ཚོགས་འདུའི་ཐོག་བོད་འབྲེལ་ས་ཁུལ་གྱི་ངེས་གནས་དང་སྐྱེ་ཁམས་ནུས་པའི་ས་ཁུལ་གྱི་བླང་བྱར་གཞི་ཚུགས་ཏེ་ནོར་ཁྲལ་དང་། དངུལ་རྩ། རྣམ་གྲངས་རོགས་སྐྱོར་སྲིད་ཇུས་བཅས་ལ་ལེགས་སུ་གཏོང་བ་དང་། ཤེས་ལྡན་མི་སྣ་གསོ་སྐྱོང་ཉར་སྤྱོད་ལམ་སྲོལ་འཐུས་ཚང་དུ་གཏོང་བ། གསར་གཏོད་ལས་སྐྲུན་གྱི་ཁོར་ཡུག་བཟང་པོ་བསྐྲུན་པ་བཅས་བྱ་དགོས། ཐོན་ལས་འཕེལ་རྒྱས་དང་སྐྱེ་ཁམས་བདེ་འཇགས། ཐོན་ལས་བདེ་འཇགས་གཅིག་གྱུར་འཆར་འགོད་བྱས་ཏེ་ཉེན་ཟོན་སྔོན་བརྡ་གཏོང་བ་དང་སྔོན་འགོག་ཚོད་འཛིན་མ་ལག་འཐུས་སྒོ་ཚང་དུ་བཏང་ནས་ཞིང་ཆེན་ཡོངས་ཀྱི་ཐོན་ལས་འཕེལ་རྒྱས་ཀྱི་བཀོད་པའི་ནང་རང་འགུལ་ངང་མཉམ་འདྲེས་ཐུབ་པ་བྱེད་དགོས། རྒྱ་ཆེའི་ལས་བྱེད་པས་ཚན་རྩལ་ཐོན་ལས་ཀྱི་ཆེད་ལས་ནུས་པ་རྒྱུན་མཐུད་ངང་ཆེ་རུ་གཏོང་བ་དང་། ཚན་རིག་དང་མཐུན་པའི་ཇུས་འགོད་དང་སྲིད་ཇུས་ལག་བསྟར་བྱས་ཏེ། “ལོ་ལྔ་ཚན་བཅོ་ལྔ་པའི་”དུས་སྐབས་ཀྱི་འབྱུང་འགྱུར་གྱི་ཐོན་ལས་དོན་ཐོག་ཏུ་འཁྱོལ་བ་དང་ཕན་འབྲས་ཐོན་པར་སྐུལ་འདེད་བརྟན་པོ་གཏོང་དགོས་ཞེས་ནན་བཤད་གནང་བ།

ཚོགས་འདུའི་ཐོག་ད་དུང་འབྲེལ་ཡོད་དོན་ཚན་གཞན་དག་ལ་ཞིབ་འཇུག་དང་གྲོས་ཞིབ་བྱས་པ་རེད།