ཟླ་2ཚེས་11ཉིན་གྱི་ཕྱི་དྲོར། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཀྲུང་གོ་རྡོ་སྣུམ་རྫས་འགྱུར་ཡུན་ནན་རྡོ་སྣུམ་ཡན་ལག་ཀུང་སིའི་འཐུས་མི། ཏང་ཨུའི་ཧྲུའུ་ཅི་ཀྲོའུ་ལིན་དང་བཅས་པར་མཇལ་འཕྲད་གནང་ནས། ཕྱོགས་གཉིས་ཀྱིས་ཕྱོགས་བསྡུས་ནུས་རྒྱུའི་མཉམ་ལས་གཏིང་ཟབ་ཏུ་གཏོང་བ་དང་། ས་གནས་ཀྱི་ཁྱད་ལྡན་ཞིང་ལས་ཐོན་ལས་ཀྱི་འཕེལ་རྒྱས་ལ་རམ་འདེགས་བྱེད། ཐུན་མོང་ཐོག་བདེ་ཆེན་ཁུལ་གྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་ངང་འཕེལ་རྒྱས་གཏོང་རྒྱུ་ལ་སྐུལ་འདེད་གཏོང་བར་དམིགས་ཏེ་སྤེལ་རེས་གཏིང་ཟབ་བྱས།

   ལུའོ་ཁྲའོ་ཧྥེང་གིས་ཀྲོའུ་ལིན་དང་བཅས་པ་ཕེབས་པར་དགའ་བསུ་ཞུས་པ་དང་ཀྲུང་གོ་རྡོ་སྣུམ་རྫས་འགྱུར་ཡུན་ནན་རྡོ་སྣུམ་ཡན་ལག་ཀུང་སིས་དུས་ཡུན་རིང་པོར་བདེ་ཆེན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ལེགས་སྐྱེས་ཕུལ་བར་ཐུགས་རྗེ་ཆེ་ཞུས། ཁོང་གིས་མིག་སྔར་བདེ་ཆེན་གྱི་རིག་གནས་ཡུལ་སྐོར་དང་ལྗང་མདོག་ནུས་རྒྱུ་སོགས་ཐོན་ལས་ཀྱི་འཕེལ་རྒྱས་གཏོང་ཚུལ་བཟང་པོ་བྱུང་ཡོད་པས་ཕྱོགས་གཉིས་ཀྱིས་མཉམ་ལས་གཏིང་ཟབ་བྱ་རྒྱུར་རྨང་གཞི་བརྟན་པོ་བཏིང་ཡོད། ཁེ་ལས་ཀྱིས་ད་ཐེངས་ཀྱི་མཇལ་འཕྲད་གོ་སྐབས་སུ་བྱས་ཏེ་བདེ་ཆེན་དུ་མ་འཇོག་བཀོད་སྒྲིག་བྱེད་ཤུགས་སྔར་བས་ཆེ་རུ་གཏོང་བ་དང་། ཕྱོགས་བསྡུས་ནུས་སྣོན་ས་ཚིགས་འཛུགས་སྐྲུན་ལ་མགྱོགས་མྱུར་སྐུལ་འདེད་གཏོང་བ། དྲ་ཚིགས་ཁྱབ་ཚད་ཆེ་རུ་གཏོང་བ། གཞི་གཅིག་ཅན་གྱི་ཞབས་ཞུའི་ནུས་པ་འཐུས་སྒོ་ཚང་དུ་གཏོང་བ་བཅས་བྱེད་པ་དང་ཆབས་ཅིག དབྱི་ཅེ་སྟབས་བདེའི་ཚོང་ཁང་སོགས་དྲ་ཕྱིའི་དྲ་ཚིགས་ལ་བརྟེན་ནས་བདེ་ཆེན་གྱི་ཁྱད་ལྡན་ཐོན་རྫས་ཐོན་སྐྱེད་དང་ཕྱིར་ཚོང་མཉམ་ལས་གཏིང་ཟབ་ཏུ་བཏང་སྟེ་བདེ་ཆེན་གྱིས་ཡུལ་སྐོར་བའི་གྲངས་འབོར་དེ་འཛད་སྤྱོད་འཕར་ཚད་ལ་འགྱུར་རྒྱུར་རམ་འདེགས་བྱ་རྒྱུའི་རེ་བ་བཏོན་པ་དང་།བདེ་ཆེན་ཁུལ་གྱིས་ནུས་ཤུགས་ཡོད་རྒུས་ཞབས་ཞུ་འགན་ལེན་ཡག་པོ་བྱས་ཏེ་ཕྱོགས་གཉིས་ཀྱི་མཉམ་ལས་རྣམ་གྲངས་དོན་འཁྱོལ་དང་ཕན་འབྲས་ཐོན་རྒྱུར་སྐུལ་འདེད་བཏང་ནས་གཉིས་ཁེ་གཉིས་ཕན་དང་ཐུན་མོང་ཐོག་འཕེལ་རྒྱས་ཡོང་བ་བྱ་རྒྱུ་ཞེས་བཤད།

   ཀྲོའུ་ལིན་གྱིས་ཀྲུང་གོ་རྡོ་སྣུམ་རྫས་འགྱུར་ཡུན་ནན་རྡོ་སྣུམ་ཡན་ལག་ཀུང་སིས་ཐོག་མཐའ་བར་གསུམ་དུ་ཡུན་ནན་ལ་གཞི་ཚུགས་པ་དང་ས་གནས་ལ་ཞབས་འདེགས་ཞུས་ཏེ་བཅོས་སྣུམ་མཁོ་སྤྲོད་འགན་ལེན་དང་། ཁྲལ་བསྡུའི་ལེགས་སྐྱེས། ལས་ཞུགས་སྐུལ་ཁྲིད་སོགས་ཀྱི་ཐད་ལ་ནུས་པ་ཧུར་ཐག་བཏོན་ཡོད་པ་དང་། ཀུང་སིས་བདེ་ཆེན་དང་མཉམ་ལས་བྱ་རྒྱུར་ཚད་མཐོའི་མཐོང་ཆེན་བྱས་པས་འབྲེལ་གཏུག་སྦྲེལ་མཐུད་ལ་ཤུགས་སྣོན་རྒྱག་པ་དང་། མཉམ་ལས་སྔར་བས་ཟབ་ཏུ་གཏོང་བ། ཁྱད་ལྡན་ཐོན་རྫས་ཁྱབ་གདལ་གཏོང་ཤུགས་ཆེ་རུ་གཏོང་བ། བདེ་ཆེན་གྱི་རིག་གནས་ཡུལ་སྐོར་ཐོན་ལས་འཕེལ་རྒྱས་ཀྱི་བཀོད་པ་དང་ཟུང་འབྲེལ་བྱེད་པ་དང་། ལེ་ལག་ཚང་བའི་ཞབས་ཞུ་འཐུས་སྒོ་ཚང་དུ་གཏོང་བ་བཅས་བྱས་ཏེ་བདེ་ཆེན་གྱི་སྤུས་ཚད་མཐོ་བའི་འཕེལ་རྒྱས་ཆེད་རྡོ་སྣུམ་རྫས་འགྱུར་གྱི་སྟོབས་ཤུགས་ལེགས་སྐྱེས་སུ་འབུལ་རྒྱུ་ཡིན་ཞེས་བཤད།

   ཝན་ཏན་ཆིན་མཇལ་འཕྲད་དུ་ཞུགས།