སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཟླ་9ཚེས་11ཉིན་གྱི་སྔ་དྲོ། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཧྭ་ཞ་དངུལ་ཁང་ཁུན་མིང་ཡན་ལག་དངུལ་ཁང་གི་ཏང་ཨུའི་ཧྲུའུ་ཅི། ཧང་ཀྲང་ཅིན་ཕུང་ཧྥེ་དང་བཅས་པར་མཇལ་འཕྲད་གནང་། ཕྱོགས་གཉིས་ཀས་དངུལ་ཁང་དང་སྲིད་གཞུང་དབར་གྱི་མཉམ་ལས་གཏིང་ཟབ་ཏུ་གཏོང་བ་དང་དངུལ་རྩའི་“གསོན་ཤུགས”ལ་བརྟེན་ནས་བདེ་ཆེན་གྱི་ཐོན་ལས་འཕེལ་རྒྱས་ལ་དམིགས་ནས་སྤེལ་རེས་གནང་བ་རེད།

  ལུའོ་ཁྲའོ་ཧྥེང་གིས་ཅིན་ཕེང་ཧྥེ་དང་བཅས་པ་ཕེབས་པར་དགའ་བསུ་ཞུས། ཁོང་གིས་ཉེ་བའི་ལོ་ཤས་རིང་། བདེ་ཆེན་ཁུལ་གྱིས་སྤུས་ལེགས་དང་ཐུན་མོང་མ་ཡིན་པའི་ཐོན་ཁུངས་ཀྱི་ལེགས་ཆར་གཞི་ཚུགས་ཏེ།ཁུལ་ཡོངས་ཀྱི་“4+2+N”དེང་རབས་ཅན་གྱི་ཐོན་ལས་མ་ལག་ལ་དམིགས་ནས། རིག་གནས་ཡུལ་སྐོར་དང་། ས་མཐོའི་ཁྱད་ལྡན་དེང་རབས་ཞིང་ལས། ལྗང་མདོག་ནུས་རྒྱུ། ལྗང་མདོག་གཏེར་ལས་བཅས་གཙོ་ཁྲིད་ཐོན་ལས་ཆེན་པོ་བཞིའི་འཕེལ་རྒྱས་ལ་ཤུགས་ཆེན་བཏང་ཡོད། བདེ་ཆེན་ཁུལ་དང་ཧྭ་ཞ་དངུལ་ཁང་ཁུན་མིང་ཡན་ལག་དངུལ་ཁང་དབར་མཉམ་ལས་ཀྱི་བར་མཐོངས་ཆེན་པོ་ཡོད། ཡན་ལག་དངུལ་ཁང་གིས་བཏོན་པའི་ཚན་རྩལ་དངུལ་རྩ་དང་ལྗང་མདོག་དངུལ་རྩ་དེ་བདེ་ཆེན་རིག་གནས་ཡུལ་སྐོར་གྱི་སྤུས་འདེགས་དང་ས་མཐོའི་ཞིང་ལས་ལས་སྣོན་ཞིབ་ཚགས་སོགས་དང་ཚད་མཐོའི་གཅིག་མཐུན་བྱུང་ཡོད་དེ། ཕྱོགས་གཉིས་ཀས་འབྲེལ་མཐུད་ལ་ཤུགས་སྣོན་བརྒྱབ་ནས་མཉམ་ལས་ཀྱི་གོ་སྐབས་འཚོལ་བ། དངོས་སྒྲུབ་ཀྱི་བྱ་ཐབས་ལ་བརྟེན་ནས་བདེ་ཆེན་གྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་རམ་འདེགས་བྱ་རྒྱུའི་རེ་བ་ཡོད་ཅེས་བཤད།

  ཅིན་ཕུང་ཧྥེ་ཡིས་ཧྭ་ཞ་དངུལ་ཁང་གི་གཞི་རྩའི་གནས་ཚུལ་ངོ་སྤྲོད་བྱས། ཧྭ་ཞ་དངུལ་ཁང་ཁུན་མིང་ཡན་ལག་དངུལ་ཁང་གིས་བདེ་ཆེན་ཁུལ་དང་དེ་བས་གཏིང་ཟབ་པའི་མཉམ་ལས་བྱ་རྒྱུའི་རེ་སྒུག་ཡོད། གོམ་སྟབས་རྗེས་མར། ཡན་ལག་དངུལ་ཁང་གིས་བདེ་ཆེན་གྱི་དོན་དངོས་ལ་གཞི་ཚུགས་ཏེ་རང་ངོས་ཀྱི་ལེགས་ཆ་འདོན་སྤེལ་གང་ལེགས་བྱེད་པ་དང་། རང་འགུལ་ངང་དངུལ་རྩའི་དགོས་མཁོ་དང་སྦྲེལ་མཐུད་བྱེད་པ། ཚན་རྩལ་དངུལ་རྩ་དང་ལྗང་མདོག་དངུལ་རྩའི་“ལས་དོན་ཆེན་པོ་གཉིས”ལ་དམ་པོར་དམིགས་པ། དངུལ་རྩའི་ཞབས་ཞུར་ཤུགས་སྣོན་རྒྱག་པ་བཅས་བྱས་ཏེ་བདེ་ཆེན་གྱི་འཕེལ་རྒྱས་ལ་དངུལ་རྩའི་“གསོན་ཤུགས”དེ་བས་མང་བ་སྣོན་རྒྱུ་ཞེས་བཤད།

   དབྱང་ཞུའེ་ཝུན་མཇལ་འཕྲད་ནང་ཞུགས་པ།