ང་ནི་ལོ་རབས་95པའི་ནང་སྐྱེས་པ་ཞིག་ཡིན། སློབ་མཐར་ཕྱིན་ནས་གྲོང་ཚོར་ལོག་རྗེས་ཨ་ཕ་ལགས་ཀྱིས་ང་ལ་ཚོང་ཁང་ཞིག་སྤྲད་ལ། ང་རང་ཨ་མའི་མདུན་ནས་ལག་རྩལ་རྒྱུན་འཛིན་བྱས་པ་ཡིན། སེམས་ཀྱི་ཉི་ཟླ་གྲོང་ཁྱེར་ཉི་ཤར་ཤང་བདེ་སྐྱིད་གྲོང་ཚོའི་བོད་རིགས་བུ་མོ་བསྟན་འཛིན་གཡུ་སྒྲོན་གྱིས་བབ་ཆགས་ལ་དྲོ་སྐྱིད་ལྡན་པའི་འགོ་ཚུགས་མཛད་སྒོའི་ཐོག་ནས་མོས་རྒྱུན་གཏན་གྱི་འཚོ་བ་ཐོ་འགོད་བྱེད་འགོ་ཚུགས། བརྙན་མིག་ནང་ཁོ་མོས་སྐབས་རེ་ཚིག་ཐ་ཚོང་ཁང་ནང་བློ་རྩེ་གཅིག་སྒྲིམ་གྱིས་མེ་ཏོག་འཐེན་པ་དང་སྐབས་རེ་འཚེམ་བཟོ་ཁང་ནང་ཁབ་སྐུད་བརྒྱུས་བཞིན་ཡོད། རྣམ་པ་མི་འདྲ་བ་གཉིས་ཁོ་མོའི་ལུས་སྟེང་དུ་འཆམ་མཐུན་མཉམ་འདྲེས་བྱུང་བས་དྲ་གྲོགས་མང་པོའི་དགའ་བསུ་ཐོབ།

ཉི་ཤར་ཤང་བདེ་སྐྱིད་གྲོང་ཚོ་ནི་ཁ་བ་དཀར་པོ་དང་འབའ་ལྷག་དཀར་རྫོང་དུ་སྐྱོད་སའི་མཛེས་ལྗོངས་ཁུལ་ཆེན་པོ་གཉིས་ཀྱི་བསྐྱོད་མཚམས་སུ་གནས་ཡོད། བསྟན་འཛིན་གཡུ་སྒྲོན་གྱི་ཚོང་ཁང་ཆུང་ཆུང་དེ་ཡུལ་ལྗོངས་འབྲེལ་བའི་ལམ་འགྲམ་དུ་ཁུ་སིམ་མེར་གནས་ཡོད། ཁང་པ་ཆུང་ཆུང་གཉིས་ཀྱི་ནང་མོས་་དགའ་ཞེན་དང་བརྟན་སྲུང་ཡོངས་རྫོགས་འདུས་ཡོད་པ་སྟེ།ཁང་པ་གཅིག་ནང་ཚིག་ཇའི་དྲི་ཞིམ་འཐུལ་བ་དང་དེ་ནི་མོའི་2023ལོར་ཕ་ཡུལ་དུ་ལོག་ནས་ལས་གཏོད་བྱེད་པའི་འགོ་འཛུགས་ས་དེ་རེད།ཁང་པ་གཞན་ཞིག་ནི་རས་དང་ཁབ་སྐུད་ཀྱི་གནམ་ས་ཡིན་ཞིང་།གྱང་ངོས་སུ་བོད་ཆས་སྤུས་ལེགས་མང་པོ་བཀལ་བ་དང་འཚེམ་འཁོར་གྱི“ཏག་ཏག”དང་ལག་ཤེས་སྒྲོག་ཙེའི“སི་སི”ཡི་སྒྲ་མཉམ་དུ་གྲགས་ཀྱི་ཡོད།

