འགོ་ཚུགས་མཛད་སྒོའི་ཐོག ལེའོ་ཝུན་ཚའེ་ཡིས་འབའ་ལུང་རྫོང་ལ་“རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་ཁག་བཅུ་གཉིས་པའི་བྱང་བུ་”སྤྲད་པ་དང་། ཡུན་ནན་ཞིང་ཆེན་གྱི་མི་རིགས་རིག་གནས་སྤུས་ལེགས་ལས་གྲྭའི་རྣམ་གྲངས་ཀྱི་དངོས་མཚོན་གློག་བརྙན་《དྲིས་ལན》་དང་《མེ་འབར་སའི་ས་ཆ》་སོགས་མི་རིགས་རིག་གནས་ཀྱི་གྲུབ་འབྲས་དྲིལ་བསྒྲགས་དང་ཁྱབ་གདལ་བཏང་ཡོད། རིག་རྩལ་འཁྲབ་སྟོན་གྱི་རིམ་པ་རུ། གླུ་གཞས་《ཏང་གི་བཀའ་ལ་ཉན་ནས་ཏང་གི་རྗེས་སུ་འབྲངས》་ཞེས་པ་དེས་གངས་ལྗོངས་མཐོ་སྒང་གི་མི་རིགས་ཁག་གི་མང་ཚོགས་ཀྱི་བསམ་ཚུལ་ལེན་པ། 《ཀོང་རྩེད་རའི་མགྲོན་བསུ་སྐོར་བྲོ》་དེ་ས་གནས་ཀྱི་ཁྱད་ཆོས་ཟབ་མོ་ཡོད་པ་དང་སྤྲོ་སེམས་འཁོལ་བའི་མི་རིགས་ཀྱི་ཡུལ་སྲོལ་གོམས་གཤིས་མངོན་པ། 《སྤྱང་ཀིས་རྟ་འདེད》་ཀྱི་གཞས་འཁྲབ་པ་དང་དེ་བཞིན་གདོད་མའི་སྐྱེ་ཁམས་གླུ་བྲོ་《བསྲེགས་རྨོད་གྲིས་འདེབས》་སོགས་ཀྱི་ལེ་ཚན་རེས་མོས་ངང་འཁྲབ་སྟོན་བྱས་ནས་ཀྲུང་ཧྭ་མི་རིགས་ཀྱི་ཐུན་མོང་ལ་དབང་བའི་བསམ་པའི་ཁྱིམ་གཞིས་ཀྱི་ཕུན་སུམ་ཚོགས་པའི་ནང་དོན་དང་མི་རིགས་ཁག་གི་འགྲོ་འོང་སྤེལ་རེས་མཉམ་འདྲེས་ཀྱི་ཞི་མཐུན་རྣམ་པ་གསོན་ཉམས་དོད་པོས་མངོན་པ།

