ཉེ་ཆར། སེམས་ཀྱི་ཉི་ཟླའི་གླེང་སྟེགས་སྐབས་ལྔ་པ་གཉེར་བའི་གོ་སྐབས་དང་བསྟུན་ནས་བདེ་ཆེན་ཁུལ་གྱིས་ཚོང་འགུགས་མ་འདྲེན་གྱི་འོས་སྦྱོར་ཚོགས་འདུ་སེམས་ཀྱི་ཉི་ཟླ་གྲོང་ཁྱེར་དུ་བདེ་བླག་ངང་འཚོགས།

འོས་སྦྱོར་ཚོགས་འདུའི་ཐོག  བདེ་ཆེན་ཁུལ་རིག་གནས་དང་ཡུལ་སྐོར་ཅུས་ཀྱི་འགན་འཁུར་བས་ཁ་བྱང་ནི་རིག་གནས་ཡུལ་སྐོར་མཉམ་འདྲེས་གཏིང་ཟབ་བྱ་རྒྱུར་སྐུལ་འདེད་བཏང་ནས་འཛམ་གླིང་རིམ་པའི་ཡུལ་སྐོར་བྱ་ཡུལ་བསྐྲུན་ཞེས་པའི་ཆེད་དོན་འོས་སྦྱོར་བྱས་ཏེ་བདེ་ཆེན་ཁུལ་གྱི་རིག་གནས་ཡུལ་སྐོར་ཐོན་ལས་དང་། སྤུས་དག་འགྲུལ་ཁང་། དམངས་སྲོལ་གནས་ཚང་ཐོན་ལས་འཕེལ་རྒྱས་ཐད་ཀྱི་འཆར་འགོད་དང་མི་མངོན་པའི་སྟོབས་ཤུགས་ངོ་སྤྲོད་ཞིབ་ཕྲ་བྱས། ཁུལ་མ་དངུལ་གཏོང་འཇོག་ཅུས་ཀྱི་འགན་འཁུར་བས་དེའི་རྗེས་སུ་བདེ་ཆེན་ཁུལ་གྱི་དམངས་སྲོལ་གནས་ཚང་ཐོན་ལས་ལ་ཚོང་འགུགས་འོས་སྦྱོར་བྱས།

ཚོགས་འདུའི་ཐོག  འཇོལ་རྫོང་མི་དམངས་སྲིད་གཞུང་དང་དབྱི་ཐུང་ཆང་ཆི་འཇོལ་རིག་གནས་ཡུལ་སྐོར་འཕེལ་རྒྱས་ཚད་ཡོད་ཀུང་སི་གླེགས་བམ་ཆང་ཆི་དམངས་སྲོལ་གནས་ཚང་རྣམ་གྲངས་མ་དངུལ་གཏོང་བའི་གྲོས་མཐུན་དང་། སེམས་ཀྱི་ཉི་ཟླ་གྲོང་ཁྱེར་རིག་གནས་དང་ཡུལ་སྐོར་ཅུས་དང་ཧོ་ནན་ཡིའུ་ཅ་མེ་ཝུའུ་ཚན་རྩལ་ཚད་ཡོད་ཀུང་སི་རྒྱལ་ཐང་གྲོང་རྡལ་་འགྲུལ་ཁང་འཛུགས་སྐྲུན་རྣམ་གྲངས་ཀྱི་མ་དངུལ་གཏོང་བའི་གྲོས་མཐུན་དང་། འབའ་ལུང་རྫོང་མི་དམངས་སྲིད་གཞུང་དང་ཧྲང་ཧའེ་ཝུའུ་སུང་ཁོའུ་རིག་གནས་ཡུལ་སྐོར་མ་དངུལ་གཏོང་འཇོག་ཚོགས་པ་ཚད་ཡོད་ཀུང་སི་འབའ་ལུང་ཁྱབ་ཁོངས་ཡོངས་ཀྱི་སྨན་བཅོས་ངལ་གསོ་རྣམ་གྲངས་མཉམ་ལས་གྲོས་མཐུན་སོགས་ཚོང་འགུགས་མ་འདྲེན་གྱི་རྣམ་གྲངས་བདུན་གན་རྒྱ་འཇོག