ཚང་འཛོམས་གྲོས་ཚོགས་ཐོག་བསྟན་དོན། ཀྲུང་གོ་གུང་ཁྲན་ཏང་བདེ་ཆེན་བོད་རིགས་རང་སྐྱོང་ཁུལ་གྱི་འཐུས་མི་ཚོགས་ཆེན་ཐེངས་བཅུ་པ་ནི་བདེ་ཆེན་ཁུལ་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་ལེན་མཐར་ཕྱིན་གཏིང་ཟབ་བྱེད་པ་དང་།  ཀྲུང་གོའི་ལུགས་ཀྱི་དེང་རབས་ཅན་གྱི་བདེ་ཆེན་གྱི་ལེའུ་གསར་པ་གཏོད་པའི་དུས་སྐབས་འགག་རྩ་དང་།  རྒྱལ་ཡོངས་དང་ཞིང་ཆེན་ཡོངས་དང་དུས་མཉམ་དུ་གཞི་རྩའི་ཆ་ནས་སྤྱི་ཚོགས་རིང་ལུགས་དེང་རབས་ཅན་མངོན་འགྱུར་བྱུང་བར་རྨང་གཞི་འདིང་པ་དང་ཕྱོགས་ཡོངས་ནས་ཤུགས་འདོན་པའི་དུས་སྐབས་འགག་རྩར་འཚོགས་པའི་ཚོགས་འདུ་གལ་ཆེན་ཐེངས་ཤིག་ཡིན།  ཁུལ་ཏང་གི་འཐུས་མི་ཚོགས་ཆེན་ཐེངས་བཅུ་པ་ཡག་པོ་འཚོགས་པས་ཞི་ཅིན་ཕིང་གི་དུས་རབ་གསར་པའི་ཀྲུང་གོའི་ལུགས་ཀྱི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་རྒྱུན་འཁྱོངས་བྱེད་པ་དང་། ཏང་གི་ཚོགས་ཆེན་ཐེངས་ཉི་ཤུ་པ་དང་སྐབས་ཉི་ཤུ་པའི་ཚང་འཛོམས་གྲོས་ཚོགས་རིམ་བྱུང་གི་དགོངས་དོན་དོན་འཁྱོལ་གཏིང་ཟབ་བྱེད་པ།  སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར་གཏིང་ཟབ་བྱེད་པ། ཆ་ཚང་དང་ཡང་དག་ཕྱོགས་ཡོངས་ཀྱི་སྒོ་ནས་འཕེལ་རྒྱས་ཀྱི་འདུ་ཤེས་གསར་པ་དོན་འཁྱོལ་བྱེད་པ།  བརྟན་ཐོག་ཡར་འཕེལ་གྱི་ལས་ཀའི་ནང་དོན་སྙིང་པོ་རྒྱུན་འཁྱོངས་བྱེད་པ་དང་ཞིང་ཨུའི་“3815”འཐབ་ཇུས་འཕེལ་རྒྱས་ཀྱི་དམིགས་འབེན་ལ་དམ་པོར་དམིགས་པ།  ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་གཏོང་རྒྱུ་གཙོ་ཐིག་ཏུ་བྱེད་པ་དང་། དྲིན་ཚོར་ཡར་བརྩོན་དང་འགག་སྒྲོལ་དཀའ་སེལ་བྱེད་པ། བརྟན་ལྷིང་དང་འཕེལ་རྒྱས། སྐྱེ་ཁམས།  མཐའ་མཚམས་བརྟན་ལྷིང་བཅས་དོན་ཆེན་བཞི་ལ་སྐུལ་འདེད་རྒྱུན་མཐུད་གཏོང་བ། མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གྱི་ཚད་གཞི་དང་སྐྱེ་ཁམས་དཔལ་ཡོན་འཛུགས་སྐྱོང་གི་གྲལ་འགོའི་དམག  ཡུན་ནན་གྱིས་ཨེ་ཤེ་ཡ་ལྷོ་མར་ཁ་ཕྱོགས་པའི་བགྲོད་ལམ་གལ་ཆེན། འཛམ་གླིང་གི་“སེམས་ཀྱི་ཉི་ཟླའི་”ཡུལ་སྐོར་དམིགས་ཡུལ་བཅས་སྐྲུན་པར་འབད་དེ་ཀྲུང་གོའི་ལུགས་ཀྱི་དེང་རབས་ཅན་གྱི་བདེ་ཆེན་གྱི་ལེའུ་གསར་པ་གཏོད་པ་བཅས་ལ་དོན་སྙིང་གལ་ཆེན་ལྡན། 

