ཟླ་བ་9པའི་ཚེས་8ཉིན།  སེམས་ཀྱི་ཉི་ཟླའི་གླེང་སྟེགས་（སྐབས་ལྔ་པ་）སེམས་ཀྱི་ཉི་ཟླར་སྤེལ་འགོ་ཚུགས།   གླེང་སྟེགས་ཀྱིས་“སེམས་ཀྱི་ཉི་ཟླ་·བདེ་སྐྱིད་ཁྱིམ་གཞིས། སྤུས་ལེགས་མགྲོན་ཁང་དང་དམངས་སྲོལ་གནས་ཚང་གི་ཐོན་ལས་ལ་སྐུལ་འདེད་དང་ཚད་ལྡན་དུ་བཏང་ནས་གྲོང་གསེབ་དར་རྒྱས་ལ་རམ་འདེགས་བྱེད་པའི་ལག་ལེན་དང་རྒྱང་ལྟ་”བརྗོད་དོན་གཙོ་བོར་བྱས་ཏེ། རྒྱལ་ཡོངས་ས་གནས་ཁག་གི་མཁས་དབང་། འགོ་ཁྲིད་སྐུ་མགྲོན་བཅས་གདན་དྲངས་ནས་གྲོས་བསྡུར་སྤེལ་རེས་བྱས་ཏེ།  མཉམ་དུ་ཐོན་ལས་འཕེལ་རྒྱས་ཀྱི་གནད་འགག་སེལ་བ་དང་ཐོན་ལས་འཕེལ་རྒྱས་ཀྱི་གོ་སྐབས་མཉམ་སྤྱོད་བྱེད་པ། ཐོན་ལས་སྤུས་རྟགས་དྲིལ་བསྒྲགས་དང་ངོ་སྤྲོད་བྱེད་པ། བདེ་སྐྱིད་ཀྱི་ཁྱིམ་གཞིས་བསྐྲུན་ནས།  བདེ་ཆེན་གྱི་སྤུས་ལེགས་མགྲོན་ཁང་དང་དམངས་སྲོལ་གནས་ཚང་གི་ཐོན་ལས་རྒྱུན་མཐུད་ཀྱིས་སྐྱོན་བྲལ་ངང་འཕེལ་རྒྱས་གཏོང་བར་བློ་གྲོས་དང་སྟོབས་ཤུགས་དེ་བས་མང་པོ་གཅིག་ཏུ་བསྡུས་ཏེ།  རྒྱུན་ཆད་མེད་པར་འཛམ་གླིང་གི་“སེམས་ཀྱི་ཉི་ཟླའི་”མིང་རྟགས་གསལ་པོ་བཟོ་བ་དང་། རྒྱུན་མཐུད་ངང་སྤུས་རྟགས་ལ་དངོས་གཟུགས་ཅན་གྱི་ཁེ་སྤོགས་གཏོང་།  

 

 

ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གླེང་སྟེགས་ཀྱི་བགྲོ་གླེང་ཚོགས་འདུར་ཞུགས་པ་མ་ཟད་གཏམ་བཤད་གནང་།  ཁུལ་ཨུའི་ཧྲུའུ་ཅི་གཞོན་པ།  ལས་ཚབ་ཁུལ་དཔོན་ལི་ཡན་ལན་གྱིས་ཤིས་ཚིག་ཕུལ། 

ཁུལ་ཨུའི་ཧྲུའུ་ཅི་གཞོན་པ་ཞུས་སི་སི་གླེང་སྟེགས་སུ་ཞུགས། ཁུལ་སྲིད་གྲོས་ཀྱི་ཀྲུའུ་ཞི་མིའོ་ཡིའུ་ཧྥ་ཡིས་ཚོགས་འདུ་གཙོ་སྐྱོང་གནང་།