ཚེམ་བཟོ་ཁང་དུ་ཀློག་གླད་ཀྱི་ཐོག་ཏུ་སྨད་གཡོགས་ཀྱི་བཟོ་ལྟ་དང་ནུབ་ལྭའི་སྨད་གཡོགས་ཀྱི་བཟོ་ལྟ་སོགས་ལག་བྲིས་དཔེ་རིས་མང་པོ་བྲིས་ཡོད་པ་དང་འཁྱོག་ཐིག་རེ་རེ་ལས་མོས་བོད་ཆས་བཟོ་བའི་གཟབ་ནན་དང་ལྷག་བསམ་མངོན་ཐུབ།ཆུང་དུས་སུ་ཨ་མས་གཞས་འཁྲབ་སྐབས་སྨད་གཡོགས་ལྷབ་ལྷབ་དུ་གཡོ་ནས་འཁྲབ་སྟངས་ལ་བལྟ་བར་ཧ་ཅང་དགའ།དེ་ལ་ཡིད་སྨོན་སྐྱེས་བྱུང་ཞེས་བསྟན་འཛིན་གཡུ་སྒྲོན་གྱིས་ཕྱིར་དྲན་བྱེད་བཞིན་བཤད་པ་དང་།མོས་དགའ་ཞེན་དེ་ལག་རྩལ་ཞིག་ཏུ་བསྒྱུར་ཆེད་སློབ་ཆེན་ཐོན་རྗེས་མི་རང་ཆེད་དུ་ཁུན་མིང་གི་གྱོན་ཆས་བཟོ་གྲྭ་རུ་དེང་རབས་གྱོན་ཆས་ཇུས་འགོད་དང་པར་གཞི་བཟོ་རྒྱུར་སློབ་སྦྱོང་བྱས་པ་རེད།

2023ལོར་མོས་ལག་ཤེས་དང་ཕ་ཡུལ་གྱི་དྲན་གདུང་འཁྱེར་ནས་བདེ་སྐྱིད་གྲོང་ཚོར་ལོག་པ་དང་ཨ་མའི་མཛུབ་སྟོན་འོག་མོས་ཉི་ཤར་གྱི་སྲོལ་རྒྱུན་གྱོན་ཆས་བཟོ་སྟངས་སླར་ཡང་བསླབ་པ་རེད།ཉིན་བརྩེགས་ཉིན་ལྟར་སྦྱོང་བརྡར་བྱས་པ་བརྒྱུད། བསྟན་འཛིན་གཡུ་སྒྲོན་གྱིས་ཐོག་མཐའ་བར་གསུམ་དུ་སྲོལ་རྒྱུན་དང་ལེགས་བཅོས་དབར་དོ་སྙོམས་ཡོང་ཐབས་བྱེད་ཀྱི་ཡོད། 2025ལོའི་ཟླ་9པར་མོ་ལ་དོར་མ་དང་པོའི་མངགས་ཐོ་འབྱོར་བ་ནས་བཟུང་མངགས་ཐོ་མང་པོ་ཞིག་ཕྱོགས་བཞི་མཚམས་བརྒྱད་ནས་འབྱོར་ཏེ་ལམ་འགྲམ་གྱི་ཚོང་ཁང་ཆུང་ཆུང་དེར་འོད་སྣང་སྦྱིན།

ལོ་གསར་གཏོང་སྐབས་གྱོན་ཆས་གསར་པ་གྱོན་རྒྱུ་ནི་ང་ཚོ་བོད་རིགས་ཀྱི་ལུགས་སྲོལ་ཡིན། དུས་ཚོད་དེའི་རིང་མངགས་ཐོ་ཧ་ཅང་མང་པོ་ཡོད་ཅེས་བསྟན་འཛིན་གཡུ་སྒྲོན་གྱིས་དགའ་ཚོར་ཆེན་པོས་བཤད། མོ་ཡི་ངོས་ནས་བརྗོད་ན། ལས་གཏོད་ཀྱི་གྲུབ་འབྲས་ཆེ་ཤོས་ནི་བྱ་གཞག་གི་འགོ་འཛུགས་ས་ཡིན་པ་མ་ཟད། བྱ་གཞག་དང་ཁྱིམ་ཚང་གི་དྲོ་སྐྱིད་ལ་དེ་བས་ཀྱང་ལྟ་རྟོག་བྱེད་ཐུབ། ཁྱིམ་གྱི་སྒོ་འགྲམ་དུ་ལས་གཏོད་བྱེད་སྐབས། ཨ་མས་བསྐོལ་བའི་ཇ་བསྲུབས་མ་འཐུང་ཐུབ་པ་མ་ཟད། ད་དུང་ནང་ལས་དང་རྒན་རྒོན་ལ་ལྟ་རྟོག་བྱེད་ཐུབ་ཀྱི་ཡོད། ཁྱིམ་མི་སྲུང་བ་དང་། བྱ་གཞག་ལ་དགའ་ཞེན་བྱེད་པ། ཕ་ཡུལ་གྱི་ལག་ཤེས་རྒྱུན་འཛིན་ཐུབ་པ་བཅས་ནི་ངའི་སེམས་ནང་གི་བདེ་སྐྱིད་ཆེ་ཤོས་དེ་ཡིན་ཅེས་བཤད་བྱུང་།