ཚང་འཛོམས་གྲོས་ཚོགས་ཐོག་ནན་བཤད་བྱས་དོན།དར་ཆ་གསལ་སྟོན་གྱིས་ཆབ་སྲིད་ལ་དང་དོད་བྱེད་དེ། ཏང་གིས་ཕྱོགས་ཡོངས་ལ་འགོ་ཁྲིད་དེ་ཚོགས་ཆེན་གྲ་སྒྲིག་དང་འཚོགས་པ་སྒྲིག་འཛུགས།འདེམས་བསྐོ་ལག་བསྟར་བཅས་ཀྱི་བརྒྱུད་རིམ་ཧྲིལ་པོའི་ལྷུ་ཚིགས་ཁག་ཏུ་ཁྱབ་པ་དང་།  ཆབ་སྲིད་ཁ་ཕྱོགས་ཀྱི་འགག་སྒོ་དང་། སྲིད་ཇུས་ཀྱི་ཚད་གཞི་འགག་སྒོ། ཞིབ་གླེང་དང་བཤད་སྟངས་ཀྱི་འགག་སྒོ། འདེམས་བསྐོ་གོ་རིམ་གྱི་འགག་སྒོ་བཅས་ནན་དུ་གཏོང་བ། སྒྲིག་སྲོལ་དང་སྒྲིག་ཡིག་ལ་གཞིར་བཟུང་བ་དང་། གཟབ་ནན་ཞིབ་ཚགས། ཟླུམ་འཁོར་དོན་འཁྱོལ་བཅས་བྱ་དགོས་ལ།བྱ་སྤྱོད་དངོས་ལ་བརྟེན་ནས་བློ་བརྟན་འགྱུར་མེད་ཀྱིས“གཏན་འཁེལ་གཉིས”བརྩི་བཀུར་བྱེད་པ་དང“སྲུང་སྐྱོང་གཉིས”མཐའ་གཅིག་ཏུ་སྒྲུབ་དགོས།ཚོགས་ཆེན་གྱི་གྲ་སྒྲིག་ལས་དོན་ཁག་དམ་འཛིན་ཏན་ཏིག་དང་དམ་འཛིན་ཞིབ་ཚགས་བྱེད་པ་དང་། ཡག་ཐོག་ཡག་བརྩེགས་ཀྱིས་ཏང་གི་འཐུས་མི་ཚོགས་ཆེན་གྱི་སྙན་ཞུ་འཐུས་ཚང་དུ་གཏོང་བ།  ཚོགས་དོན་སྒྲིག་འཛུགས་དང་། གསར་འགྱུར་དྲིལ་བསྒྲགས། བདེ་འཇགས་བརྟན་ལྷིང་སྲུང་སྐྱོབ། རྒྱབ་ཕྱོགས་མཁོ་སྒྲུབ་འགན་ལེན། འཕྲལ་སྡོམ་ཐག་གཅོད་སོགས་ཚོགས་དོན་ལས་དོན་ཁག་གཅིག་གྱུར་འཆར་འགོད་དང་སྐུལ་འདེད་བཏང་ནས་ཏང་གི་འཐུས་མི་ཚོགས་ཆེན་བདེ་བླག་ངང་འཚོགས་པར་ཁོར་ཡུག་ཡག་པོ་སྐྲུན་དགོས། སྤྱོད་བཟང་གཞུང་དྲང་ཀྱི་ཆབ་སྲིད་ཀྱི་སྣང་ཚུལ་འཛུགས་སྐྱོང་བྱེད་པ་དང་།སྐབས་བརྗེའི་“གཏན་འགོག་བཅུའི”སྒྲིག་ཁྲིམས་བླང་བྱ་ལག་བསྟར་ནན་པོ་བྱེད་པ། སྐབས་བརྗེའི་ཉེན་ཁ་གྲལ་བཤེར་དང་སེལ་བར་ཤུགས་སྣོན་བརྒྱབ་སྟེ། ཐེངས་འདིའི་སྐབས་བརྗེའི་བརྒྱུད་རིམ་ཧྲིལ་པོ་བརྟན་བརླིང་དང་གོ་རིམ་ལྡན་པར་ཁག་ཐེག་བྱེད་དགོས། ཏང་གི་འཐུས་མི་ཚོགས་ཆེན་དང་ཁུལ་ཡོངས་ཀྱི་ལས་དོན་ཕན་ཚུན་སྐུལ་འདེད་མཉམ་སྤེལ་མངོན་འགྱུར་བྱུང་བ་དང་། ཚན་རིག་དང་མཐུན་པའི་སྒོ་ནས་ཏང་གི་འཐུས་མི་ཚོགས་ཆེན་དང་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལས་འགན་ཁག་གཅིག་གྱུར་འཆར་འགོད་ཡག་པོ་བྱེད་དེ། ཏང་གི་འཐུས་མི་ཚོགས་ཆེན་འཚོགས་རིང་བསམ་བློ་ལྷོད་དུ་མི་གཏོང་བ་དང་། ལས་དོན་རྒྱུན་ཆད་མེད་པར་སྤེལ་བ། སྒྲིག་ལམ་ཟང་ཟིང་མེད་པར་ཁག་ཐེག་བྱེད་དགོས།