འཁྲབ་ཁྲིད་པ་གྲགས་ཅན་དང་། འཁྲབ་གཞུང་རྩོམ་མཁན། གློག་བརྙན་བཟོ་མཁན་ཀྲང་དབྱང་དང་། ཞག་སྡོད་རིག་གནས་ཡུལ་སྐོར་མཉམ་གཉེར་བ།  ཇུས་འགོད་འགན་འཁུར་བ་ལན་ཝུན་པིན།   ས་དམ་ཡུས་ལུང་ཡུལ་སྐོར་མ་རྐང་ཚད་ཡོད་ཀུང་སིའི་ཏང་ཨུའི་ཧྲུའུ་ཅི།  ཏུང་ཧྲི་ཀྲང་ཧོ་ཞན་ཀྲུང་། ཀོང་ཏུང་ཞིང་ཆེན་བཟའ་བཏུང་མཐུན་ཚོགས་ཀྱི་རྒྱུན་ལས་ཚོགས་གཙོ་གཞོན་པ།  ཞང་ཀང་ནང་ཁུལ་གྱི་བཟའ་བཏུང་མཐུན་ཚོགས་ཀྱི་རྒྱུན་ལས་ཚོགས་གཙོ་གཞོན་པ། མེང་ཙི་ཡོན་ཚོགས་པའི་སྲོལ་གཏོད་པ་ལི་ཧུང་ཝེ། ཅང་ལུའུ་ཡི་ཏུང་ཧྲི་ཀྲང་། མཉམ་འབྲེལ་སྲོལ་གཏོད་པ་ཀྲང་ཧུང་།  ཨ་རོགས་ཁམས་པའི་དམངས་སྲོལ་གནས་ཚང་གི་སྤུས་རྟགས་སྲོལ་གཏོད་མཁན་གྲགས་པ་སྐལ་ལྡན། སེམས་ཀྱི་ཉི་ཟླ་མགྲོན་ཁང་ཚོགས་པའི་ཀྲུང་ཧྭ་ཁུལ་ཆེན་གྱི་དབུ་བཞུགས་ལག་བསྟར་དཔོན་པོ་ཞུས་ཧའོ་ཁྲུན་བཅས་ཀྱིས་སྔ་རྗེས་སུ་བརྗོད་དོན་གཙོ་བོར་དམིགས་ནས་བགྲོ་གླེང་གཏམ་བཤད་བྱས།

གླེང་སྟེགས་ཐོག་བདེ་ཆེན་ཁུལ་གྱི་རིམ་ལྡན་དམངས་སྲོལ་གནས་ཚང་ཁྱབ་བསྒྲགས་བྱས་པ་མ་ཟད་ལོ་འཁོར་གྱི་སྤུས་ལེགས་མགྲོན་ཁང་འོས་སྦྱོར་བྱས།

 

 

   གཞན་ཡང་ཤེས་རྟོགས་བྱུང་བར་གཞིགས་ན། དུས་ཡུན་ཉིན་གཉིས་ཀྱི་སེམས་ཀྱི་ཉི་ཟླའི་གླེང་སྟེགས་ཐོག་ཧྲང་ཧའེ་ཡིས་བདེ་ཆེན་ལ་ཁ་གཏད་རོགས་སྐྱོར་བྱེད་པའི་བགྲོ་གླེང་ཚོགས་འདུ་དང་། ཚོང་འགུགས་མ་འདྲེན་གྱི་འོས་སྦྱོར་ཚོགས་འདུ།  “ཧྲང་ཧའེ་དང་བདེ་ཆེན་བློ་སེམས་གཅིག་མཐུན་·སེམས་ཀྱི་ཉི་ཟླའི་མཚན་མོ་”ཞེས་པའི་མི་རིགས་རིག་གནས་སྤེལ་རེས་བྱེད་སྒོ། “མཉམ་དུ་ཆུ་བོ་གཅིག་གི་ཆུ་འཐུང་སྟེ་·སེམས་པ་གཅིག་མཐུན་གྱིས་ལག་གདང་སྦྲེལ་ནས་བསྐྱོད་པ། ཁ་གཏད་རོགས་སྐྱོར་དང་ཁེ་ལས་མཁས་ཅན་གྱི་འཚམས་འདྲིར་གཏིང་ཟབ་ཀྱི་བྱེད་སྒོ་སྤེལ་རྒྱུ།

 བདེ་ཆེན་ཁུལ་གྱི་འགོ་ཁྲིད་དང་། ཧྲང་ཧའེ་ཡིས་ཁ་གཏད་རོགས་སྐྱོར་བྱས་པའི་གྲོང་ཁུལ་གྱི་འབྲེལ་ཡོད་སྡེ་ཚན་གྱི་འགོ་ཁྲིད། རིགས་གཅིག་མཁས་ཅན་དང་མཁས་དབང་། ལས་རིགས་ཀྱི་འཐུས་མི་སོགས་ཚོགས་འདུར་ཞུགས།