མཇལ་འཛོམས་གནང་རིང་ལུའོ་ཁྲའོ་ཧྥེང་གིས་ལུའུ་ཧྲན་ལ་ཉེ་བའི་ལོ་ཤས་རིང་ཧྲང་ཧའེ་གྲོང་ཁྱེར་གྱིས་བདེ་ཆེན་ལ་ཁ་གཏད་རོགས་སྐྱོར་བྱས་པར་ཐོབ་པའི་ལས་ཀའི་གྲུབ་འབྲས་སྙན་སེང་ཞུས་པ་རེད། ཁོང་གིས་ལོ་མང་རིང་ཧྲང་ཧའེ་གྲོང་ཁྱེར་གྱིས་བརྩེ་སེམས་ཟབ་མོ་འཆང་བ་དང་། བྱ་བ་དངོས་སྒྲུབ་པ། ཕན་འབྲས་དངོས་ཐོན་ཐབས་བྱེད་པ། སེམས་ནུས་ཡོད་རྒུ་བཏོན་ནས་རྒྱབ་སྐྱོར་བྱེད་པ་བཅས་མཐའ་འཁྱོངས་བྱས་ཏེ་བདེ་ཆེན་ཡུན་རིང་བདེ་འགོད་དང་སྤུས་ཚད་མཐོ་བའི་འཕེལ་རྒྱས་ལ་འདེགས་སྐྱོར་ནུས་ལྡན་བྱས་པས་བདེ་ཆེན་གྱི་མི་རིགས་ཁག་གི་ལས་བྱེད་པ་དང་མང་ཚོགས་ཚོས་དྲིན་ཚོར་དང་བསྔགས་བརྗོད་ཆེན་པོ་ཐོབ་ཡོད། “ལོ་ལྔ་ཚན་བཅོ་ལྔ་པའི”རིང་བདེ་ཆེན་གྱིས་དུས་རབས་གསར་པའི་ཏང་གི་བོད་སྐྱོང་མཛད་ཇུས་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ཏེ་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་ཁུལ་འཛུགས་སྐྲུན་བྱེད་པའི་ཚད་ཤིང་དང་། སྐྱེ་ཁམས་དཔལ་ཡོན་འཛུགས་སྐྱོང་གི་སྣེ་ཁྲིད་དམག་མི། ཡུན་ནན་གྱིས་ཨེ་ཤེ་ཡ་ལྷོ་མར་ཕྱོགས་པའི་བགྲོད་ལམ་གལ་ཆེན། འཛམ་གླིང་གི་“སེམས་ཀྱི་ཉི་ཟླའི”ཡུལ་སྐོར་དམིགས་སའི་དམིགས་ཚད་ཀྱི་ངེས་གནས་བཅས་ལ་དམིགས་ནས་འབད་འཐབ་ཧུར་ཐག་བྱས་ཏེ་རྒྱང་སྐྱོད་ཀྱི་ལམ་བུ་གསར་པའི་ཐོག་ཧྲང་ཧའེ་གྲོང་ཁྱེར་དང་ལག་གདང་སྦྲེལ་ནས། བདེ་ཆེན་གྱིས་རྒྱུན་རྣམ་ཅན་གྱི་སྦྲེལ་མཐུད་ལམ་སྲོལ་སྔར་བས་འཐུས་སྒོ་ཚང་དུ་བཏང་ནས་རོགས་སྐྱོར་དོན་ཚན་རེ་རེ་བཞིན་དོན་འཁྱོལ་བྱ་རྒྱུར་དམ་འཛིན་ཡག་པོ་བྱས་ཏེ་རོགས་སྐྱོར་མ་དངུལ་གྱི་རྣམ་གྲངས་རེ་རེ་བཞིན་དོན་འཁྱོལ་བྱས་ནས་མང་ཚོགས་ལ་ཕན་པ་ཐོབ་པའི་འགན་ལེན་བྱས་ཡོད་ཅེས་གསུང་བཤད་གནང་།

ཅ་ཏིང་ཆུས་དང་བཞུགས་མོལ་ཚོགས་འདུ་འཚོགས་སྐབས་འཇོལ་རྫོང་ཨུའི་འགན་འཁུར་བ་གཙོ་བོའི་ཁ་གཏད་རོགས་སྐྱོར་གྱི་འབྲེལ་ཡོད་ལས་ཀའི་གནས་ཚུལ་གྱི་སྙན་སེང་ལ་གསན་པ་རེད། ལུའོ་ཁྲའོ་ཧྥེང་གིས་ཐོག་མཐའ་བར་གསུམ་དུ་ཅ་ཏིང་ཆུས་ཨུ་དང་ཆུས་སྲིད་གཞུང་གིས་ཐོག་མཐའ་བར་གསུམ་དུ་བདེ་ཆེན་གྱི་བྱ་བ་དེ་རང་ཉིད་ཀྱི་བྱ་བར་བརྩིས་ནས་ཆབ་སྲིད་ཀྱི་འགན་འཁྲི་ལྕི་པོ་དང་སྤུན་ཟླའི་མཛའ་གྲོགས་ལ་བརྟེན་ནས་བདེ་ཆེན་ཁུལ་གྱི་“ལོ་ལྔ་ཚན་བཅུ་བཞི་པའི”རིང་བདེ་བླག་ངང་མཇུག་འགྲིལ་རྒྱུར་རམ་འདེགས་བྱས་ཡོད། ཅ་ཏིང་ཆུས་ཀྱིས་རང་ཁུལ་གྱི་ལས་བྱེད་པའི་ཤེས་ལྡན་མི་སྣ་གསོ་སྐྱོང་དང་འཇོལ་རྫོང་མཁར་གྱི་ཉེན་གཡོལ་གནས་སྤོའི་རོགས་སྐྱོར་དང་རྒྱབ་སྐྱོར་བྱེད་ཤུགས་མུ་མཐུད་ཆེ་རུ་གཏོང་བ་དང་།མཉམ་ལས་བྱ་ཡུལ་འོས་སྦྱོར་དང་།མཉམ་ལས་ལས་སྟེགས་སྐྲུན་པ། གནད་སྨིན་མཛུབ་ཁྲིད་བཅས་བྱས་པ་བརྒྱུད་བདེ་ཆེན་གྱིས་4+2+Nཞེས་པའི་དེང་རབས་ཅན་གྱི་ཐོན་ལས་མ་ལག་མགྱོགས་མྱུར་བསྐྲུན་རྒྱུར་རམ་འདེགས་བྱེད་པ་དང་།ཆ་སྒྲིག་མཉམ་སྐྲུན་མུ་མཐུད་གཏིང་ཟབ་ཏུ་གཏོང་བ། ས་གནས་གཉིས་ཀྱི་རིམ་ཁག་དང་ཁྱབ་ཁོངས་ཁག ལས་རིགས་ཁག་བཅས་ཀྱི་འགྲོ་འོང་དང་། སྤེལ་རེས།མཉམ་འདྲེས་བཅས་ལ་སྐུལ་འདེད་བཏང་ཡོད་ཅེས་བསྟན།

ཀའོ་ཞང་གིས་ཐོག་མཐའ་བར་གསུམ་དུ་ཕྱོགས་གཉིས་པོས་ཕན་ཚུན་རྒྱབ་སྐྱོར་དང་ཕན་ཚུན་རོགས་རམ་བྱས་ནས་ཤར་ནུབ་རྒྱུད་ཀྱི་ལེགས་ཆ་གསབ་རེས་དང་གཉིས་ཁེ་གཉིས་ཕན་གྱི་འཕེལ་རྒྱས་ལམ་བུའི་ཐོག་བསྐྱོད་ཡོད། འབྱུང་འགྱུར་ལ་རྒྱང་ལྟ་བྱེད་སྐབས་ས་གནས་གཉིས་པོས་བློ་སེམས་གཅིག་མཐུན་ངང་མཉམ་དུ་བསྐྱོད་རྒྱུ་མཐའ་འཁྱོངས་ཀྱིས་ཕྱོགས་མང་པོའི་ཐད་ཀྱི་མཉམ་ལས་སྤུས་ཚད་དང་ཕན་འབྲས་མཐོ་རུ་ཏན་ཏིག་བཏང་སྟེ་ཆུ་ཚད་མཐོ་བའི་འཆར་འགོད་ལ་བརྟེན་ནས་འཇོལ་རྫོང་མཁར་གསར་པའི་ཐུན་མོང་མ་ཡིན་པའི་རྣམ་པ་གཏོད་པ་དང་སྤུས་ཚད་མཐོ་བའི་ལེ་ལག་ཚང་བའི་བདེ་སྡོད་ལས་དར་གྱི་རྨང་གཞི་བརྟན་དུ་གཏོང་དགོས། གཉིས་ཁེ་གཉིས་ཕན་མཐའ་འཁྱོངས་བྱས་ཏེ་ཁྱབ་ཁོངས་མང་པོའི་ཐོན་ལས་མཉམ་ལས་ཕྱོགས་ཡོངས་ནས་གཏིང་ཟབ་ཏུ་གཏོང་དགོས། རྒྱུན་དུ་འགྲོ་འོང་བྱ་རྒྱུ་མཐའ་འཁྱོངས་བྱས་ཏེ་ཤེས་ལྡན་མི་སྣ་གསོ་སྐྱོང་དང་། འཛད་སྤྱོད་རོགས་སྐྱོར། རིག་གནས་མཉམ་འདྲེས་སོགས་རིམ་པ་མང་བའི་འགྲོ་འོང་དང་། སྤེལ་རེས། མཉམ་འདྲེས་བཅས་ལ་མུ་མཐུད་ཤུགས་སྣོན་བརྒྱབ་ནས་ས་གནས་གཉིས་པོའི་མི་དམངས་སྤེལ་རེས་མཉམ་འགུལ་ཁྲོད་ཇི་ཙམ་བསྐྱོད་པ་དེ་ཙམ་གྱིས་བརྩེ་བ་ཇེ་ཟབ་ཏུ་གཏོང་དགོས་ཞེས་བསྟན།