ཟླ་7པའི་ཚེས་28ཉིན་གྱི་ཕྱི་དྲོ་བེ་ཤ་སོས་པ་ཏུན་9.864བླུགས་པའི་གནམ་གྲུ་ཞིག་བདེ་བླག་ངང་འཕུར་འགོ་ཚུགས་པ་དེའི་ཐོག་ནས་2026ལོའི་བདེ་ཆེན་བེ་ཤའི་དུས་ཚིགས་ཀྱི་ཧྲུན་ཧྥུང་ཟོག་འདྲེན་གནམ་གྲུ་དངོས་སུ་སྤྱོད་འགོ་ཚུགས་པ་མཚོན་ཡོད། རང་ཁུལ་ནས་གསར་དུ་འཐུ་བའི་བེ་ཤ་དེ་“མཁའ་དབྱིངས་ཀྱི་མྱུར་ལམ”བརྒྱུད་ནས་ས་མཐོ་ནས་ཐོན་ཏེ་རྒྱལ་ཁབ་ཕྱི་ནང་གི་འཛད་སྤྱོད་ཁྲོམ་ར་ཆེ་གྲས་ཁག་ཏུ་མགྱོགས་མྱུར་ངང་སྐྱེལ་རྒྱུ་རེད།

ཤེས་རྟོགས་བྱུང་བར་ལྟར་ན། ཧྲུན་ཧྥུང་མཁའ་འགྲུལ་གྱིས་ཟླ་7པའི་ཚེས་28ཉིན་ནས་བཟུང་བདེ་ཆེན་—ཁུན་མིང་—ཨེ་ཀྲོའུ་བར་གྱི་བེ་ཤའི་ཟོག་འདྲེན་གནམ་གྲུ་མཁའ་ལམ་ཐོག་འཕུར་སྐྱོད་བྱེད་འགོ་ཚུགས་ཡོད་པ་དང་། ཉིན་ལྟར་གནམ་གྲུ་ཐེངས་གཅིག་རེ་གཏོང་བཞིན་ཡོད།  ཉིན་གཅིག་རིང་བེ་ཤ་འཐུ་བ་དང་།  ཉིན་གཅིག་རིང་དབྱེ་གསེད།  ཉིན་གཅིག་རིང་འཕྲུལ་འཁོར་སྒྲིག་སྦྱོར། ཕྱི་ཉིན་དམིགས་སར་འབྱོར་ཐུབ་པའི་ཕན་ཆེའི་འཁོར་རྒྱུག་བཅས་བྱེད་ཐུབ་ཀྱི་ཡོད།

ཧྲུན་ཧྥུན་ཀུང་སི་སེམས་ཀྱི་ཉི་ཟླའི་ཡུག་ཁུལ་གྱི་འགན་འཁུར་བ་ལི་ཞའོ་ལེང་གིས་ཉིན་འདི་ནི་ཧྲུན་ཧྥུང་བེ་ཤའི་ཟོག་འདྲེན་གནམ་གྲུ་འཕུར་ཐེངས་དང་པོ་ཡིན་ལ།  ཀུང་སིས་ཐོན་ཡུལ་ནས་ཐད་ཀར་ཚོང་ཟོག་བསྐུར་ནས་བདེ་ཆེན་གྱི་སྤུས་ལེགས་བེ་ཤ་སོས་པ་རི་ནས་ཐོན་ཏེ་རྒྱལ་ཡོངས་དང་ཐ་ན་ཕྱི་རྒྱལ་དུ་མགྱོགས་མྱུར་ཤར་གཏོང་ཐུབ་པ་བྱ་རྒྱུ་ཡིན་ཟེར།

གོམ་སྟབས་རྗེས་མར་ཧྲུན་ཧྥུང་མཁའ་འགྲུལ་གྱིས་ཆེད་ལས་ཟོག་འགྲེམས་སྟོབས་ཤུགས་ལ་བརྟེན་ནས་ས་གནས་དེ་གའི་ཁྱད་ལྡན་ཐོན་ལས་འཕེལ་རྒྱས་ལ་མུ་མཐུད་སྐུལ་འདེད་བཏང་སྟེ་ཞིང་དུད་ལ་འབབ་འཕར་དང་ཐོན་ལས་ཀྱི་སྤུས་ཚད་མཐོ་རུ་གཏོང་རོགས་བྱ་རྒྱུ་རེད།  ཉིན་དེར་ཁུལ་འགྲིམ་འགྲུལ་སྐྱེལ་འདྲེན་ཅུས་ཀྱིས་ད་དུང་ཡུན་ནན་ཧྲུན་ཧྥུང་ཀུང་སི་དང་ཟོག་འདྲེན་གནམ་གྲུའི་མཁའ་ལམ་གྱི་མཉམ་ལས་གྲོས་མཐུན་ལ་མིང་རྟགས་བཀོད་དེ་ཟོག་འདྲེན་གནམ་གྲུའི་མཁའ་ལམ་གྱི་ཐེངས་གྲངས་སྔར་བས་ཇེ་མང་དུ་བཏང་བ་རེད།