རྒྱལ་སྟོན་གུང་གསེང་རིང་། འབར་རླངས་མཁོ་འདོན་འགན་ལེན་བྱེད་པ་དེ་ཁྱིམ་ཚང་ཁྲི་སྟོང་མང་པོ་དང་འབྲེལ་བ་ཡོད། དུས་ཆེན་རིང་འབར་རླངས་ཀྱི་དམངས་འཚོ་འགན་ལེན་ལས་དོན་ཏན་ཏིག་ངང་ཡག་པོ་སྒྲུབ་ཆེད། བདེ་ཆེན་ཐ་ལ་འབར་རླངས་ཚད་ཡོད་ཀུང་སིས་ཕྱོགས་ཡོངས་ནས་འབར་རླངས་མཁོ་འདོན་འགན་ལེན་གྱི་བྱ་ཐབས་ཁག་དོན་འཁྱོལ་བྱས་ཏེ། རྒྱ་ཆེའི་གྲོང་མི་དང་བཟོ་ཚོང་ལས་རིགས་ཀྱིས་རླངས་སྤྱོད་བརྟན་པོ་དང་བདེ་འཇགས་ཡོང་བར་འགན་ལེན་བྱེད།

གུང་གསེང་རིང་ཁྱིམ་ཚང་དུ་བསྡད་པ་དང་བཟའ་བཏུང་ཟ་མང་བའི་རྐྱེན་གྱིས་འབར་རླངས་སྤྱོད་ཚད་ཆེ་རུ་ཕྱིན་ནས། བདེ་འཇགས་ཀྱི་ཉེན་ཁ་ཡང་ཆེ་རུ་ཕྱིན། བདེ་ཆེན་ཐ་ལ་འབར་རླངས་ཚད་ཡོད་ཀུང་སིའི་མྱུར་བཟོའི་ཚོགས་ཆུང་དང་ཞབས་ཞུའི་འཕྲིན་ལམ་ཉིན་མཚན་མེད་པར་ཤར་བགྲོད་བྱས་ནས་རིགས་ཁག་གི་འབར་རླངས་སྤྱོད་རྒྱུའི་རེ་འདུན་དུས་ཐོག་ཏུ་བདག་སྤྲོད་དང་ཐག་གཅོད་མགྱོགས་མྱུར་ཐུབ་པ་བྱས་ཏེ། གཏུག་བཤེར་བྱས་མ་ཐག་ཐག་གཅོད་ཐུབ་པ་བྱས། སྒྲ་ཕབ། 

བབ་བསྟུན་ལས་རེས་ཡག་པོ་བྱེད་པ་དང་ཆབས་ཅིག བདེ་ཆེན་ཐ་ལ་འབར་རླངས་ཚད་ཡོད་ཀུང་སིས་འབར་རླངས་ལྕགས་མདོང་དྲ་བའི་སྐོར་ཞིབ་གྲལ་བཤེར་བྱེད་ཤུགས་མུ་མཐུད་ཆེ་རུ་བཏང་ནས། མི་མང་པོ་འདུས་ས་དང་ལམ་དུམ་གཙོ་བོར་ཆེད་དོན་གྲལ་བཤེར་བྱས་ཏེ། མངོན་མེད་རྐྱེན་ངན་སྔ་ཙམ་ཤེས་རྟོགས་དང་སྔ་ཙམ་སེལ་ནས་འབར་རླངས་བདེ་འཇགས་ཀྱི་ལས་འཛོལ་མ་ཐོན་གོང་འགོག་བཅོས་བྱས།

དེ་དང་དུས་མཚུངས་སུ་ལས་དོན་མི་སྣས་དུས་མཉམ་དུ་འབར་རླངས་བདེ་འཇགས་ཀྱི་ཚན་རིག་ཁྱབ་གདལ་དྲིལ་བསྒྲགས་བྱས་ཏེ། ཡུལ་དངོས་སུ་འགྲེལ་བཤད་བྱས་པ་དང་དཔྱད་གཞི་སྤྲོད་པ་སོགས་ཀྱི་བྱ་ཐབས་བརྒྱུད།  གྲོང་མི་དང་ཚོང་དུད་ལ་རྒྱུན་གཏན་གྱི་འབར་རླངས་སྤྱོད་པའི་ཚད་གཞི་དང་ལྷག་རླངས་ཤོར་བའི་དབྱེ་འབྱེད་ཐབས་ཤེས།  དེ་བཞིན་བབ་བསྟུན་ཐག་གཅོད་བརྒྱུད་རིམ་སོགས་ཁྱབ་གདལ་བཏང་ནས།  མང་ཚོགས་ཀྱི་བདེ་འཇགས་དོགས་ཟོན་གྱི་འདུ་ཤེས་དང་བབ་བསྟུན་ཐག་གཅོད་ཀྱི་ནུས་པ་ཆེ་རུ་གཏོང་། སྒྲ་ཕབ། 

རྒྱལ་སྟོན་གུང་གསེང་རིང་འབར་རླངས་ཀྱི་ཡུལ་དངོས་དང་པོའི་ལས་དོན་མི་སྣས་ལས་གནས་བརྟན་སྲུང་བྱས་ཏེ། རྒྱུན་མི་ཆད་པར་སྐོར་ཞིབ་དང་ཕན་ནུས་ཆེ་བའི་བབ་བསྟུན་ཐག་གཅོད་བྱས་ནས་བདེ་འཇགས་ཀྱི་མཐའ་ཚད་བརྟན་སྲུང་བྱས། དུས་དང་རྣམ་པ་ཀུན་ཏུ་སེམས་ཁྲལ་བྱེད་པ་ཞེས་པའི་འགན་འཁྲིའི་ཁུར་སེམས་ལ་བརྟེན་ནས། མང་ཚོགས་དུས་བདེ་ཞི་མཐུན་གྱི་རྒྱལ་སྟོན་དུས་ཆེན་གཏོང་ཐུབ་པར་འགན་ལེན་བྱས།