མིག་སྔར། རང་ཁུལ་གྱི་རེས་སྐོར་གཉིས་པའི་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གཏོད་པའི་ལས་དོན་ལ་ཁྱོན་ཡོངས་ནས་སྐུལ་འདེད་གཏོང་བཞིན་ཡོད། དེའི་དམིགས་ཡུལ་ནི་ཚད་གཞི་སྔར་བས་མཐོ་བ་དང་བླང་བྱ་སྔར་བས་ནན་པོ། བྱ་ཐབས་སྔར་བས་ཏན་ཏིག་བཅས་ལ་བརྟེན་ནས་མི་རིགས་མཐུན་སྒྲིལ་ཡར་ཐོན་གཏོད་པའི་ཁྱབ་ཁོངས་ཡོངས་ཀྱི་ཕན་འབྲས་ཆེ་རུ་གཏོང་བ་དང་རིམ་སྤོར་བྱེད་པར་སྐུལ་འདེད་གཏོང་བ་དེ་ཡིན། རང་ཁུལ་གྱིས་ཐེངས་འདིའི་བྱེད་སྒོ་གོ་སྐབས་སུ་བཟུང་ནས་མི་རིགས་མཐུན་སྒྲིལ་ཡར་ཐོན་ལ་སྐུལ་འདེད་གཏོང་བའི་བཅའ་ཁྲིམས་ཁྱོན་ཡོངས་ནས་སློབ་སྦྱོང་དང་དྲིལ་བསྒྲགས་ལག་བསྟར་བྱས་ཏེ་བཅའ་ཁྲིམས་ལས་ཁུངས་དང་སློབ་གྲྭ  གྲོང་གསེབ། སྡེ་ཁུལ། ཆོས་ལུགས་བྱེད་སྒོ་སྤེལ་ཡུལ་སོགས་སུ་ཁྱབ་རྒྱུར་སྐུལ་འདེད་གཏོང་རྒྱུ་དང་། རེས་སྐོར་གཉིས་པའི་གསར་གཏོད་ཀྱི་ཚད་གཞི་གསར་པ་དང་བླང་བྱ་གསར་པར་དམ་པོར་དམིགས་ནས་གསར་གཏོད་ལས་དོན་དེ་ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཁྱབ་ཁོངས་ཁག་ནང་གཏིང་ཟབ་མཉམ་འདྲེས་བྱས་ཏེ་གནས་རྐྱང་གི་“གཞོང་ལྗོངས”་ནས་ཁྱབ་ཁོངས་ཡོངས་ཀྱི་“ཡུལ་ལྗོངས”་སུ་རིམ་སྤོར་བྱ་རྒྱུར་སྐུལ་འདེད་གཏོང་། བདེ་ཆེན་གྱི་རིག་གནས་ཐོན་ཁུངས་སྔོག་འདོན་གཏིང་ཟབ་བྱས་ནས་མི་རིགས་ཁག་གི་འགྲོ་འོང་སྤེལ་རེས་མཉམ་འདྲེས་ཀྱི་སྟེགས་བུ་བསྐྲུན་ཏེ་མི་སེམས་གཅིག་སྒྲིལ་དང་སྙིང་སྟོབས་གཅིག་ལ་གཅིག་བརྟེན་ཡོང་བར་སྐུལ་འདེད་གཏོང་པ། མི་རིགས་ལས་དོན་གྱི་རྣམ་པ་འཐུས་ཚང་དུ་གཏོང་བ་དང་། ཕྱོགས་ཁག་གི་སྟོབས་ཤུགས་གཅིག་སྒྲིལ་བྱས་ཏེ། མི་ཚང་མས་མཐུན་སྒྲིལ་ལ་གཅེས་འཛིན་དང་མི་ཚང་མས་མཐུན་སྒྲིལ་སྲུང་སྐྱོང་བྱེད་པའི་སྤྱི་ཚོགས་ཀྱི་རྣམ་པ་རྒྱུན་མཐུད་ངང་བསྐྲུན་རྒྱུ།

བྱེད་སྒོ་སྤེལ་ཡུལ་དུ། ད་དུང་ཡིག་གཟུགས་འགྲེམས་སྟོན་དང་མི་རིགས་མཐུན་སྒྲིལ་གྱི་བྱེད་སྒོ་མཉམ་གླེང་དང་། 2026ལོའི་དངུལ་རྩ་སློབ་གསོའི་དྲིལ་བསྒྲགས་གཟའ་འཁོར་དང་དངུལ་རྩའི་ཐོག་ནས་མི་རིགས་མཐུན་སྒྲིལ་ཡར་ཐོན་ལ་རོགས་རམ་བྱེད་པའི་གཅིག་སྡུད་དྲིལ་བསྒྲགས་བྱེད་སྒོ། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་མཐུན་སྒྲིལ་ཡར་ཐོན་ལ་སྐུལ་འདེད་གཏོང་བའི་བཅའ་ཁྲིམས》་དང་དེ་བཞིན་མི་རིགས་སྲིད་ཇུས་དང་ཁྲིམས་སྲོལ་གྱི་དྲིལ་བསྒྲགས་བྱེད་སྒོ་བཅས་དུས་གཅིག་ཏུ་སྤེལ།

ཁུལ་དཔོན་གཞོན་པ་མཱ་གོ་ཀྲུང་གིས་གཙོ་སྐྱོང་གནང་། ཁུལ་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ་དབྱང་ཅན་ཧྭ་དང་། ཁུལ་སྲིད་གྲོས་ཀྱི་ཀྲུའུ་ཞི་གཞོན་པ་དབྱང་ཙི་ཅང་། བདེ་ཆེན་ཁུལ་མི་རིགས་མཐུན་སྒྲིལ་ཡར་ཐོན་གསར་གཏོད་ཀྱི་“བཅུ་སྐྱོད”་ཀྱི་སྣེ་ཁྲིད་ལས་ཁུངས་ཀྱི་འབྲེལ་ཡོད་འགན་འཁུར་བློ་མཐུན་དང་དེ་བཞིན་མི་རིགས་ཁག་གི་མང་ཚོགས་འཐུས་མི་བཅས་འགོ་ཚུགས་མཛད་སྒོར་ཞུགས།