ཉེ་ཆར། རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས་རིག་གནས་དང་ཡུལ་སྐོར་པུའུ་དང་། རྒྱལ་ཁབ་འཕེལ་སྒྱུར་ཨུ་ལྷན། བཟོ་འཕྲིན་པུའུ་སོགས་སྡེ་ཚན་10ཡི《ཁང་འཁོར་འཛད་སྤྱོད་ལ་སྐུལ་འདེད་གཏོང་རྒྱུའི་སྐོར་གྱི་བྱ་ཐབས་འགའ་ཞིག》བརྒྱུད་སྤེལ་བྱས་ཤིང་། བྱ་ཐབས་འགའ་ཞིག་ཏུ་གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་ཀྱིས་ཁང་འཁོར(བྱེས་སྡོད་རླངས་འཁོར་དང་། བྱེས་སྡོད་འདྲུད་འཁོར། ཞག་སྡོད་རླངས་འཁོར)གྱི་འཛད་སྤྱོད་ཀྱི་བཀག་རྒྱ་ནུས་ལྡན་བསལ་ནས། ཁང་འཁོར་འཛད་སྤྱོད་ཀྱི་མི་མངོན་པའི་སྟོབས་ཤུགས་འཕེལ་བ་བྱས་་ཏེ། མི་དམངས་ཀྱི་ཉིན་རེ་བཞིན་ཆེ་རུ་འགྲོ་བའི་མཛེས་སྡུག་ལྡན་པའི་འཚོ་བའི་དགོས་མཁོ་དེ་བས་ལེགས་པའི་ངང་སྐོང་རྒྱུ་རེད།

བྱ་ཐབས་འགའ་ཞིག་ནང་། ཁང་འཁོར་མཁོ་སྤྲོད་ཀྱི་སྤུས་ཚད་ལེགས་སུ་གཏོང་བ་དང་། ཁང་འཁོར་ཐོ་འགོད་དང་མཁོ་མེད་དུ་གཏོང་བ་དང་ཁ་ལོ་བའི་གསོ་སྦྱོང་ཡིག་རྒྱུགས་དོ་དམ་ལེགས་སུ་གཏོང་བ། ཁང་འཁོར་ཤར་བགྲོད་དང་འཇོག་ས་འགན་ལེན་བྱེད་པ། ཁང་འཁོར་སྒར་ས་འཛུགས་སྐྲུན་ལ་ཤུགས་སྣོན་རྒྱག་པ། ཁང་འཁོར་ཡུལ་སྐོར་གྱི་ཐོན་རྫས་མཁོ་སྤྲོད་དང་དོ་དམ་ཞབས་ཞུར་ཤུགས་སྣོན་རྒྱག་པ། ཁང་འཁོར་བོགས་གཏོང་ཞབས་ཞུ་འཐུས་སྒོ་ཚང་དུ་གཏོང་བ། དངུལ་རྩའི་རྒྱབ་སྐྱོར་བྱེད་ཤུགས་ཆེ་རུ་གཏོང་བ། ཁང་འཁོར་འཛད་སྤྱོད་ལ་སྐུལ་འདེད་གཏོང་བའི་བྱ་སྤྱོད་ལག་ལེན་བསྟར་བ། བདེ་འཇགས་དོ་དམ་གྱི་འགན་འཁྲི་དོན་འཁྱོལ་བྱེད་པ་བཅས་སྲིད་ཇུས་དང་བྱ་ཐབས་9བཏོན་པ་དེ་ཁང་འཁོར་འཛད་སྤྱོད་ཀྱི་འཁོར་འབྲེལ་ཧྲིལ་པོར་ཁྱབ་ཡོད།