ཚོགས་འདུའི་ཐོག འབའ་ལུང་རྫོང་སྲིད་གཞུང་གི་འགན་འཁུར་བློ་མཐུན་གཙོ་བོས་ལས་དོན་གྱི་གནས་ཚུལ་སྙན་སེང་ཞུས་པ་དང་ཁུལ་རིམ་པའི་འབྲེལ་ཡོད་སྡེ་ཚན་གྱི་འགན་འཁུར་བས་འབའ་ལུང་རྫོང་གིས་ཐག་གཅོད་བྱ་རྒྱུ་སྐོར་རེ་བ་ཞུས་པའི་དོན་ཚན་ལ་ལན་བརྒྱབ་པ་དང་འབྲེལ་ལས་ཀའི་གྲོས་འགོ་ཡང་བཏོན་པ་རེད།

ཚོགས་འདུའི་ཐོག་དགོས་གཏུགས་ཀྱི་བསམ་པ་དང་ཉེན་ཁའི་བསམ་པ་ཆེ་རུ་ཏན་ཏིག་བཏང་ནས་འཕར་སྣོན་བརྟན་པོ་ཡོང་བ་བྱ་རྒྱུ་དེ་མིག་སྔའི་ཆབ་སྲིད་ཀྱི་ལས་འགན་གཙོ་བོར་བརྩིས་ཏེ་ཤི་གསོན་ཐག་གཅོད་ཀྱི་དམག་འཐབ་ཀྱི་ཆོད་སེམས་དང་བྱ་ཐབས་བཏོན་ནས་ལོ་ཧྲིལ་པོའི་དཔལ་འབྱོར་ལས་དོན་གྱི་མགོ་རྟིང་སློག་པའི་དམག་འཐབ་མཐའ་གཅིག་ཏུ་ཡག་པོ་རྒྱག་དགོས། ནུས་ཤུགས་ཡོད་རྒུས་བཟོ་ལས་ཀྱི་ལྡོག་ཕྱོགས་དྲང་ཕྱོགས་སུ་བསྒྱུར་བར་སྐུལ་འདེད་གཏོང་བ་དང་།གསོག་ཚད་བརྟན་པོ་དང་ཐོན་ཚད་ཡོངས་རྫོགས་འགན་ལེན་བྱེད་པ།གློག་ཤུགས་དམ་འཛིན་དང་འཕར་ཚད་རྒྱ་སྐྱེད་གཏོང་བ།ཐོན་སྐྱེད་བསྐྱར་མར་སྐུལ་འདེད་གཏོང་བ།གསོ་སྐྱོང་དམ་འཛིན་བྱེད་པ།གསར་པ་གསོ་སྐྱོང་དང་གཏིང་ཤུགས་ཆེ་རུ་གཏོང་བ་བཅས་བྱས་ཏེ་དཔལ་འབྱོར་གྱི་གཞི་རྩའི་སྡེར་མ་བརྟན་པོ་མཐའ་གཅིག་ཏུ་ཡོང་བ་བྱེད་དགོས།ཐབས་མང་མཉམ་སྤྱོད་ཀྱིས་ཞིང་ལས་བརྟན་པོའི་ངང་བསྐྱར་འཕར་ཡོང་བར་སྐུལ་འདེད་གཏོང་བ་དང་།འབྲུ་རིགས་བདེ་འཇགས་ཀྱི་མ་མཐའི་མཚམས་ཐིག་མཐའ་གཅིག་ཏུ་སྲུང་བ།ཀྲུང་ལུགས་སྨན་རྒྱུ་འཚོལ་བསྡུ་དང་ལས་སྣོན་བྱེད་པའི་ལྕགས་ཐག་ཧྲིལ་པོའི་ལྷུ་ཚིགས་ཁག་དམ་འཛིན་ཏན་ཏིག་བཅས་བྱས་ཏེ་ཁྱད་ལྡན་ཐོན་ལས་ཀྱི་སྤུས་ཚད་དང་ཕན་འབྲས་མཐོ་རུ་གཏོང་བར་སྐུལ་འདེད་གཏོང་དགོས།མ་དངུལ་འཇོག་ཚད་མར་ཆག་པའི་རྣམ་པ་ནུས་ཤུགས་ཡོད་རྒུས་བསྒྱུར་བ་དང་།འཛུགས་སྐྲུན་བྱེད་བཞིན་པའི་རྣམ་གྲངས་གཙང་བཤེར་ཅན་དུ་འགྱུར་བར་སྐུལ་འདེད་གཏོང་བ།ལས་འགོ་མ་བརྩམས་པའི་རྣམ་གྲངས་ལས་འགོ་རྩོམ་པར་སྐུལ་འདེད་གཏོང་བ།རྣམ་གྲངས་དག་ཐེར་ཡོ་བསྲང་དོན་འཁྱོལ་དམ་འཛིན་བཅས་བྱས་ཏེ།ཁྱོན་ཡོངས་རང་བཞིན་དང་འདེགས་སྐྱོར་རང་བཞིན་གྱི་རྣམ་གྲངས་གལ་ཆེན་ཁག་ཅིག་སྔོན་ཚུད་ནས་ཇུས་འགོད་དང་གསོག་འཇོག་བྱེད་དགོས།ཨར་ལས་མར་ཆག་པའི་འཕེལ་ཕྱོགས་བཀག་འགོག་མཐའ་གཅིག་ཏུ་བྱས་ཏེ་ཐོ་འགོད་བྱ་ཡུལ་གྱི་ཐོབ་ཐང་ནང་གི་ཨར་ལས་ཁེ་ལས་ལ་གཙོ་གནད་ཐོག་རོགས་སྐྱོར་བྱེད་པ་དང་དུས་ཚིགས་གསུམ་པའི་ཨར་ལས་བསྡོམས་རྩིས་དང་ཚོད་རྩིས་བྱེད་ཐབས་ལེགས་སྒྲིག་བྱ་རྒྱུར་གཙོ་གནད་ཐོག་དོ་ཁུར་བྱས་ནས་མ་འཇོག་དང་ཐོན་རྫས་རིན་ཐང་དུས་གཅིག་ཏུ་འཕར་བ་བྱེད་དགོས།འཛད་སྤྱོད་ཀྱི་མི་མངོན་པའི་སྟོབས་ཤུགས་སྔོག་འདོན་གཏིང་ཟབ་བྱས་ཏེ་སིལ་ཚོང་དང་བཟའ་བཏུང་འཕར་བའི་རྣམ་པ་བཟང་པོ་སྲ་བརྟན་དུ་གཏོང་བ་དང་ཞག་སྡོད་ལས་རིགས་ཀྱི་ཞན་ཆ་ནུས་ཤུགས་ཡོད་རྒུས་གསབ་ནས་ཆོག་མཆན་ཐོབ་པའི་སྡོད་ཁང་མཉམ་དུ་བསྐྱར་འཕར་ཡོང་རྒྱུར་སྐུལ་འདེད་གཏོང་དགོས།ཞབས་ཞུའི་ལས་རིགས་ཀྱི་གྲུབ་ཆ་གཙོ་བོ་སྐྱེད་སྲིང་བྱེད་མགྱོགས་སུ་གཏོང་བ་དང་ཁུལ་ཡོངས་ཀྱི་ཞབས་ཞུའི་ལས་རིགས་འཕེལ་རྒྱས་ཚོགས་ཆེན་གྱི་དགོངས་དོན་ལག་བསྟར་དོན་འཁྱོལ་བྱས་ནས་སྐྱེད་སྲིང་གི་ཟུར་བཙུགས་རྩིས་ཁྲ་བཟོས་ཏེ་"ཕྱི་འདྲེན་"དང་"ནང་འདྲེན་"གྱི་ཁྲོམ་རའི་གྲུབ་ཆ་གཙོ་