགས་མྱུར་ངང་འཛུགས་སྐྲུན་བྱས་པར་སྐུལ་འདེད་བཏང་ཞིང་།　ནག་ཀོ་འོད་ཧྥུ་ས་ཚིགས་ཀྱི་དུས་ཐེངས་དང་པོའི་དྲ་སྦྲེལ་གློག་གཏོང་བྱས་པ།　ཆི་ཞུས་ཐང་གི་འོད་ཧྥུ་རྣམ་གྲངས་བརྟན་པོའི་ངང་སྐུལ་འདེད་བཏང་བ་སོགས་ཆུ་གློག་དང་ནུས་ཁུངས་གསར་པས་མཉམ་དུ་ཤུགས་བརྒྱབ་ནས་སྤུས་ཚད་མཐོ་བའི་ངང་འཕེལ་རྒྱས་ལ་དྭངས་གཙང་གི་འགུལ་ནུས་མཁོ་འདོན་བྱས་ཡོད།

ལྗང་མདོག་གཏེར་ལས་ཕྱོགས་ཡོངས་ནས་འཕེལ་རྒྱས་གཏོང་འགོ་ཚུགས་ཏེ།　ཕུའུ་ལང་ཟངས་གཏེར་དེ་རྒྱལ་ཡོངས་ཀྱི་5Gབཟོ་ལས་བཀོལ་སྤྱོད་བྱེད་པའི་མདོག་ལྡན་ལྕགས་རིགས་ཀྱི་ས་འོག་གཏེར་རི་ཐོག་མར་གྱུར་ཏེ།ཁུལ་ཡོངས་གཞི་ཁྱོན་ཡན་གྱི་གཏེར་འདོན་ལས་རིགས་ཀྱི་ཐོན་རྫས་རིན་ཐང་བསྡོམས་འབོར་སྒོར་དུང་ཕྱུར་37.26ཟིན།

“གཞུང་ལམ་དང་ལྕགས་ལམ།མཁའ་འགྲུལ”བཅས་མཉམ་འབྲེལ་སྐྱེལ་འདྲེན་སྒྲོམ་གཞི་དང་གྲོང་ཁྱེར་དང་གྲོང་གསེབ་ཀྱི་ཟོག་འགྲེམས་དྲ་རྒྱའི་མ་ལག་རྒྱུན་ཆད་མེད་པར་འཐུས་ཚང་དུ་བཏང་བ།　Aརིམ་པའི་ཟོག་འགྲེམས་ཁེ་ལས་2གསོ་སྐྱོང་བྱས་ནས་དེང་རབས་ཟོག་འགྲེམས་ཐོན་ལས་ཀྱི་སྤྱིའི་ཡོང་འབབ་2021ལོའི་སྒོར་དུང་ཕྱུར་64.62ནས་2024ལོའི་སྒོར་དུང་ཕྱུར་80.37ལས་མཐོ་རུ་བཏང་ཡོད་པ།ལོ་ལྔ་ཚན་བཅུ་བཞི་པའི་”རིང་།རང་ཁུལ་གྱི་དཔལ་འབྱོར་དམིགས་ཚད་འཕར་བ་ནི“འཕེལ་རྒྱས་ནི་ལས་འགན་ཨང་དང་པོ་ཡིན་པའི”མཚོན་རྟགས་གསོན་པོ་ཞིག་ཡིན་པ་དང་།རྨང་གཞིའི་སྒྲིག་བཀོད་ལ་ཚད་བརྒལ་བྱུང་བ་ནི“འཕེལ་རྒྱས་ཀྱི་རྩ་བ་ཆེན་པོ་བཙུགས་པའི”འདེགས་སྐྱོར་གལ་ཆེན་ཞིག་ཡིན་ཞིང་།　ཐོན་ལས་རིམ་སྤོར་བྱུང་བ་ནི“རི་སྔོ་ཆུ་དྭངས་ནི་གསེར་རི་དངུལ་རི་ཡིན་པའི”ལག་ལེན་དངོས་ཀྱི་འཚོལ་ཞིབ་ཡིན་པ།　མཐུན་སྒྲིལ་བརྟན་པོ་ནི་“ཀྲུང་ཧྭ་མི་རིགས་ཁྱིམ་ཚང་གཅིག་ལྟར་བརྩེ་བའི་”གཏིང་ཟབ་པའི་མཚོན་ཚུལ་ཡིན་པ།　སྣོད་བཅུད་སྲུང་སྐྱོང་ནི་རྒྱུན་མཐུད་འཕེལ་རྒྱས་ཀྱི་རྨང་གཞི་བརྟན་པོ་ཞིག་ཡིན།

འགོ་འཛུགས་ས་གསར་པའི་ཐོག་ལངས་ཏེ།　སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཛུབ་ཁྲིད་གནང་བའི་ཁ་ཕྱོགས་ཐོག་རང་ཁུལ་གྱིས་མུ་མཐུད་དུ་འབད་འབུངས་མདུན་སྐྱོད་བྱས་ཏེ་དཔལ་འབྱོར་འཕེལ་རྒྱས་ཀྱི་ལེའུ་གསར་པ་གཏོད་ནས་སྔར་བས་མཛེས་སྡུག་ལྡན་པའི་མ་འོངས་པར་ཕྱོགས་སུ་དཔའ་ངར་ཆེན་པོས་མདུན་དུ་བསྐྱོད་དགོས།