སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ8པའི་ཚེས6ཉིན་ནས་ཚེས7ཉིན་བར།ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་འཇོལ་རྫོང་ཡེ་ཀྲི་གྲོང་རྡལ་དུ་བརྟག་ཞིབ་གནང་བར་ཕེབས་པ་མ་ཟད།ཁུལ་ཨུའི་འཇོལ་རྫོང་མཁར་ཉེན་གཡོལ་གནས་སྤོའི་ལས་དོན་གྱི་ཆེད་དོན་ཚོགས་འདུ་ཐེངས་19པར་གཙོ་སྐྱོང་གནང་ནས་འཚོགས་པ་རེད། ཁོང་གིས་ཏང་ཀྲུང་དབྱང་དང་། རྒྱལ་སྲིད་སྤྱི་ཁྱབ་ཁང་། ཞིང་ཨུ། ཞིང་ཆེན་སྲིད་གཞུང་བཅས་ཀྱི་འབྲེལ་ཡོད་བཀོད་སྒྲིག་བླང་བྱ་ལག་བསྟར་དོན་འཁྱོལ་ནན་ཏན་བྱེད་པ་དང་།  མི་དམངས་དང་ཚེ་སྲོག་གོང་དུ་བཀུར་རྒྱུ་མཐའ་འཁྱོངས་བྱེད་པ། གལ་ཆེ་ཆུང་དང་དལ་བྲེལ་ལ་གཞིགས་པ། དུས་བགོས་ཁག་བགོས་ཀྱི་རྩ་དོན་གཞིར་བཟུང་ཁྲིམས་མཐུན་སྒྲིག་མཐུན་ངང་རྣམ་གྲངས་འཛུགས་སྐྲུན་ལ་སྐུལ་འདེད་གཏོང་བ་བཅས་བྱས་ནས་དུས་མཚམས་རང་བཞིན་གྱི་དམིགས་ཚད་འགྲུབ་པའི་འགན་ལེན་བྱེད་དགོས་ཞེས་ནན་གྱིས་བསྟན།

      ལུའོ་ཁྲའོ་ཧྥེང་གིས་ནན་གྱིས་བསྟན་དོན། ལོ་མཇུག་ཏུ་གཞི་རྩའི་ཐོག་གནས་སྤོའི་ཆ་རྐྱེན་ལྡན་པའི་དམིགས་ཚད་ལ་གཡོ་འགུལ་མི་གཏོང་བ་དང་། ད་ཡོད་ཀྱི་རྣམ་གྲངས་བཀོད་སྒྲིག་ལེགས་སུ་གཏོང་རྒྱུར་ཤུགས་སྣོན་རྒྱབ་ནས།རེབ་ཐོག་མའི་དུད་ཚང་414ཡི་བཀོད་སྒྲིག་ཁང་པ་དང་། སློབ་གྲྭ སྨན་ཁང་སོགས་དམངས་འཚོ་འགན་ལེན་གྱི་དགོས་མཁོར་དམིགས་ཏེ། ངེས་མཁོ་ཆེ་བ་དང་དགོས་མཁོ་ཆེ་བ།ངེས་པར་དུ་གནས་སྤོ་དགོས་པའི་གཙོ་གནད་རྣམ་གྲངས་འཛུགས་སྐྲུན་སྔོན་ལ་སྐུལ་འདེད་གཏོང་ནས་ཉེན་ཆེའི་ཚོགས་སྤྱི་དུས་བཀག་ལྟར་གནས་སྤོ་ཐུབ་པའི་འགན་ལེན་བྱེད་དགོས། རྣམ་གྲངས་འཛུགས་སྐྲུན་གྱི་བརྒྱུད་རིམ་ཧྲིལ་པོ་དང་ལྷུ་ཚིགས་ཁག་ལ་ཞིབ་བཤེར་ནན་པོ་བྱེད་པ་དང་། ཉེན་ཁ་དང་མངོན་མེད་རྐྱེན་ངན་སྣ་ཚོགས་ནུས་ཤུགས་ཡོད་རྒུས་ཉེན་ཆེན་འགོག་སེལ་བྱེད་ནས། ཉེན་གཡོལ་གནས་སྤོའི་ལས་དོན་བདེ་འཇགས་དང་། གོ་རིམ་ལྡན་པ། བརྟན་པོའི་ངང་སྐུལ་འདེད་གཏོང་བ་བཅས་བྱེད་དགོས།གོང་རིམ་ལ་སྙན་སེང་ཞུ་བ་དང་འབྲེལ་མཐུད་བྱེད་ཤུགས་ཆེ་རུ་གཏོང་བ་དང་། སྲིད་ཇུས་སྣ་ཚོགས་བེད་སྤྱོད་ཡག་པོ་བྱེད་པ། ཐབས་ཤེས་སྣ་ཚོགས་སྤྱད་དེ་མ་དངུལ་གྲབས་གསོག་བྱེད་པ། མ་དངུལ་དོ་དམ་ལ་ཤུགས་སྣོན་རྒྱག་པ། ཁྲིམས་མཐུན་ལུགས་མཐུན་ངང་མ་དངུལ་སྤྱོད་པ་བཅས་བྱེད་པ་དང་ཆབས་ཅིག་རྣམ་གྲངས་ཀྱི་ཚོང་འགུགས་ལ་ཤུགས་སྣོན་རྒྱག་པ་དང་། ས་ཆའི་ཐོན་ཁུངས་ཕན་སྒྱུར་བྱེད་པ། མ་དངུལ་ཡོང་ཁུངས་རྒྱ་ཆེར་གཏོང་བ་བཅས་བྱེད་དགོས།གཙོ་རྒྱུ་འགན་ལེན་སྡེ་ཚན་གྱིས་ནུས་ཤུགས་ཡོད་རྒུས་ཞབས་ཞུ་འགན་ལེན་ཡག་པོ་བྱེད་པ་དང་། འཇོལ་རྫོང་མཁར་གྱི་ཉེན་གཡོལ་གནས་སྤོའི་ལས་དོན་ལ་གཞོགས་འདེགས་དང་རྒྱབ་སྐྱོར་བྱེད་པ། འགྲིམ་འགྲུལ་གྱི་རྨང་གཞིའི་སྒྲིག་བཀོད་འཛུགས་སྐྲུན་ལ་མགྱོགས་མྱུར་སྐུལ་འདེད་གཏོང་བ། རྫོང་གྲོང་གསར་པའི་ཕྱི་ཕྱོགས་འབྲེལ་མཐུད་ཀྱི་བར་ཐག་ཐུང་དུ་གཏོང་བ་བཅས་བྱེད་དགོས།གནས་སྤོའི་དུས་འགོའི་གྲ་སྒྲིག་ལས་དོན་ཏན་ཏིག་སྒྲུབ་པ་དང་། རྫོང་གྲོང་རྙིང་པའི་གནས་སྤོའི་སྐུལ་སློང་ལ་ཤུགས་སྣོན་རྒྱག་པ། ས་གཤིས་གནོད་འཚེ་འགོག་བཅོས་ཀྱི་ཤེས་བྱ་དྲིལ་བསྒྲགས་ཁྱབ་གདལ་གཏིང་ཟབ་གཏོང་བ་བཅས་བྱས་ནས་མང་ཚོགས་ཀྱི་གེགས་འགོག་ཉེན་གཡོལ་ནུས་པ་ཆེ་རུ་གཏོང་དགོས།མང་ཚོགས་ཀྱིས་འགན་གཙང་བླངས་པའི་ས་ཞིང་དང་། ནགས་ས། ཁང་ས་བཅས་“ས་ཆ་གསུམ”ཕན་སྒྱུར་བྱེད་པའི་ཐབས་ལམ་ནུས་ལྡན་འཚོལ་ཞིབ་ཧུར་ཐག་བྱ་དགོས།རྫོང་གྲོང་གསར་པའི་“ཟས་གོས་འགྲོ་སྡོད་སྤྱོད་ཉོ”སོགས་གཞི་རྩའི་དམངས་འཚོའི་དགོས་མཁོའི་སྒྲིག་བཀོད་འཛུགས་སྐྲུན་ལ་ཤུགས་སྣོན་རྒྱག་པ་དང་། ཐོན་ལས་བཀོད་སྒྲིག་དང་ཇུས་འགོད་གང་མགྱོགས་བྱེད་པ། ཐོན་ལས་དང་གྲོང་ཁྱེར་མཉམ་འདྲེས་འཕེལ་རྒྱས་ལ་སྐུལ་འདེད་གཏོང་བ་བཅས་བྱས་ནས་མང་ཚོགས་གནས་སྤོ་ཐུབ་པ་དང་། གཞིས་ཆགས་ཐུབ་པ། ཕྱུག་འགྱུར་ཐུབ་པ་བཅས་ཀྱི་འགན་ལེན་བྱེད་དགོས།སྲིད་གཙང་ཉེན་ཁར་དོགས་ཟོན་བྱ་རྒྱུ་དེ་གནས་སྤོའི་ལས་དོན་གྱི་ཐོག་མཐའ་བར་གསུམ་དུ་ཁྱབ་པ་བྱས་ཏེ་སྤྱོད་གཙང་གི་མཐའ་ཚད་བརྟན་སྲུང་དང་བསམ་བློའི་འགོག་སྲུང་འཛིང་རགས་བརྟན་དུ་བཏང་ནས་ལས་གྲྭའི་སྤུས་ཚད་ཉམས་སད་ཐེག་ཐུབ་པ་དང་ལས་བྱེད་པའི་དཔུང་ཁག་ཉམས་སད་ཐེག་ཐུབ་པ་བྱེད་དགོས།