བོ་བཙུགས་དགོས།བསྡོམས་རྩིས་ཀྱི་རྨང་གཞི་བརྟན་དུ་བཏང་ནས་བསྡོམས་རྩིས་སློབ་སྦྱོང་དང་།བསྡོམས་རྩིས་ཤེས་པ།བསྡོམས་རྩིས་སྤྱོད་པ་བཅས་ཀྱི་ནུས་པ་ཆེ་རུ་བཏང་སྟེ་གཅིག་གྱུར་ཡོང་བར་འགན་ལེན་ཏན་ཏིག་བྱེད་དགོས།གནད་དོན་དག་ཐེར་ཡོ་བསྲང་དམ་འཛིན་ནན་པོ་དང་ཏན་ཏིག་བྱེད་པ་དང་།དངོས་གནས་ནན་པོ་དང་མཁྲེགས་སར་གཏུག་ནས་བསགས་འབོར་གནད་དོན་མཛོད་ཁང་གཙང་བཤེར་དང་མཐིལ་རྟོགས་བྱེད་པར་སྐུལ་འདེད་གཏོང་དགོས་ཞེས་ནན་བཤད་གནང་བ་རེད།

ཚོགས་འདུའི་ཐོག་རྩ་འཛུགས་ཀྱི་འགོ་ཁྲིད་ལ་ཤུགས་སྣོན་བརྒྱབ་ནས་རིམ་པ་བཞིན་འགན་འཁྲི་ཏན་ཏིག་འཁུར་དགོས། རྩིས་ཁྲའི་དོ་དམ་དོན་འཁྱོལ་བྱས་ནས་སྒོ་རྒྱག་རྒྱུར་སྐུལ་འདེད་གཏོང་དགོས། ལྟ་སྐུལ་མཛུབ་ཁྲིད་དང་དཔྱད་ཞིབ་བྱེད་ཤུགས་ཆེ་རུ་བཏང་ནས་དངོས་སྒྲུབ་འགན་འཁུར་ལ་སྐུལ་མ་གཏོང་དགོས། ནུས་ཤུགས་ཡོད་རྒུས་འགག་སྒྲོལ་དཀའ་སེལ་བྱས་ཏེ་བྱེད་ཐབས་བཙན་པོ་ཁག་དོན་ཐོག་ཏུ་འཁྱོལ་བ་བྱེད་དགོས། ལོ་འཁོར་གྱི་མཇུག་བསྡུ་བར་དམིགས་ནས་ལོ་རྗེས་མའི་ལས་དོན་ཡག་པོ་སྒྲུབ་དགོས། མ་མཐའི་མཚམས་ཐིག་གི་བསམ་བློ་བརྟན་པོ་བཙུགས་ནས་ནགས་ཚལ་དང་རྩྭ་ཐང་གི་མེ་གསོད་དང་ས་ཡོམ་གྱི་ཉེན་ཁ་སྔོན་འགོག་སོགས་ཀྱི་བདེ་འཇགས་ལས་དོན་ཁག་ལ་སྤྱི་འདོམས་དམ་འཛིན་ཡག་པོ་བྱེད་དགོས། གོང་འོག་མཉམ་འགུལ་གཏིང་ཟབ་ཏུ་བཏང་ནས་འགག་སྒྲོལ་མཉམ་ཤུགས་གཅིག་སྒྲིལ་གྱིས་འགག་གནད་དང་དཀའ་གནད་སེལ་དགོས་པའི་བླང་བྱ་བཏོན་པ་རེད།

ཁུལ་གྱི་འགོ་ཁྲིད་ཡུས་ཀུའེ་ཧྥེན་དང་། མ་གོ་ཀྲུང་། ཀྲོང་ཞའོ་ཕིང་བཅས་ཚོགས་འདུ་དང་བརྟག་ཞིབ་ནང་ཞུགས་པ་རེད།