ཟླ་བ་9པའི་ཚེས་7ཉིན། བདེ་ཆེན་ཁུལ་གྱིས་ཡུན་ནན་ཀྲུང་གོ་རྡོ་སྣུམ་རྫས་འགྱུར་ཕྱིར་ཚོང་མ་རྐང་ཚད་ཡོད་ཀུང་སིའི་ཡུན་ནན་རྡོ་སྣུམ་ཡན་ལག་ཀུང་སི་དང་（གཤམ་དུ་ཀྲུང་གོ་རྡོ་སྣུམ་རྫས་འགྱུར་ཡུན་ནན་རྡོ་སྣུམ་ཡན་ལག་ཀུང་སི་ཞེས་པའི་བསྡུས་མིང་འབོད་རྒྱུ།）བཞུགས་མོལ་ཚོགས་འདུ་འཚོགས་ནས་ཕྱོགས་གཉིས་པོས་ནུས་རྒྱུ་མཁོ་འདོན་འགན་ལེན་གཏིང་ཟབ་དང་ཕྱོགས་བསྡུས་ཞབས་ཞུ་རྒྱ་ཆེར་གཏོང་བ་སོགས་ཀྱི་གནད་དོན་ལ་དམིགས་ནས་སྤེལ་རེས་གཏིང་ཟབ་བྱས་པ་དང་འཐབ་ཇུས་མཉམ་ལས་སྒྲོམ་གཞིའི་གྲོས་མཐུན་ལ་མིང་རྟགས་བཀོད།

ཁུལ་ཨུའི་ཧྲུའུ་ཅི་གཞོན་པ། ལས་ཚབ་ཁུལ་དཔོན་ལི་ཡན་ལན།  ཀྲུང་གོ་རྡོ་སྣུམ་རྫས་འགྱུར་ཡུན་ནན་རྡོ་སྣུམ་ཡན་ལག་ཀུང་སིའི་ཏང་ཨུའི་ཧྲུའུ་ཅི་གཞོན་པ། སྤྱི་ཁྱབ་ཅིང་ལི་ལི་ཀྲི་ཧྭ་ཚོགས་འདུ་རུ་ཞུགས་པ་མ་ཟད་གསུང་བཤད་ཀྱང་གནང་།

ལི་ཡན་ལན་གྱིས་ཀྲུང་གོ་རྡོ་སྣུམ་རྫས་འགྱུར་ཡུན་ནན་རྡོ་སྣུམ་ཡན་ལག་ཀུང་སིས་མཁོ་སྤྲོད་འགན་ལེན་དང་མ་འཇོག་སྐུལ་འདེད། འཛད་སྤྱོད་ལ་སྐུལ་འདེད། ལས་ཞུགས་བསྡུ་ལེན་སོགས་ཀྱི་ཐད་བདེ་ཆེན་ལ་རྒྱབ་སྐྱོར་ཤུགས་ཆེན་གནང་བར་ཐུགས་རྗེ་ཆེ་ཞུས། ཁོ་མོས་ལོ་སྟོད་དུ་བདེ་ཆེན་ཁུལ་གྱི་གཏན་འཇགས་རྒྱུ་ནོར་མ་འཇོག་དང་སྤྱི་ཚོགས་འཛད་རྫས་སིལ་ཚོང་བསྡོམས་འབོར། གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་འཕར་བ་བཅས་དམིགས་ཚད་ཁག་གསུམ་ཞིང་ཆེན་ཡོངས་ཀྱི་ཨང་དང་པོར་སླེབས་པ་དང་རྒྱལ་ཁབ་ཕྱི་ནང་གི་ཡུལ་སྐོར་བར་སྣེ་ལེན་ཞུ་བ་དང་ཡུལ་སྐོར་འགྲོ་སོང་བསྡོམས་འབོར་གྱི་དམིགས་ཚད་བརྟན་པོའི་ངང་འཕར་ཡོད། གྲུབ་འབྲས་དེ་དག་ཐོབ་པ་ནི་ཀྲུང་གོ་རྡོ་སྣུམ་རྫས་འགྱུར་བཟོ་ལས་ཡུན་ནན་རྡོ་སྣུམ་ཡན་ལག་ཀུང་སིས་དུས་ཡུན་རིང་པོའི་ནང་བདེ་ཆེན་ལ་ཐུགས་ཁུར་དང་རྒྱབ་སྐྱོར་གནང་བར་ཁ་འབྲལ་ཐབས་མེད། “ལོ་ལྔ་ཚན་བཅོ་ལྔ་པའི་”དུས་སྐབས་སུ། བདེ་ཆེན་གྱིས་ལྷན་སྐྱེས་ཐོན་ཁུངས་ལ་གཞི་ཚུགས་པ་དང་བསྡུར་གཞི་ཡོད་པའི་ལེགས་ཆ་འདོན་སྤེལ་བྱས་ཏེ་“4+2+N”ཡི་དེང་རབས་ཐོན་ལས་མ་ལག་བཏོན་ཡོད་ཅེས་གནང་། དུས་རིམ་རྗེས་མར་ཕྱོགས་གཉིས་པོས་མཉམ་ལས་ཁྱབ་ཁོངས་རྒྱུན་ཆད་མེད་པར་རྒྱ་ཆེར་གཏོང་ནས་མཉམ་ལས་སྔར་བས་ཟབ་ཏུ་གཏོང་བའི་རེ་བ་བཏོན། རྨང་གཞིའི་སྒྲིག་བཀོད་བཀོད་སྒྲིག་ལེགས་སྒྲུབ་བྱེད་པ་དང་དུས་མཚུངས་སུ་ཀྲུང་གོ་རྡོ་སྣུམ་རྫས་འགྱུར་ཀུང་སི་ཡུན་ནན་རྡོ་སྣུམ་ཡན་ལག་ཀུང་སིའི་ཐབས་ལམ་ལ་བརྟེན་ནས་སེམས་ཀྱི་ཉི་ཟླའི་ཁྱད་ལྡན་ཐོན་རྫས་ཕྱིར་ཚོང་རྒྱ་ཆེར་གཏོང་རོགས་བྱེད་པ་དང་། ཡུལ་སྐོར་ཞབས་ཞུའི་ཕྱོགས་བསྡུས་སྒྲིག་གཞི་བསྐྲུན་ནས་ཡུལ་སྐོར་བའི་ཉམས་ལེན་ཚོར་སྣང་ཆེ་རུ་གཏོང་བ། ས་ཁམས་མཚོན་རྟགས་ཐོན་རྫས་ལྟེ་གནས་ལས་སྟེགས་ལ་བརྟེན་ནས་སེམས་ཀྱི་ཉི་ཟླའི་ས་ཁམས་མཚོན་རྟགས་ཐོན་རྫས་འགྲེམས་སྟོན་ཡག་པོ་བྱས་ཏེ་འཛམ་གླིང་གི་“སེམས་ཀྱི་ཉི་ཟླའི་”གསེར་གྱི་རྟགས་མ་མུ་མཐུད་གསལ་པོར་བཏོན་ཏེ་སྤུས་རྟགས་མངོན་སུམ་ཅན་གྱི་ལག་ལེན་ཐོག་ནས་“ཡུན་ནན་ཟེར་བའི་འཚོ་བ་ཞིག་ཡོད་”དེ་ཕུན་སུམ་ཚོགས་སུ་གཏོང་བའི་རེ་བ་བཏོན། བདེ་ཆེན་ཁུལ་གྱིས་ཚོང་གཉེར་ཁོར་ཡུག་སྔར་བས་ལེགས་སུ་གཏོང་ནས་ཞབས་ཞུ་འགན་ལེན་ནུས་ཤུགས་ཡོད་རྒུས་ཡག་པོ་བྱ་རྒྱུ། རྩིས་ཐོ་ཅན་དང་རྣམ་གྲངས་ཅན། ཞིབ་ཕྲ་ཅན་བཅས་ཀྱི་ཐོག་ནས་འཐབ་ཇུས་མཉམ་ལས་ཀྱི་སྒྲོམ་གཞིའི་གྲོས་མཐུན་དོན་འཁྱོལ་དང་ཕན་འབྲས་ཐོན་རྒྱུར་དམ་འཛིན་བྱ་རྒྱུ་ཡིན་ཞེས་གསུང་།