འབྱུང་འགྱུར་སྐོར་གླེང་སྐབས་མོས་ངས་ཐད་གཏོང་བྱེད་རྩིས་ཡོད། མི་དེ་བས་མང་བས་ཉི་ཤར་གྱོན་ཆས་ཀྱི་ཡིད་དབང་འཕྲོག་ཤུགས་མཐོང་བ་དང་བོད་ཆས་ཀྱི་རིག་གནས་གཏམ་རྒྱུད་ཤེས་རྟོགས་ཐུབ་པ་བྱ་རྒྱུ་ཡིན། དེ་དང་ཆབས་ཅིག་སྲོལ་རྒྱུན་བརྟན་སྲུང་བྱེད་པའི་རྨང་གཞིའི་ཐོག་གསར་གཏོད་རྒྱུན་ཆད་མེད་པར་བྱས་ཏེ་རྒྱུན་གཏན་གྱི་གྱོན་ཆས་དང་ཡུལ་སྐོར་གྱི་པར་རྒྱག་བྱང་བུ་དང་འཚམ་པའི་མི་རིགས་ཀྱི་གྱོན་ཆས་དེ་བས་མང་བ་བཟོ་དགོས་ཞེས་བཤད་བྱུང་།མོའི་བསམ་ཚོད་ལྟར་ན། འབྱུང་འགྱུར་གྱི་འཚེམ་བཟོ་ཁང་དེ་མི་རིགས་རིག་གནས་བརྒྱུད་སྤེལ་བྱེད་པའི་ས་ཚིགས་ཆུང་ཆུང་ཞིག་ཏུ་གྱུར་ནས་ཡུལ་སྐོར་བས་དངོས་སུ་བོད་བཟོའི་མགོ་རྒྱན་བཟོ་སྟངས་སྦྱོང་བ་དང་སྲོལ་རྒྱུན་གྱི་འཚེམ་བཟོའི་ལག་རྩལ་ཉམས་ལེན་བྱས་ནས་ཁབ་སྐུད་རེ་རེ་བཞིན་ཉི་ཤར་གྱི་གྱོན་ཆས་རིག་གནས་ཉམས་ལེན་ཐུབ་རྒྱུ་རེད།

མོས་བློ་རྩེ་གཅིག་སྒྲིམ་གྱིས་འཚེམ་བཟོ་བྱེད་བཞིན་དུ་ངའི་རེ་བར་མི་དེ་བས་མང་བས་ཉི་ཤར་རྒྱན་གོས་ཀྱི་རིག་གནས་ཤེས་ནས་བོད་རིགས་ཀྱི་རིག་གནས་ལ་དགའ་པོ་ཡོང་བ་བྱ་རྒྱུ་དེ་ཡིན་ཞེས་བཤད། ལོ་རབས་90པའི་ནང་སྐྱེས་བོད་རིགས་བུ་མོ་དེས་ཁབ་སྐུད་རེ་རེ་བརྒྱུས་ནས་རང་ཉིད་ཀྱི་ལང་ཚོའི་ཕུགས་འདུན་མངོན་འགྱུར་བྱེད་བཞིན་ཡོད་ལ། གནའ་བོའི་མི་རིགས་ལག་རྩལ་ལ་དུས་རབས་ཀྱི་རྣམ་པ་གསར་པ་ཞིག་ཀྱང་བཏོད་ཡོད།