ཉེ་བའི་ལོ་ཤས་རིང་། སེམས་ཀྱི་ཉི་ཟླ་གྲོང་ཁྱེར་གྱིས་རི་ཀླུང་སྔོ་ལྗང་ནི་གསེར་དངུལ་རི་ཡིན་པའི་འདུ་ཤེས་ལག་བསྟར་གཏིང་ཟབ་བྱས། རྒྱུན་མཐུད་ངང་སྦགས་བཙོག་འགོག་བཅོས་འགག་སྒྲོལ་ལ་སྐུལ་འདེད་བཏང་བ་དང་། སྐྱེ་ཁམས་བདེ་འཇགས་སྲུང་ཡོལ་སྔར་བས་སྲ་བརྟན་དུ་བཏང་། འོས་འགན་དུ་ཤིང་ཕུང་ས་ཡ་དགུ་འབུམ་ལྔ་ཁྲི་ལྔ་སྟོང་གཅིག་བཙུགས་པ་དང་། ནགས་ཚལ་མུའུ་འབུམ་གསུམ་སྟོང་བརྒྱད་སྲུང་སྐྱོང་དང་ཉམས་གསོ་བྱས། མཁའ་རླུང་སྤུས་ཚད་དང་འཐུང་ཆུ་ཆུ་འགོའི་ཆུ་སྤུས་ལེགས་ཚད་བརྒྱ་ཆ་བརྒྱ་རྒྱུན་འཁྱོངས་བྱས། ནུས་ཤུགས་ཡོད་རྒུས་ནགས་ཕག་མཚོའི་ཆུ་སྤུས་བཅོས་སྐྱོང་གསུམ་དང་ལེགས་བཅོས་གཅིག་ཅེས་པར་སྐུལ་འདེད་བཏང་ནས་ཉམས་ཞན་དུ་གྱུར་པའི་འདམ་ར་སྤྱི་ཆིང་སུམ་བརྒྱ་དོན་ལྔ་ལྷག་ཉམས་གསོ་བྱས་པས་ཆུ་སྤུས་བརྟན་པོའི་ངང་ལེགས་སུ་ཕྱིན།  པོ་ཏ་མཚོ་སྐྱེ་ཁམས་སྲུང་སྐྱོང་གི་ཕྱོགས་བསྡུས་ཁ་གསབ་བྱེད་སྟངས་དེ་རྒྱལ་ཡོངས་སུ་ཁྱབ་གདལ་བཏང་ནས་ལོ་ལྟར་ནགས་འོག་དཔལ་འབྱོར་གྱི་སྤྱིའི་རིན་ཐང་སྒོར་དུང་ཕྱུར་དྲུག་བྱེ་བ་ལྔ་ཟིན། ལྗང་མདོག་ཕྱོགས་སྒྱུར་ཀྱི་གོམ་སྟབས་མགྱོགས་སུ་གཏོང་བ་དང་། ཐུན་མོང་་ནགས་དབང་ལམ་ལུགས་བསྒྱུར་བཅོས་ལ་སྐུལ་འདེད་གཏོང་། སྐྱེ་ཁམས་ཀྱི་ཐཱན་འདུས་རིན་ཐང་མངོན་འགྱུར་ཀྱི་ཐབས་ལམ་འཚོལ་ཞིབ་བྱེད། ཡུན་ནན་ནུབ་བྱང་གི་སྐྱེ་དངོས་སྣ་མང་རང་བཞིན་སྲུང་སྐྱོང་འཆར་གཞི་ལག་བསྟར་བྱས། སེམས་ཀྱི་ཉི་ཟླའི་རྒྱལ་ཁབ་སྤྱི་གླིང་གསར་སྐྲུན་བདེ་བླག་ངང་སྤེལ།