ལི་ཀྲི་ཧྭ་ཡིས་དུས་རིམ་རྗེས་མར། ཀྲུང་གོ་རྡོ་སྣུམ་རྫས་འགྱུར་ཡུན་ནན་རྡོ་སྣུམ་ཡན་ལག་ཀུང་སིས་གཏན་འཁེལ་བྱས་པའི་དམིགས་ཚད་ལ་དམིགས་ནས་ནུས་ཤུགས་ཡོད་རྒུས་ལོ་ཧྲིལ་པོའི་དམིགས་ཚད་དང་ལས་འགན་ལ་གདོང་མཆོང་བྱ་རྒྱུ། བདེ་ཆེན་དང་འབྲེལ་གཏུག་སྦྲེལ་མཐུད་རྒྱུན་མཐུད་ཤུགས་སྣོན་རྒྱག་པ་དང་མཉམ་ལས་བྱེད་སྟངས་གསར་གཏོད་བྱེད་པ། ཞབས་ཞུའི་དྲ་རྒྱ་ཚགས་དམ་དུ་གཏོང་བ་བཅས་བྱས་ནས་ས་ཚིགས་སྲོལ་རྒྱུན་གྱི་སྣུམ་སྣོན་ནས་“གཅིག་འཐུས་རྣམ་པའི”ཕྱོགས་བསྡུས་ཞབས་ཞུའི་དངོས་ཚན་དུ་ཕྱོགས་སྒྱུར་རིམ་སྤོར་བྱ་རྒྱུར་སྐུལ་འདེད་གཏོང་ནས་འཛད་སྤྱོད་དང་ཞབས་ཞུའི་ལས་རིགས་རྒྱུན་མི་ཆད་པར་ཕུན་སུམ་ཚོགས་སུ་གཏོང་སྟེ་བདེ་ཆེན་གྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་ཀྲུང་གོ་རྡོ་སྣུམ་རྫས་འགྱུར་བཟོ་ལས་ཀྱི་སྟོབས་ཤུགས་འབུལ་རྒྱུ་ཡིན་ཞེས་གསུང་།

ཁུལ་གྱི་འགོ་ཁྲིད་དབྱང་ཞུའེ་ཝུན་དང་ཀྲོང་ཞའོ་ཕིང་། ཀྲུང་གོ་རྡོ་སྣུམ་རྫས་འགྱུར་ཡུན་ནན་རྡོ་སྣུམ་ཡན་ལག་ཀུང་སིའི་འབྲེལ་ཡོད་འགན་འཁུར་བློ་མཐུན། ཁུལ་རིམ་པའི་འབྲེལ་ཡོད་ལས་ཁུངས་ཀྱི་འགན་འཁུར་བློ་མཐུན་བཞུགས་མོལ་ཚོགས་འདུ་རུ་ཞུགས།