རྫ་ཆུའི་ངོགས་ཀྱི་འཇོལ་རྫོང་གྲོང་གསར་པའི་ཨར་ལས་བྱ་ཡུལ་དུ་ཚ་ཚ་འུར་འུར་ཆེ་ཞིང་གྲོང་གསར་ཞིག་གི་ཐོག་མའི་རྣམ་པ་མངོན་ཡོད། ཝང་ཡུས་པོ་ཡིས་ས་གནས་ས་ཐོག་ཏུ་རྣམ་གྲངས་ཀྱི་འཕེལ་རིམ་ལ་གཟིགས་ཞིབ་གནང་བ་དང་གཙོ་གནད་ལས་འགན་ཞིབ་འཇུག་དང་བཀོད་སྒྲིག་གནང་བ་རེད། ཁོང་གིས་འཇོལ་རྫོང་གི་ཉེན་གཡོལ་གནས་སྤོ་ནི་འཇོལ་སྲིད་ལས་གྲྭ་དང་། དམངས་འཚོའི་ལས་གྲྭ། དམངས་སེམས་ཀྱི་ལས་གྲྭ་བཅས་ཡིན་པས་“བླ་ན་མེད་པ་གཉིས”མཐའ་འཁྱོངས་བྱེད་པ་དང་། འགན་འཁྲི་འཁུར་སེམས་དང་། ལས་འགན་སྒྲུབ་སེམས། དགོས་གཏུགས་ཀྱི་བསམ་པ་བཅས་ཆེ་རུ་བཏང་སྟེ། ད་ལོའི་ལོ་མཇུག་སྔོན་གནས་སྤོའི་ཆ་རྐྱེན་གཏན་འཁེལ་བྱེད་པ་དང་། སང་ལོའི་དཔྱིད་གསར་དུས་ཆེན་གོང་མང་ཚོགས་སྡོད་ཁང་གསར་པའི་ནང་སྤོ་བའི་དམིགས་ཚད་མངོན་འགྱུར་བྱེད་དགོས། སྤུས་ཚད་དང་བདེ་འཇགས་འགན་ལེན་བྱེད་པའི་སྔོན་འགྲོའི་ཆ་རྐྱེན་འོག་བཀོད་སྒྲིག་སྡོད་ཁང་འཛུགས་སྐྲུན་གྱི་འཕེལ་རིམ་མགྱོགས་སུ་གཏོང་བ་དང་། གཞི་རྩ་འགན་ལེན་དང་ཆུ་ཚད་མཐོ་བའི་གཉེར་སྐྱོང་དོ་དམ་མཐའ་འཁྱོངས་བྱེད་པ། གཙང་པོའི་རྒྱུད་ཀྱི་སྐྱེ་ཁམས་སྲུང་སྐྱོང་དང་རྣམ་པར་དོ་དམ་ཚོད་འཛིན་བྱ་རྒྱུར་ཤུགས་སྣོན་རྒྱག་པ། ས་ཁོངས་ཧྲིལ་པོའི་མཛེས་ལྗོངས་ཁུལ་ཞིབ་ཚགས་ངང་འཛུགས་སྐྲུན་བྱེད་པ། རིག་གནས་ཡུལ་སྐོར་དང་ཚོང་དོན་སོགས་སྣ་མང་ལས་རྣམ་གཏོད་པ། ལས་ཞུགས་ལས་གནས་དེ་བས་མང་བ་གསར་སྤེལ་བཅས་བྱས་ནས་གནས་སྤོ་མང་ཚོགས་བློ་བདེ་པོ་དང་ཕྱི་ནས་ཡོང་བའི་ཡུལ་སྐོར་བར་མཐོང་ཐོས་གསར་པ་ཡོང་བར་བྱེད་དགོས། རྫོང་གྲོང་རྙིང་པའི་ས་གཤིས་གནོད་འཚེའི་ཉེན་ཁར་ལྟ་ཞིབ་ཚད་ལེན་དང་འགོག་ཟོན་བྱ་རྒྱུར་ལྷོད་གཡེང་སྤུ་ཙམ་ཡང་མི་གཏོང་བར་དམ་འཛིན་ཡག་པོ་བྱས་ཏེ་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་སྲུང་སྐྱོང་ནུས་ལྡན་བྱེད་དགོས། དུད་ཚང་དུ་གནས་སྤོ་མང་ཚོགས་ལ་བཅར་འདྲི་བྱེད་པར་སྐྱོད་སྐབས་ཚང་མས་ད་ཆ་གཉིད་སྐྱིད་པོ་ཁུག་གི་འདུག་ཅེས་བཤད་པ་ཐོས་སྐབས་ཝང་ཡུས་པོ་ཧ་ཅང་དགའ་པོ་བྱུང་། ཁོང་གིས་ཉེན་གཡོལ་གནས་སྤོ་བདེ་བླག་ངང་ལག་ལེན་དུ་བསྟར་བའི་རྩ་བ་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་དང་ཏང་ཀྲུང་དབྱང་གི་བྱམས་བརྩེའི་ཐུགས་ཁུར་ལ་ཐུག་ཡོད། ཚང་མས་ཏང་གི་བཀའ་དྲིན་ཚོར་བ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ་བཅས་བྱས་ནས་འཚོ་བ་ཉིན་རེ་བཞིན་ཡག་ཏུ་འགྲོ་རྒྱུའི་རེ་བ་ཡོད་ཅེས་བསྟན།

△ ཝང་ཡུས་པོ་ཡིས་འཇོལ་རྫོང་གི་རྫོང་མཁར་གསར་བའི་བཀོད་སྒྲིག་ཁང་པའི་རྣམ་གྲངས་ས་ཚིགས་སུ་གནས་སྤོས་མང་ཚོགས་ལ་འཚམས་འདྲི་གནང་བ།

△ ཝང་ཡུས་པོ་ཡིས་ཨ་ཆེན་མ་ཞིང་ལས་ཐོན་རྫས་གསར་སྤེལ་ཀུང་སིར་ཁྱད་ལྡན་ཞིང་ལས་ཐོན་རྫས་གསར་སྤེལ་གནས་ཚུལ་ལ་བརྟག་ཞིབ་གནང་བ།

ཝང་ཡུས་པོ་ཡིས་ནན་གྱིས་གནང་དོན། བདེ་ཆེན་ཁུལ་གྱིས་ཡང་དག་པའི་སྲིད་དོན་ལས་རྗེས་ལྟ་བའི་སློབ་སྦྱོང་སློབ་གསོའི་གྲུབ་འབྲས་སྲ་བརྟན་དང་། རྒྱ་སྐྱེད། ལག་ལེན་བཅས་བྱས་ཏེ་བརྟན་ལྷིང་དང་། འཕེལ་རྒྱས། སྐྱེ་ཁམས། མཐའ་བརྟན་བཅས་ཀྱི་དོན་ཆེན་བཞི་མུ་མཐུད་དམ་འཛིན་གཏིང་ཟབ་བྱས་ནས་“ལོ་ལྔ་ཚན་བཅོ་ལྔ་པར”འགོ་ཡག་པོ་འཛུགས་ཐུབ་པའི་འགན་ལེན་བྱས་ཏེ་ཡུན་རིང་བདེ་འགོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཐད་རྒྱལ་ཡོངས་ཀྱི་བོད་འབྲེལ་ཁུལ་གྱི་མདུན་གྲལ་དུ་སླེབས་པར་བྱེད་དགོས།

ཅང་ཧྲན་བརྟག་ཞིབ་ནང་ཞུགས་ཡོད།